شاورتني .. وانا بلا شور وياك
إرضاك بندٍ من بنود ارتياحي
وعتابي ومشروهي الصلف يفداك
لو ان مراحك ما يشابه مراحي
والله مافيني شده اقول وش جاك
انا مريض وتو ما صرت صاحي
والحمد لله وسلامتك واعفاك
صلاحك ابدى من رضاي وصلاحي
الله معك .. لو كان موضوع فرقاك
يبي دراسه من جميع النواحي💘
خذيتك وعذالي ترا ،، جعلهم يفنون
قصر شبر عشاقك وانا ما قصر شبري
لو اني ما أحبك ! ما أنكشف سري المدفون
ولا أستسلم عنادي لك .. ولا رضخ كبري
أحبك وانا صاحي .. وأحبك وانا مجنون
وأحبك .. أحبك .. لين أسيّر على قبري💘
ياوجودي على خشفً طموحي قباله
وياوجودي على ' فرصة لقا ' ماتهيّت
حين ينوي على الفرقاا ' صمل لامحاله '
ويش اسوي مع النيّه وهي قد تبيّت
كم لي ارسل مع السرب المهاجر رساله
لاكن الوقت عيّا والمقادير ' ' عيّت
كوكب الحب . مثل الارض . عالم لحاله
من دخل فيه مايطلع منِه غير . ميّت "💘
ياللي تعاتب تقول اني قليل الظهور
قصيدتي ...ما تجي الا على حِلها
اغيب عن ساحة الشعّار عدة شهور
لكْن ما تظلني ، الشعّار في ظلها
وأكتب قصيده بجادل ماعليها قصور
لو ملّو العاشقين ، العشق ماملّها
البنت لا حبّها شاعر تثير الشعور
إليا زعلت هلها ، وليا رضت هلها💘
طوّل علي الليل والصدر مشحون
متى شعاع النور يجمع شتاتي
حاولت والاوضاع من دون في دون
ولا أستفدت من أكثر محاولاتي
عليكم امن الله ما تستحقون
ياللي خذيتوا من حياتي حياتي💘
انت وينك ؟ .. ياوجع هذا السؤال
ضاق صدرٍ .. كان بـ الدنيا : وسيع
الحزن : ما كان من .. وحي الخيال
وصوت راشد بـ الحزن : جدّا بديع
انكسر .. وأشتاق .. لا غنّى ، وقال :
" حبّنا .. يا نور عيني .. لا يضيع :) "💘
كم عشانك .. إبتعدت : مْن القرايب ؟
وإنت مسرف : بـ الجفا ، والعمر مرّه
ً
عشت حاضر داخلي وإن كنت غايب
غصب راضي بـ القدر .. حلوه ومُرّه
ً
صاحبك .. قضّى حياته في مصايب
وإنت : ما قصّرت ف�� .. غيبتك مرّه !
ً
لا يهمّك .. كان ماعشنا : " حبايب "
يكفي إنّي .. كنت أحبّك .. لـ المضّره .💘