توفيق الله وتيسيره للأمور شيء يأسر القلب ويحثك تتفكر وتسعى انك ترضي ربك أكثر وأكثر، اما فيصل الرجل الخدوم اسأل الله أن يعطيك حتى يرضيك ويصب عليك الخير صب ويفرج همومك ويزيدك من نعيمه ولا يحوجك لأحد من خلقه
رحت وحده من الجهات الحكوميه في موضوع يهمني لكن ما املك فيه خبره وبصراحه يحتاج واسطه، رحت فاقد الامل ولكن اداء واجب وكنت اقول لابوي يمكن القى ولد حلال يساعدني في الموضوع، وسبحان الله فعلا القدر موكول بالمنطق فوق مانتصور، والله انها تيسرت ولقيت فعلا رجع خدوم جدا
لدرجة اني طلبت رقمه وانا شايل هم اني اكون مزعج او تعديا حدودي خاصه انه خدمني وماقصر لكن قلت في حال احتجتك ابغى رقمك وفعلا احتجته في استفسار وارسلت له واتس، مادريت الا هو دق علي وجاوبني وطلبني اذكره الصبح يتابع المعامله رغم انها طلعت من قسمهم لقسم ثاني.
مايذبحني فالشغل الا الانسان البارد اللي اضطر اني اشتغل معه والازفت اذا كنت مشرف على مجموعه باردين وكلهم اكبر مني، ياخي احترم نفسك وخلص الشغل لا تحدني اقومك تنجز
صارلي موقف ضايقني ودخلت هنا وكتبت يمكن ٥ تغريدات فضفضه لان الموضوع ابسط من اني ادق على احد من اخوياي اتكلم عنه، ويوم جيت برسلها دق علي ابوي اكثر انسان يفهمني فالدنيا ذي واحب اسمع له واعرف اني لا تكلمت معه بيعطيني الصراحه بألطف وانظف طريقه لو كنت غلطان
يوم جميل جدا في مهنتي ك صحي، والله بعيد عن المثاليه و الادّعاءات بذلت مجهود كبير في إنعاش طفل في الطوارىء وبعد فضل الله وذا الجهد رجعنا الطفل وشفت الفرحه في عيون امه والدعوات خلت التعب كله يختفي، انا صرت اعيش للحظات هذي حقيقه
الحمدلله اللي أنعم علي بكثير من الفضل، أشعر أن حياتي مستقره بعد الكثير من التعرجات، العقل مرتاح وراضي، مكانتي عند اللي أهتم لهم وأحبهم عاليه جدا، الوضع العام مرضي اللهم لك الحمد ونسأل الله أن يديم هذه الراحه
والله اني اعشق الخبر عشق ماله حدود، اغيب عنها شهر وارجع لها وتحلى اكثر في عيني، مدينة الرقي والجمال و الرتابه، ��واقه و شوارع جميله مريحه تمشي على راحتك، مباني وابراج لو تخططها في بالك ماتطلع بالجمال هذا، حتى اختيار الاضاءه فالشارع مريح للعين، مدينتي الله يجعلك في تطور دائم ❤️.