Omar @finorm7 - Twitter Profile

عمتم مساءَ ياقوم .. حنا عائلة شبه متخلفة صحيح أني انا وإخوتي جميعناً ولله الحمد مثقفين فمناً المعلم ومنا الاستاذ الجامعي ومنا ٣ عساكر ومنا طالب جامعي فطفوط .. لكن عندنا أخ عجيب وغريب ، شق طريقه لوحده غير مُكترث بإرث الع��ئلة المجيد ، أصبح " معلم " اخوي هذا انسان طيب جداً وهادي وحبيب وصاحب دماثه خُلق ولين الجِنب لكن الجلسة معه ممله وراعي تهاويل والادهى من هذا انه يتفنن في شرح " البديهيات " يفتقد البلاغه والايجاز في كلامه يشرح لك لين تعصب وتنغث مرني وانا جالس في خلوتي بالمقلط وحاط قناة نشارك جوغرافيك حقت الحيوانات ومندمج معها وفي سكون عجيب وقد فضلت السكينة عن الضوضاء واحتسي بيالة يانسون جا وجلس عندي وجلس يتذمر من قرب بداية الدراسة ويقول كان الله في عوني بسبب لجة الطلاب قلت ياخي اضربهم قال بدهشة : اضربهم !! صاحي انت ؟ اضرب اطفال بكره يكبرون وتجي فيهم عقد نفسيه و و �� … ) قلت عادي يرجال اضربهم قال طيب واذا الطالب أخبر ولي امره وش بيكون موقفي ؟ قلت اضربهم وقل اللي يعلم ولي امره بضربه دبل وجلس يسكب في مسامعي محاضرات نفسية وعن التربية الحديثة مع مزيج من التهاويل وما الى ذلك بعدها بنصف ساعه فقط جانا أخونا الاكبر هذا مليان عقد نفسيه متعته الضرب يقتات على الضرب عام ١٤٣٥ تزوج عشان ينجب أطفال حلوين ويضربهم جا وجلس يشكي أن ابناءه مايقومون بدري وانهم يسهرون الليل وينامون الضحى قلت اضرررررررررربهم يابو خالد اذا ماقامو أرشقهم بالماء واذا ودك بعد انا اجي اضربهم من زمن بعيد وانا أحاول كبح السادية التي بداخلي ، أخونا المعلم من هول ماسمع ورأى ما استطاع مواجهة هذا الطوفان من التخلف اللي فينا قام وقال جملة وذهب جملته كانت ( انتم متخلفين ) ناديته يكمل معي متابعة تزاوج القرود عبر قناة ناشرك جوغرافيك بس يبدو انه زعل من كلامنا كنا ناوين نضربه هو وليس ابناء أخوي

12

54

2

32

41K

0

159