إبن شّداد

[إبن شّداد @Bucci_0]

@barq دبلها

[إبن شّداد @Bucci_0]

@barq 🇸🇦

[إبن شّداد @Bucci_0]

@barq 🇸🇦🇸🇦🇸🇦

[كيف @kiiiif_]

غنى النفس بشتٍ ما يعلق على معلاق
يشيّخك ، لو تمشي على الارض كعابي

[‏᷂عسر٨٨ @Qhta10ni]

يركض الرجال فالدنيا مثل ركض الذيابه
يوم يلقى الي يبيه ويوم ما يلقاه مرّه

[أ . نوفمبر ﮼ @iiia2r]

عليك الملام ... و شرهة ما بها تجريح
لو انك نكرت العيش و الملح و العشره

تماديت يوم اغضيت عن ماضي التبريح
و اجامل و نار الغبن بالجوف مستعره

اثاريك تبغى اللي يقومك ... يوم تطيح
بعد صارت يدين القريبين ... منبتره

و انا ذنبي اني ما اعرف لمنهج التصريح
لان الحقيقة ... توجع الناس بالفطره

صدور الرجال ليـا نفذ صبرها ... بتبيح
و الى بيحت في وقتها. ... ضاعت الدبره

مفاهيم بعض الناس يبغى لها تصحيح
لكن العقول دحول ... و دروبها عسره

غموض الوفاة .. يبينه مشرط التشريح
و انا خابر انها ترهقك ... وخزة الابره

ابحشم يميني عنك . حتى من التلويح
وابنساك ... و اللي صار مانيب معتبره

[‏᷂عسر٨٨ @Qhta10ni]

لا اكتسى وجه الفتى شيمة وقيمة
فك له رب السماء باب الجمايل

[𝐈𝐁𝐑𝐀𝐇𝐈𝐌 @ib78i]

سيّد البال .. تاخذني عليك الطواري
أثر مالي لو يطول الجفا عنك صَدّة

أنت ليلٍ . . تخاطفني عليه المساري
وأنا ما جابني لك غير صدق المودّة

ودي آخذ من عيونك ومبسمك ثاري
شي يوخذ بـ لين وشي يوخذ بـ شدّة

عاد وإن بان بين الساعدين إنكساري
من يلوم القوي لا بيّح الشوق سدّه ؟

[كيف @kiiiif_]

لـ أنجبرت أنك تحط العذر في كسر الخواطر
حاول أنك ما تحط الذنب ،، في وجه المحبه

[ماجد بن مهل @majed_almhl]

"عهدي بهم يوم اللقايا مفاريد
وقتٍ هل البل ماجهلهم حسابه"

كم المدة الزمنية بالضبط؟

[s @1tiq8]

– كوب اسبرسو بعنوان :

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

[وهّاج @_3jim]

صباح الخير للجميع ، أما بعد يقول ثامر مدعث :

أمنعونا من قهاوي حديثين الزمان
و قربوا شقرا نكيّف على فنجالها :)

[قصايد @hnoof_x]

الناس مليانه جهل والارض مليانه عبر
والمعتبر ماهوب في حاجة وصاه ولا شوير

أسهل عليك انّك تحرى لك جوابٍ من قبر
ولا تحرّى نبتة المعروف في نجس الضمير"

[‏᷂عسر٨٨ @Qhta10ni]

رعاك الله ياوقتٍ غدا و الصدور ضياق
تبارينيَ صدوفه و المقادير سباقهّ

[راكان @z711j]

مبطي من نومة الليل يانوم النهار
سامح الله راحة البال في تقصيرها

[سِٰـِۢجِٰـِۢآيِٰـِۢآ ♡ @otp__h]

•

"وجهٍ رغم سود الصواديف نيّر،
كنه يقول لطاري الجرح لا بأس"

•

[الريّس @83jmi]

جادلٍ تستحي حتى من الابتسامه
تحسب البرق يبرق من ثنايا ثغرها :)

_ فارس الحشار

[وهّاج @_3jim]

فاتحٍ له في السراجيف بوابه
ماتسكّرها هل المدح و الذمي

- سعد بن جدلان

[مدواخ شعر @Medwkh]

تنزاح عن وجه الصحيح الاكاذيب
وتبين في وقت الظروف الرجولة

واللي عزومه ما تسوقه على الطيب
تطلع من الشوط الحماسي ذلوله

[قصايد @hnoof_x]

يهيم في فعل الجمايل وانا اهيم
في ذكره اللي شاع طيب وغنايم "