—

اخجلّت عذبَ القصَايد والادبَ

[— @Euiillla]

أبي دعوةٍ بـ المغفره من وجيه الخير
لا مروّا على صفحة حسابي و أنا ميّت

[— @Euiillla]

أسوأ مايصيب الانسان الضياع وأنه
يفقد لذه الحياه بعمر صغير

وقيل على سياق ذالك :
تقلّبنا الحياة الفانيـة ضيق وتعب وارهاق
ونضحك وكأن مافينا من الضيقة ولا حاجة

[— @Euiillla]

انا موجعني اني رغم حدِّة نبرتي وقْساي !
اصد.. وعبرتي تبطي وهي فالحلق معقوده

على الغالي اهذِّب كل ما اقوله و احدّ اخطاي
ولاحدٍ حَنَّني من شرهة لْسانه ومنقوده .

[— @Euiillla]

بين صدفة جابها العمر و وداعٍ بإختياري
ما عرف قلبي يطيع الواقع أو يرضَي ضميَّره

كنت أظن إن مرْت الأيام بيجف إنتظاري
ما هقيت إن الأمل يستمطر إليا جف بيره

كيف صارت وحشة الغُربة تغنّي في دياري ؟
ذبلت أنوار الشوارع وأنطفت شبه الجزيرة

أنطفى نور الأمّان وما غدى للصّبح طاري
وأبتدا ليل الشعر يرسل مع العتمة نذيره

مرَّ في بالي شريطٍ فيه من عمري مواري
شبه أحلام السنين و عثرة اليأس الأخيرة

ما هو غريب إن السكون يجول في سكَّة نهاري
الغريب إن الصخب في ليلي أحدا��ه كثيرة !

[— @Euiillla]

ياراسي ، الايام غالب ومغلوب
مهما تزيّن بالجواهر والحُلي

ماعاد فالواقع وسيلة للهروب
الا إني اسمح من هواي الأولي

واقطع رجا عيني من خيال النصوب
واعيش ماعاشوه من قبلي هلي

نطحّني البيدا وعرّضني الهبوب
ما فالخلا إلا سجّة البال الخلي

أخشى على نفسي من كبار الذنوب
ويصيبني حب الحياة فمقتلي

من كثرة الخذلان وانكار القلوب
ما الوم من لاشافني ينقد علي

حتى وانا مادري وش اخير الدروب
يحزني التفكير في مستقبلي

— عبدالعزيز العبلان

[— @Euiillla]

ياااارب بلّغني حدود النهايه
لأني من شعوري هذا صرت تعبان

الأرجحه بين الهدى والغوايه
أسوأ شعور يمر في صد�� الإنسان

مانيب ��ائس بس، يائس وتايه
والله لأموت من البكاء لولا الإيمان

أبغى آتلاشى وأخلص من الحكايه
وأمضي .. وأقفل قصّتي كلّها الآن

— ماجد النفيعي

[— @Euiillla]

انا ما أغرقت كمّي بالدموع ولا جحدت بكاي
وانا الشكوى تملّمل في فمي والدمع فأهدابي

— نايف صقر وأنا

[— @Euiillla]

كل يوم أصارع ظروف الحياة
أما آن لـ هذه المعركة أن تنحسم ؟

[— @Euiillla]

- سعد بن لويبه يقول :

ان كانك تروح مره وتحضر مره
انا اقدر اروح لكن ما اقدر اعود .

ـــ وداعًا وعدم اللقاء

[— @Euiillla]

على كثر الشتات اللي اعيشه مابقى لي لوم
يلوم الماضي اللي هقوتي به .. خيّبت ظنّي

مضى لي .. وقتٍ الله لا يورّيه العباد .. بيوم
عليه اتقنت : تمثيل الفرح بحجاجي وسنّي

احاضي وقتي الحاضر بدين ومعرفه وسلوم
واحارب نزعة ذنوبٍ .. سببها ما هو بمنّي

[— @Euiillla]

لا تشتكي من جور الايَّام لِلنَّاس
وادفن همومك في ثرى الصَّمت كلَّه
-
اسرار عمرك خلَّها تحت الأنفاس
لا صار هرَّاج القفا فاطنٍ له

[— @Euiillla]

@CC_6655 دائما اقري هالادعيه رب هب لي قلبا لا یتکاسل عن صلاتك, اللهم أیقظني في أحب الأوقات الیك, رب اجعلني مقیم الصلاة ومن ذریتي … وتذكري ان مافي شي بينفعج بالحياه كلها غير صلاتج

[— @Euiillla]

"عسى الله يبشّرني بشيٍّ كنت أرتجيه / أنا ودّي أبكي من سعادة ومن فرحة"

[— @Euiillla]

حنا شبعنا من كثير الحسافات
على القلوب اللي ملاها السوادي

خلك بنفسك لا تزيد الملامات
غادي ومن يتبع هوى الناس غادي

الناس بين الناس فيها اختلافات
مثل الاصابع تختلف بالايادي

واللي تحسبه سابع المستحيلات
إلا يجي لك يوم ويصير عادي

[— @Euiillla]

ليت به آلة زمان تعيدني سن الطفوله
يوم عاد الهم ما نوّخ على صدري ركابه

يوم كانت ضحكتي ضحكه وتاتي بالسهوله
والسرور آدل بيتـه في يـدي مفتاح بابه

احسب اني لا كبرت ان كل شيٍ راح اطوله
واثرني طلت الغثا والهم كله والكآبة

كم شلت من الحمول ولا تثاقلت الحموله
ينكسر ظهر البعير اليا لجابي ما لجابه

ادري ان عمري صغير بس هالدنيا عجوله
شبعتني من الحزن كنها تقول أنهي شبابه

فيه شيٍ لو تخبى ما تغير لو نقوله
مير يالله تلطف بقلبٍ من الدنيا صوابه

[— @Euiillla]

«صاير أشتاق للماضي، لو إنّه حزين
وصاير أخاف حتى من الكلام الحلو»

— فهد قطنان

[— @Euiillla]

" من وقاري .. يحسبون إنّي بليدٍ ما أتشرّه "
وإلا أنـا مبدأ التغاضي والتعامي من وقاري

[— @Euiillla]

في كل حزّة مغيب أقوَل يمديني
استقبل الشّمس بكره من مطالعها

اللّٰه من الصبر ومن الِوّازع الديني
ومن احترام المشاعِر عن تصنّعها

ماقلت فيني من الأيام ما فيني
أنا قبيل الظروف اليّن اسنّعها

[— @Euiillla]

الصمت يغنيني بعض الأحيان عن كثر الكلام
وانسان ماني عاجبه مانيب مكلوف أعجبه

أنا ما جيت أدوّرك ياللي تدوّر الإهتمام
الإهتمام اللي ماهو من قلب محد ٍيرغبه

لا عاد ترسل واهي أعذارك وتطلب الإحترام
الإحترام اللي ما تقدر تكسبه .. لا تطلبه

– سعود مهدي

[— @Euiillla]

قدرت اتحاشى زحمة الناس بين الناس
وعجزت اتحاشى زحمة الناس في راسي

- عبدالعزيز خلف

[— @Euiillla]

وعسى ميلاد عمري يعود لا فاقد ولا مفقود
وعسى من العام لين العام تتحقق أمانيّه

وعسى ماراح من عمري غفره الوالي المعبود
وعسى اللي جاي ما تكتب بصفحاته ولا سيّه

[— @Euiillla]

أمان الله على عمري وعلي من الليال السود
عسى الله يملي سنيني رضا وأيام وردية

وعسى هالعام ثمرة أخف من شيلة المولود
ولا تنعاد لي ساعة من الماضي و لياليّه

وعسى عام راح مرت لياليه جفا وصدود
تصير من العوض بالذاكره والعمر منسيّه