أنا طاقتي خلصت لدرجة إني مبقتش أتكلم عن أي حاجة زعلتني واحاول ابرر هي ليه زعلتني حتى لو تافهه ، وصلت لنقطة أنه خلاص كل واحد عارف هو بيعمل ايه كويس أوي وكل واحد عارف تصرفاته ، بس بردو بفضل مضايق و جوايا تراكمات بتزعلني اكتر.
كان عنده حق نجيب محفوظ لما قال "ثم تتحول فجأة لشخص لا يُعاتب أحداً، يتجنب المُناقشات التي لا جدوى منها، ينظر للراحلين عنه بهدوء، ويستقبلُ الصدمات بصمتٍ مريب".
فيه شعور كدا مسيطر عليا مش قادر الاقيله مسمى حقيقي بس هو شبه ال disconnection ، لا عارف اتكلم ، ولا عارف احكي مالي ، ولا عارف اجمع افكاري في دماغي عشان اعرف انا مالي واقدر اتكلم حتى ، قاعد ساكت او بتوه في اي حاجة، بس انا مالي؟ انا مش عارف والله ومش عارف نهاية كل دا ايه
لما تتأخر عن الإعتذار ، والاتصال والسؤال والاهتمام ، والمصالحة ، بتكون بتهدم حاجة كان مقدر ليها أنها تكون جميلة بس بتضيع مش كل حاجة علاجها الزمن
عامل الوقت أحيانا بيقتل المشاعر.
من كتر رغبتي في إني أكون إنسان مستقل تماما بذاتي ، بقي صعب عليا مشاركة لحظاتي مع أي حد ، بحس إني لازم أتعامل مع مشاكلي ولحظات ضعفي لوحدي ، و الحقيقة دي حاجة مش لطيفه و قاسيه..لكن أعتقد اني مهما شخصيتي نضجت هفضل أميل إني أقسي علي نفسي بدل ما حد غيري يكون معاه مفاتيح إنه يقسي عليا.
ضمن مشاكلي النفسيه اني لما بقلب ع ��د بقلب ب غباوه وقسوه مش طبيعيه رغم ان اللي يشوفني وانا حنين وبدي كل مشاعري واهتمامي للى بحبهم عمره م هيصدق ان القسوه دي كلها جوايا دايما بيبقي ليا اسبابي واغلب الوقت بتكون التراكمات والسكوت فيتحول لغضب مُميت مبيرحمش اللي قدامه لما يجيب اخره
انا اللي بيتجاهلني بيخسرني حتي لو بحبه ، حبه ف قلبي بيقل او بينتهي انا مش ملاك بس معنديش اوبشن اتمسك بحد شاف نفسه عليا او حسسني اني مش من ضمن اولوياته ولو لمره واحده ، انا مبعاتبش كل واحد عارف هو بيعمل ايه كويس ، انا بس بخرجه بره دايرتي اللي فيها ناس يهموني وكأنه لم يكن.