Ch.M.NAIDU

ఏకం సత్.. బహుధా వదన్తి

[Ch.M.NAIDU @chmnaidu]

"ఈ ప్రపంచంలో ఒకరి కోసం ఒకరు ఏదీ చేయరు. ఎవళ్ల కోసం వాళ్లే చేసుకుంటారు. కొందరికది చాతనవుతుంది. కొందరికి అదీ రాదు"

(కాలాతీత వ్యక్తులు/డాక్టర్ పి. శ్రీదేవి)

[Ch.M.NAIDU @chmnaidu]

"ఆడవాళ్ల మనసు తెలుసుకోవడం, నీళ్లలో చేపల దారి కనుక్కోవడం ఒక్కటే.. "

(సంస్కారం /UR అనంతమూర్తి/సుజాత పట్వారి)

[Ch.M.NAIDU @chmnaidu]

"రాజకీయాల్లో మనుషుల్ని చంపరు. దారిలో కంటకాలను ఏరిపారేస్తారు. అంతే"

(ది కౌంట్ ఆఫ్ మాంట్ క్రిస్టో/ అలెగ్జాండర్ డ్యూమా- అజేయుడు/సూరంపూడి సీతారాం)

[Ch.M.NAIDU @chmnaidu]

జీవితం అన్ని సుఖాలను అనుభవించేందుకు, అపారమైన జ్ఞానాన్ని సముపార్జించేందుకు సరిపోకపోతే ఆ జీవితం మనకెందుకు?
(వ్యాసుడితో ద్రౌపది)

(ద్రౌపది/యార్లగడ్డ లక్ష్మీప్రసాద్)

[Ch.M.NAIDU @chmnaidu]

గొప్ప రచయిత గోపీచంద్ (అసమర్ధుని జీవయాత్ర) 1952లో 'పేరంటాలు' సినిమాను తెరకెక్కించారు. సినిమా విడుదలకు ముందు శ్రీశ్రీకి చూపించారు.
ఆ సినిమా చూసి శ్రీశ్రీ ఆశువుగా ఇలా చెప్పారట..

"చూచితిని పేరంటాలిని
వాచెను నా రెండు కళ్లు వలవలా ఏడ్వన్
లేచి లేవక మునుపే
గోచీ విడే నేమనందు గోపీచందు"

[Ch.M.NAIDU @chmnaidu]

"దరిద్రుడు, ధనవంతుడు అనే తేడా లేకుండా అందరినీ సమానమైన బిడ్డలలాగున పాలించే దయాళుడైన దేవుడెక్కడైనా ఉన్నాడా? "

(అమ్మ/మాగ్జిమ్ గోర్కీ/క్రొవ్విడి లింగరాజు)

[Ch.M.NAIDU @chmnaidu]

గణాచారి గుత్తా పన్ను:
విజయనగర రాజుల కాలంలో భోగపు సానులు పెద్దసంఖ్యలో ఉండేవారట. వారిపై విధించే పన్నును గణాచారి గుత్తా పన్ను అనేవారు. ఇలా వసూలు చేసే పన్ను 12 వేల మంది సైనికుల జీతభత్యాలకు సరిపోయేదట!

(ఆంధ్రుల సాంఘిక చరిత్ర/సురవరం ప్రతాపరెడ్డి)

[Ch.M.NAIDU @chmnaidu]

"క్రమమేమిటి? అక్రమమేమిటి?
ఎవడికి వీలుగా ఉన్నది వాడికది క్రమం
ఎవడికి వీలు తప్పింది వాడికది అక్రమం"

(చంఘిజ్ ఖాన్/తెన్నేటి సూరి)

[Ch.M.NAIDU @chmnaidu]

"గొల్లోడు గొర్రెలతోబాటు కొండలెక్కుతాడు. అడవుల్దిరగతాడు. వాటితో పాటు వానలో తడుస్తాడు. ఎండల్లో ఎండుతాడు. ఇంతజేసినా గాని గొర్లు కసాయోడిని నమ్మినట్టుగా గొల్లోడిని నమ్ముతాయా? అదే ఇచిత్రం"

(ఇన్.క్రెడిబుల్ గాడెస్ (క్షుద్రదేవత)/డాక్టర్ కేశవరెడ్డి)

[Ch.M.NAIDU @chmnaidu]

"కాలం చాలా కఠోరమైనది. ఎంత వారినైనా తన పొట్టలో పెట్టుకుంటుంది. అదృష్టవంతుల పేర్లు పైకి వస్తాయి. దురదృష్టవంతులవి అట్టడుగున పడిపోతాయి"

(హంపీ నుంచి హరప్పా దాకా/
తిరుమల రామచంద్ర)

[Ch.M.NAIDU @chmnaidu]

పరమాత్మను సర్వసాక్షి అంటారు. కానీ, అమాయకులకు, నేరం చేయని వారికి సాక్షిగా అతను ఎప్పుడైనా పరుగెత్తుకుని వస్తాడా?

(యయాతి/విష్ణు సఖారామ్ ఖండేకర్/యార్లగడ్డ లక్ష్మీప్రసాద్)

[Ch.M.NAIDU @chmnaidu]

"తినుటకు తిండి యున్నచో న్యాయస్థానమునకు లాగబడరాని యే దోషము చేసినను దోషము కాదు"

(వేయిపడగలు/విశ్వనాథ సత్యనారాయణ)

[Ch.M.NAIDU @chmnaidu]

"ఇలా చేయకుండా ఉంటే, ఇలా కాకుండా ఉంటే బాగుండేది" అని నువ్వు విచారించేవన్నీ అప్పటికే ముగిసిపోయి ఉంటాయి

(ఫౌంటెన్ హెడ్/ అయిన్ రాండ్/ రెంటాల శ్రీవెంకటేశ్వరరావు)

[Ch.M.NAIDU @chmnaidu]

"ఎవరి సంభాషణ అయినా నాకు విసుగనిపిస్తే వాళ్ల నుంచి తప్పించుకోవడానికి నేను సాధారణంగా చేసే పని ఒకటుంది. అది- వాళ్లు చెబుతున్న దానికి ఒప్పుకున్నట్టు నటించడం.."

(The Stranger/అపరిచితుడు/
Albert Camu/జి. లక్ష్మి)

[Ch.M.NAIDU @chmnaidu]

"చాలా కుటుంబాలు సంవత్సరాల తరబడి ఎలాంటి వికాసమూ లేకుండా ఉండటానికి కారణమేమిటంటే ఆ భార్యాభర్తలు పూర్తిగా కలిసీ ఉండరు, విడిపోయీ ఉండరు"

(ఆన్నా కరేనినా/టాల్ స్టాయ్/ తాపీ ధర్మారావు)

[Ch.M.NAIDU @chmnaidu]

"మనుషులలో ఒకరి సంగతి మరొకరికి నిజంగా ఏపాటి తెలుస్తున్నది?"

(వనవాసి/భిభూతిభూషణ్ బందోపాధ్యాయ/సూరంపూడి సీతారాం)

[Ch.M.NAIDU @chmnaidu]

"రావణుడిలా జీవించాను. రావణుడిలా మరణిస్తాను. నాకు రాముడిలా మారాలని లేదు. అతను సంపూర్ణ మానవుడు. దేవుడు. నా రాజ్యంలో దేవుళ్లకు కొదవ లేదు. మనుషులే తక్కువైపోయారు"

(అసురుడు/ఆనందనీలకంఠన్/ఆర్.శాంతసుందరి)

[Ch.M.NAIDU @chmnaidu]

ఇంటికొకసారి వచ్చిన తరువాత వెళతానని కూడా అనకుండా భోజనాలు చేస్తూ, విందులు కుడుస్తూ కూర్చునే అతిథిలాంటిది "అప్పు"

(గోదాన్/ ప్రేమ్ చంద్/ అట్లూరి పిచ్చేశ్వరరావు)

[Ch.M.NAIDU @chmnaidu]

ఆంధ్రజ్యోతి సచిత్ర మాస పత్రిక 1947 (సర్వజీత్తు నామ సంవత్సర) ఉగాది సంచిక ముఖచిత్రం

#ఉగాది

[Ch.M.NAIDU @chmnaidu]

"లోకం ఎట్టుందిరా శిష్యా"

"లోకం ఎవుని లోకం వానిదిగా ఉంది సావి. ఇంత లోకం తిరిగి నేను తెల్సుకునింది ఇదొక్కటే"

(రాముడుండాడు రాజ్జివుండాది/ డాక్టర్ కేశవరెడ్డి)