وضّـاح.

الصمت فن من ابلغ فنون الكلام

[وضّـاح. @G12_5]

كبير الحظ من حافظ على نفسه من المنقود
وعن جملة جميع الناس كفّ ايديه ولسانه.

[وضّـاح. @G12_5]

يستسلم الخايف اللي في يدينه سلاح
لاواجه الصامل اللي في يدينه عصا !

[وضّـاح. @G12_5]

الجريدة عشر صفحات قيمتها ريال
لو كلام الناس محسوب ماهذا ثمنه

[وضّـاح. @G12_5]

ماتضيّق سود الأيام من صدره رحب
مؤمنٍ بـأن البسيطه و اهلها فانيه

جعل دنيا فرقتنا عن أغلا من نحب
يجمع الله بيننا .. فالحياه الثانيه .

[وضّـاح. @G12_5]

على طاريك كل لحظة ولا أحتاج للتذكير
حريص القلب ماينسى عيونك لا توصيني

[وضّـاح. @G12_5]

البعد حمّاي الغلا بعض الاوقات
لا صار كثر القرب .. ما به مسره

[وضّـاح. @G12_5]

كل ماواجهت لي طيب دعيت الله تعالى
مايورّيه الظروف اللي . . تخليه يتردّى

[وضّـاح. @G12_5]

يا غرامً يندعابه على الصدر الرحوب
من ظفر به يشكر الله على حسن المئاب

انت غاية من تمنى ونكسة من يتوب
معك ياهون المصايب ويا كبر المصاب

فيك مصياف الخواطر ومرباع القلوب
وفيك من نجد العذيّه عواصيف المهاب

وفيك يلقى اللي يحبك من الواقع هروب
ما درا انه رايحً من عذابً في عذاب .

[وضّـاح. @G12_5]

و إن كان يمّي بعين اللّطف عاينتي
عزّ الله إني من الناس الحظيظيني

[وضّـاح. @G12_5]

«من غلاك إن هبّ من صوبك ذعاذيعٍ نديّه
قمت أفتّح في ضلوعي طاقة ٍفي جنْب طاقة»

[وضّـاح. @G12_5]

تبيَّن ، والله أني سقت فيك من الشعر ماسقت
ولا تخشى عليك من الهوى في ضفّ تقديري

ورا أحبك كلام، ومن ورا كل الكلام أشتقت
عليك الشوق ماخذ عن جميع الناس تفكيري

لو أضمن ياخذك من يستحقك بالبشر ماضقت
ولكن، ما أشوف أن فيه أحد يستاهلك غيري .

[وضّـاح. @G12_5]

أجيك الرسمي شعور البليد الغافل المحتال
و أنا حافظ تفاصيلك مثل حفظي لعناويني.

[وضّـاح. @G12_5]

دلّني لا همت في نحرك و ضيّعت القلاده
كيف ادور سبحةٍ ضيّعتها في ربع خالي ؟

[وضّـاح. @G12_5]

لا غشاك البرد ياسمح المحيا
احطب الطارف من ضلوعي وشبه

[وضّـاح. @G12_5]

«يا حبيبي وإن عرفت أدل دربك ليش أدلّه
خابر في صوتك أيامي وفي عيونك بلادي

وإنْ تخيّرتك ظنون ولوحتك الريح زلّه
اترك الشاعر ورا عنقك يهيم فكلّ وادي

من مسافات الحياة؛ أسري مقامك وأستحلّه
وأتردد في مشاويرك وأسوق العمر حادي»

[وضّـاح. @G12_5]

الطير لامنه لبس برقعه ضاع
وانتِ ليا منك لبستيه .. ضعنا

[وضّـاح. @G12_5]

ترا الجروح الي تشوفين ياريم
بقلوبنا سويتي اشـــد مـنــهـا

[وضّـاح. @G12_5]

جيتك من النسيان ما أذكر ولا شي
شفني بليا ذاكره ما نسيتك

[وضّـاح. @G12_5]

يوم جيتي .. كان يا كثر الكلام إللي بقوله
ويوم رحتي مالقيت من الكلام إلا تعالي

[وضّـاح. @G12_5]

يامرحبا ياعام « سته وعشرين »
دام الجروح ان جيت بتصير ماضي

كنت اجهل شلون اتغاضى وهالحين
صرت اعرف وشلون فن التغاضي

وان راح عامٍ فيه محنا براضين
« يالله بـ علمٍ منه الكل راضي »