عفّى الله عن كلام في حنايا الصدر ماينقال
تركته للزمن لو هو ثقيل و جمرته حييه
وعفى الله عن هموم ماتخلي مستريح البال
يعيش ايام عمره في صفا ذهن وصفا نيّه
وعفى الله عن هـواجيس توقف بي على الأطلال
تـعـيـد ذكرييات اللي مع الايـام منسيه .
ماتشيب الأماني لو تخيب الظنون
وماتضيق الحي��ه وعند ربي سعه
وماتميل الجذوع ولو تميل الغصون
مايرتفع بعض الناس لو ترفعه
أختلاف الفكر لا يعني أنه جنون
واتفاق العقل لا يعني المنفعه .
ما عاد تدري من الفايز و من المهزوم
الوقت هذا مخاسيره غنايم !
حتى لو انك تـصد و تستحي و تشوم
لازم على راسك تقوم القوايم !
البارحه نـمت لا ظالم ولا مظلوم
و اليوم ؟ جتك التهايم و انت نايم 🤷🏻♂️ .
يمكن ؟ اغيب ايام و ايام و ايام
وفيها اسج ولا يجيك اتـصـالي
لكن تاكد ! و الوعد دوم قدام
ماغبت عن عقلي و فكري و بالي
خذها عهد مني ! على مر الأعوام
ان جيت ؟ غالي و ان تباعدت غالي .
يا صاحبي والقلب بالبعد بلشان
و العين تذرف دمعها من عجاجه
أطرد سراب الوصل وأقول عطشان
والخاطر المكسور يبغى خراجه
أعدّ ساعات الجفا وعدّ الأزمان
مثل المريض اللي يرجّي علاجه
يالله عسى تالي الصبر خير وإحسان
ونشوف نور الوصل طفّى سراجه .
ياصاحبي الله يمسيك بالخير
عقب البطا بنشدك وشلون حالك
من ��يننا رفقه ومعزه وتقدير
وقل اتصالي يوم قل اتصالك
اقفت بك الايام من دون تبرير
وجعل الفرح والطيب فالي وفالك
وان بعتني من شان هرج المعاذير
ياما حكوا بك واحتمينا مجالك .