Wael

الفكرة الجيدة لا تحتاج ضجيجاً لتُسمع 🪶

[Wael @EngGojo]

المشكلة مش باللي شايف الجواز إنجاز المشكلة باللي مش قادر يشوف السعادة إنجاز أياً كان شكلها، الفلسفة الحقيقية هي إنك تلاقي المعنى في الفراغ فإذا كان هاد الشخص قدر يبني بيت وعالم من اللاشيء فهو صنع وجود من عدم أما النظرة الفوقية فهي مجرد محاولة بائسة لتعويض شعور داخلي بالاغتراب اللي بـ يصعب عليه غيره، هو غالباً شخص مش عارف يلاقي إنجازه الخاص فقرر ي��لب الآخرين قيمة إنجازهم عشان يتساووا معه في العدم

[Wael @EngGojo]

@xdeal8 المأساة مش بظنك إنهم بكرهوك المأساة الحقيقية إنك سلمت مفاتيح قيمتك لناس زيك ومنحتهم سلطة يحددوا إذا وجودك إله داعي أو لأ ولما بنبلش نشك بإننا بنستحق الحب بنصير نشوف الصدق مجرد تسليك والود عبارة عن مؤامرة مرسومة علينا

[Wael @EngGojo]

الحقيقة اللي العالم بيحاول يتناساها هي إن القطيعة المعرفية اللي صارت بتبين وكأن العلم بدأ فجأة في أوروبا بينما الواقع بيقول إن المنهج العلمي التجريبي نفسه هو منتج عربي بامتياز
​العلماء العرب ما كانوا مجرد ناقلين أو مترجمين زي ما البعض بيحب يصور هم كانوا المصححين لأخطاء الإغريق والمؤسسين لعلوم كاملة من الصفر لولا ابن الهيثم كان علم البصريات لسه غارق في خرافات اليونان ولولا ابن سينا والرازي كانت الطبابة الأوروبية لسه بتعتمد على السحر
​الفكرة مش سرقة وبس الفكرة هي جحود لفضل الحضارة اللي علمت العالم كيف يفكر بمنطق وكيف يحول الفلسفة لتجارب ومختبرات إحنا ما بنعيش على الأطلال إحنا بس بنذكر العالم بمصدر الضوء اللي نور عتمتهم يوما ما

[Wael @EngGojo]

@ank188 النهضة الحقيقية بتعتمد على الإنتاج، والعدالة، والتعليم، مش على استيراد قوالب جاهزة وفصلها عن هوية المجتمع دول الخليج حالياً عم بتعيش أضخم نهضة وتنمية بشهادة العالم كله وهي محافظة على هويتها وقيمها العلمانية مش عصا سحرية وكثير دول طبقتها وما حصدت غير التفكك الاجتماعي والتبعية

[Wael @EngGojo]

الحياة مرات بتسود بوجوهنا وبنحس إنه الموت هو المهرب الوحيد من كل هالوجع بس الحقيقة إنه الانتحار مش حل هو بس استسلام لظرف مؤقت وقرار نهائي لشيء ممكن يتغير بكرة إنتي لساتك ببداية الطريق والوجع اللي حاسة فيه هسا هو اللي رح يصنع منك إنسانة صلبة ومحدش بيقدر يكسرها الرهان الحقيقي مش إنك تنهي حياتك الرهان إنك تضلي واقفة بوجه كل الظروف وتثبتي لنفسك إنك أقوى من أي لحظة ضعف الحياة بتستاهل تنعاش عشان اللحظات الحلوة اللي لسا ما شفتيها وعشان الناس اللي بيحبوكي وبستنوكي تضحكي من قلبك مرة ثانية خليكي قوية وما تخلي اليأس يكتب آخر سطر بقصتك

[Wael @EngGojo]

@ahmeddraftss @saba7_ma7i اه فهمتك غلط

[Wael @EngGojo]

يا صديقي بلاش ندخل بمتاهات فلسفية قديمة أكل عليها الدهر وشرب فكرة إن الأنثى ذكر غير مكتمل هي مغالطة علمية لأنه الأنثى عندها جهاز تناسلي كامل ومعقد وظيفياً وبقوم بأدوار الذكر ما بقدر يعملها زي الحمل والولادة فالموضوع مش اكتمال نمو بل هو تمايز وظيفي يعني الخلايا الجذعية الأولية أخذت مسار مختلف تماماً لخدمة غرض بيولوجي مختلف وعلم الأجنة بوضح إنه المسارين الذكري والأنثوي هم نتاج تفعيل جينات معينة بوقت معين يعني ببساطة تخصص مش نقص فبلاش نرد على هبد الأصل والفرع بهبد الناقص والكامل وخلينا نحكي بمنطق الهندسة الحيوية اللي بتعترف بتكامل الأنظمة مش بتفوقها الوهمي،كلامك عبارة عن رأي ارسطو مرفوض دينا و علميا و فكريا

[Wael @EngGojo]

خلصت رواية #المساكين لـ #دستويفسكي ومش قادر أتجاوزها الرواية مش عن الفقر المادي، هي عن صراع الإنسان عشان يحافظ على كرامته وهو بوسط القاع رسائل ماكار وفارافارا هي أصدق تجسيد للحب والوجع اللي ممكن يعيشه إنسان مطحون

[Wael @EngGojo]

@GadoraHago @saba7_ma7i

[Wael @EngGojo]

يا حبيبنا كون الجملة مش موجودة بالقرآن بلفظها ما بنفي إنها موجودة في أصح الأحاديث النبوية في البخاري ومسلم "استوصوا بالنساء خيراً فإن المرأة خلقت من ضلع" فقصة إنها إسرائيليات هاي محاولة لل��روب من الموروث الديني الصحيح بس عشان تخدم فكرتك وبالنهاية سواء حكيت ضلع أو "خلق منها زوجها" فالنتيجة وحدة وهي إن الأنثى خرجت من مادة الذكر وليس العكس وجينياً زي ما بنعرف بالبيوميديكال الـ XY بيحتوي على شيفرة الـ XX والـ XY مع بعض يعني هو المخزن الجيني الأشمل فبلاش نلف وندور بالدين عشان نغطي على ضعف الحجة العلمية اللي انطرحت بالبداية

[Wael @EngGojo]

كويس إنك اعترفتي إنه bipotential وهاد بحد ذاته بنفي مصطلح الأصل لأن الحالة الثنائية هي الأساس والأنثى والذكر هم مسارات تمايز لاحقة كون المسار الأنثوي بكمل بدون محفز خارجي (Passive) والذكري بحتاج محفز (Active) هاد بسموه في العلم آليات تفعيل Gene Activation وليس أصل وفرع فلو مشينا بمنطقك بنعتبر أي خلية ما تمايزت هي الأصل وهاد جهل بمبادئ الـ Developmental Biology لأنه التطور البيولوجي للجنين هو سلسلة من التفاعلات الكيميائية مش سباق مين اللي بسبق وموضوع الضلع لساتك هاربة منه لأنه جينياً الـ XY بيقدر يعطي مادة وراثية كاملة لـ XX بس العكس مستحيل فمين اللي بكون أصل للمادة الوراثية للآخر فعلياً؟ وشكراً على الأدب العلمي

[Wael @EngGojo]

"إن الإنسان يحلو ��ه أن يرى رجلا صالحا يسقط ويتلطخ شرفه"
دستويفسكي

[Wael @EngGojo]

لما تحس بوسط العجقة إنك صرت شفاف وما حدا شايف النار اللي بصدرك بتعرف وقتها إنه كل هالبشر مجرد ديكور بمسرحية إنت بطلها الوحيد والمنعزل ولما يوقع عن وجهك قناع الحاجة للناس رح تكتشف إنك كنت تركض ورا سراب وتدور على سند بحيطان آيلة للسقوط بأي لحظة بس هاي اللحظة اللي بتكسرك هي نفسها اللي بتبنيك من أول وجديد لأنك بتدرك بعمق وجعك إنه ما إلك إلا الله اللي بسمع دبيب النملة بقلب الصخرة فكيف ما بده يسمع صرخة روحك المكتومة ومن هون بتبلش حريتك الحقيقية لما تغسل إيدك من كل التوقعات وتعرف إنك كنت وما زلت ورح تضل لله وحده وكل الباقي كان مجرد زحمة طريق لا بتقدم ولا بتأخر بحقيقة وجودك ونهاية مشوارك

[Wael @EngGojo]

@mfylj179527 إحنا بنقضي عمرنا بنخاف نفشل فبنختار ما نعمل إشي أبداً وهاد هو الفشل الحقيقي الإنسان بضل فاشل طول حياته لما يصدق إنه هيك نصيبي ويستسلم للواقع وبنسى إنه هو اللي عم يكتب قصة حياته ​أصعب شعور مش إنك تفشل أصعب شعور هو إنك تكبر وتكتشف إنك كنت عدو نفسك لما حبست حالك جوا منطقة الراحة

[Wael @EngGojo]

@bunnythota07 @VerdeSelvans

[Wael @EngGojo]

@mazenibnhassan @VerdeSelvans

[Wael @EngGojo]

أول شي إحنا ما بنقدس حجر ولا بنطلب منه رزق ولا بنعبده من دون الله إحنا بنعبد رب ��لكعبة ,الكعبة بالنسبة إلنا هي بوصلة مش إله الموضوع بالظبط زي الجندي اللي بوقف وبحيي العلم، هو ما بقدس قطعة قماش، هو بقدس الوطن اللي بيمثله هاد العلم. فإنت لما تحكي بتقدسوا حجر إنت حرفياً زي اللي بترك اللوحة وبطلع على البرواز ​ثاني شي، فكر فيها بمنطق تخيل لو كل واحد فينا بصلي بجهة واحد للشمال وواحد للجنوب بتصير فوضى وفلتان ,ربنا أمرنا نتوجه لنقطة وحدة عشان يعلمنا النظام ووحدة الصف يعني الموضوع تنظيمي بحت عشان نكون أمة وحدة بقلب واحد واتجاه واحد مش قصة تقديس للمادة زي ما إنت متخيل ​وبعدين الكعبة انهدت وانبنت مية مرة عبر التاريخ وبقيت القبلة هي هي لو شلنا حجارها وحطيناهم بأي مكان بالعالم، ما حدا بروح يصلي وراهم هناك بنضل نصلي بمكان الكعبة الأصلي هاد أكبر دليل إنه الحجر بحد ذاته ملوش قيمة القيمة هي للأمر الإلهي والرمزية تاعت المكان ​بلاش نخلط الأمور ببعض ونعمل حالنا تنويريين وإحنا مش فاهمين ألف باء منطق

[Wael @EngGojo]

الشخص اللي بحكم على الناس عشان “بيت قديم” هو واحد عايش بفراغ من جوا دايما محتاج ناس حواليه يقارن حاله فيهم عشان يحس إنه إله قيمة لو هو واثق من حاله ومن قيمته الحقيقية ما كان ركز لا على بيت ولا على موبايل حدا
هو بصراحة بستمد إحساسه بالع��مة من إنه يقلل من غيره لأنه لو وقف هالحكي رح يكتشف إنه إنسان عادي ويمكن حتى من جوا فاضي