ibrahim mady

Dentist waiting for IPhone4 2.10.04 BB unlock !!

[ibrahim mady @DrHumHum]

ما زلت أستغرب وجود "ناصريين" من المثقفين وأصحاب العقل الراجح ورغم أن الزمن -في رأيي السطحي- تجاوز تلك الحقبة بما لها او عليها

ربما كان من الأجدر -في رأيي السطحي برضه- أن نجد "ساداتيين" باعتبار أنه آخر من بدأ هجومًا وأنجز تصورًا
ولولا محصلة تجربته لكانت سيناء اليوم امتدادًا للضفة والقطاع

عمومًا الخناقة ملهاش لازمة
فلا أعتقد أن القرن العشرين بعد قرنين أو ثلاثة سيشغل في كتاب التاريخ المدرسي المصري أكثر من سطرين أو ثلاثة كعصور الاضمحلال بين الأسرات المصرية القديمة التى لم يهتم طالب يومًا بمعرفة أسماء أفراد تلك الأسر أو كيف كان الناس يُصب في مصلحتهم خلال تلك الفترات
سيتحول كل هذا الصخب الى سطر عابر يهتم بحفظه الاول على الفصل لينال الدرجة النهائية في امتحان تاريخ الذى ستستقر جميع أوراق إجاباته في صفيحة زباله سيتم إفراغها في الشارع وفرزها بحثًا عن الكانزات والكرتون 🙄

وقراءاتي -البسيطة برضه- لا ترى فرقًا جوهريًا بين السلطانية والملكية والجمهورية والإمارة إلا في الشكل
كلمني في الزتونه "المضمون": كيف توزع القوى؟ كيف تنتقل المناصب؟ ما حدود الحريات؟ وما مدى قدرة المؤسسات على تقييد النخب الحاكمه؟ ماهو العقد الاجتماعي؟ ومن هذه الزاوية -الزاويه حسستني اني بكتب كلام مهم- يبدو لي الفرق بين المملكة المتحدة والولايات المتحدة شكليًا أكثر منه جوهريًا بالنظر إلى آليات الحكم وموازين السلطة لا إلى اسم المنظومة (وكما قال الشاعر مينا نفس حروف أمين والاتنين ولا ليهم لازمه وح يتصب في مصلحتهم)

في حالة التوهان الراهنة يتعلق كل طفل -آسف على التشبيه- بأحلامه!!
والأحداث الجارية في الشرق السعيد دفعت كل "عيّل" منا - وانا أعيل واحد- للبحث في أوهامه عن عالم افتراضي ينجو فيه باحلامه وافكاره وطموحاته
بينما أظن -وظني لا قيمة له على الإطلاق بصوت مدحت شلبي- أن المستقبل لن يأتي من أوهام الماضي
وربما لن يأتي أصلًا ما دمنا جميعًا أسرى لصور واحداث لم تعد تصلح إلا كذكري -وزجير بالجدر ان من قتلها أحد نخب المرحلة- ربما لطيفة للبعض وسخيفة للبعض لكنها تظل ذكرى عاجزة عن احداث اي أثر فيما نعيشه من واقع
اسف على الاطالة والهري 🙏🙏

[ibrahim mady @DrHumHum]

@wael_alemam طب وايه المشكله؟
لا المدير ولا النادي فوق النقد
فكرة الأندية الرياضية اصلًا قايمة على المواجهات والمنافسات
وصناعة الرياضة عمومًا في شقها الإعلامي قايمة ع الكواليس والتسريبات والتحليلات والتوقعات والخ الخ
الواد ناديه استغنى عنه
عايز يطلع يشيد بحكمة القرار؟ 😀

[ibrahim mady @DrHumHum]

All English all the time 🤣

[😎 THE PHILOSOPHER 😎 @THEEGYPTIANIST1]

ايه ده ؟!
ليه كده ؟!
وايه اللغه دي ؟!

[ibrahim mady @DrHumHum]

@ahgypt @Boshy77 وتنفع برضه بفتح التائين وقلب الكاف قافًًا مكسوره

[ibrahim mady @DrHumHum]

@__MAN_ احنا مخطوفين بس بنحب اللي خاطفنا.. مازوخية اجتماعية 😂

صدق اللي قال: ورجالها -لامؤاخذه- مطية لمن غلب (او ركب مش ح تفرق)

[ibrahim mady @DrHumHum]

@1Eslam20 اعتقد الاهلي استحاله يعمل بيان كده
لانه ح يتحسب عليه اولًا
ولانه مخالف للوايح الفيفا
وكمان لان لاعيبة الاهلي مش ح تسيب المنتخب وبدلاته وتفرط في مستقبلها عشان الشناوي

بس عمومًا لو حصل تبقى فضيحة 😀
ووقتها نبعت للمنتخب معتمد بالرجاله

[ibrahim mady @DrHumHum]

@calmbehindstorm مامانت عملاً داره میگه: خدا رو شکر خوشگل شدی… ولی بذار گذشته رو هم فراموش نکنیم 🤣😂

[ibrahim mady @DrHumHum]

@tecno_tito لا أظن
الجدع لسه ماضي من يومين
والشناوي يبوس راسه عادي وصلاح يتراضى بكلمتين او بلاش منه خالص
اظنه مكمل لحد نتيجة كارثيه مش قبل كده والله اعلم

[ibrahim mady @DrHumHum]

والاتنين لعبوا على بعض ��😂😂

[khaled talaat @khaledtal3at]

مبا��اة منتخب مصر ومنتخب أنجولا اليوم شهدت حدث تاريخي غير مسبوق .. المباراة شارك فيها ١٦ لاعب مع كل منتخب .. لاول مرة في التاريخ يكون عدد لاعبي الزمالك في منتخب مصر مساوي لعدد لاعبي الزمالك في المنتخب المنافس !!!

[ibrahim mady @DrHumHum]

@3amor 😂😂😂

[ibrahim mady @DrHumHum]

تأليف قصة في زمن الـAI ح يغير معنى التأليف نفسه
أصبح عند المؤلف أدوات غير مسبوقة لبناء الحبكة واختبارها واستكشاف احتمالات من خارج عقله وتراكم المعرفة الشخصي لديه وتطوير الشخصيات وابتكار حلول للعقدة غير المتعارف عليها

لكن فيه نقطة مقلقة هنا:
نفس الأدوات اللي ممكن تستفز ابداع المؤلفين ممكن كمان تصنع مؤلفين مزيفين بنصوص مقبوله ومتماسكة وتبدو محبوكة من غير أن يكون وراءها بالضرورة خيال أو تجربة أو صوت إنساني حقيقي

هل ح يفضل هناك شيء يميز المؤلف عن الشخص اللي بيعرف فقط ازاي يستخدم الآلة؟ او معاه قرشين يدفع تمن الخدمة؟

[ibrahim mady @DrHumHum]

@3amor مع الوقت -وببعض الجهد- فعلًا ح يبقى ممكن تكتب مقال بقلم توفيق الحكيم مثلًا عن احداث جاريه
بس مفيش ai ح يعرف يتفوق على مصطفى بكري 😃

[ibrahim mady @DrHumHum]

الصياغة جزء من مهارات المؤلف لكن حتى اشهر الكتاب بيعرضوا أعمالهم للمراجعة والتصحيح عادي
موضوع انك تشرح فكرة للAI وهو يكتبها يظل فيه إسهام إنساني حتى لو بدرجة بسيطة

لكن أسلوب الكتابة لوحده مش هو كل شيء يعني
طه حسين اشتهر بالإطناب في أسلوب صياغته لكن انت مش بتقرا له بس عشان أسلوبه وانما بتحاول تستخلص تجربته الإنسانية من اللي كتبه وتضيفها للتراكم المعرفي جواك

قصص الـAI المنتظرة ح تبقى نتاج فخفخينا من ذاكرة رقمية جباره تضيف للوعي الإنساني عند المتلقي من وحي آلة لا تملك تجربة حقيقية
مش عارف أنا قادر أوصل فكرتي ولا ح احتاج الـAI يفسرها 😃

[ibrahim mady @DrHumHum]

@__MAN_ @3asssy البقاء لله
خالص التعا��ي

[ibrahim mady @DrHumHum]

@engmarwahassan دي مش طعمية
دي green burger يا فندم

[ibrahim mady @DrHumHum]

@tou___ta الجدع ابدع في كل حاجه خالص وجاب ضرفها وفضل يتسائل: فاضل ايه؟ فاضل ايه؟ ايوه !! هو الشعار!!
فأنا الصراحة شايف ان المرحلة تستحق ان الشعار يكون صورة عبلة كامل عشان تكمل الصورة الذهنية

[ibrahim mady @DrHumHum]

@karimelfaidy الرجوع للصواب قيمة راقية جدًا
أحييك على شجاعتك ❤️

[ibrahim mady @DrHumHum]

هو يبدو إننا كده في وسط الحرب العالمية الثالثة…
بس كله مكسوف محدش عايز يقولها بصراحة!! 😂

مش عارف يمكن العالم خايف من الحسد؟
ولا في بروتوكول دولي بيمنع استخدام المصطلح لحد ما كله يخلص ع التاني ويجيب ضلفها؟ 🤔😂

[ibrahim mady @DrHumHum]

في تجارب كويسه جدًا في المجال ده
يعني كتير دلوقت بيعتمد على برامج في الorthodontic tracing tests من خلال تحميل صور الاشعه
انما لسه العنصر البشرى ضروري جدًا لان التشخيص مش معادلة محكومة تقدر تضبطها ومش مجرد تراكم معرفي وانما ربط بين عوامل كتيرة + قرار ترجيحي
تشخيص حالة بلهارسيا في هولندا ممكن يحتاج بحث طويل وعرض على اكثر من تخصص بينما في مصر ممكن يشخصها تمرجى الوحدة الصحية بالريف!
وفي نفس الوقت روشته علاج الاسهال في اوروبا محتاجه تحليل وممكن سونار كمان قبل ما يتجرأ الطبيب ويكتب مضاد حيوي فلاجيل (وده الصح)
بينما في مصر بيكتب الروشته دي ربة منزل غير متعلمه (وده الصح برضه)
لان هناك الاسهال ممكن يكون بسبب حاجات كتير، بينما هنا ٩٩٪ السبب معروف وبالتالي التفتيش الزايد مضيعه للوقت
لذلك لو في application بذكاء اصطناعي محلي ح تحتاج وقت طويل على ادراك كل ده

[ibrahim mady @DrHumHum]

@tou___ta وارد جدًا
ونتيجة طبيعية لأداء الادارة الحاليه
الراجل ح يروح لمنظومة مستقرة ماليًا واداريًا
وح يلاقي دعم جمهور راضي مدافعين اقل منه بكثير
واللي فرط فيه فرط في اللي اهم منه عادي يعني