كـراج

GarageCP

[كـراج @GarageCP]

لما تحس انك تعبان نفسياً العب رياضة، رح تحس انه لياقتك البدنية اوسخ من حالتك النفسية

[Muthanna Huzaّyen @MuthannaHuzayen]

- نفسي أشوفك بتحب الشغل .. دائماً كلامك سلبي!
= مين حكالك؟ .. شوف شو بحب بالشغل:
* الفطور الصبح
* بريك الغدا
* موعد الترويحة
* الراتب آخر الشهر
* دوام رمضان
* العطل

[Muthanna Huzaّyen @MuthannaHuzayen]

موقع لينكدا ان جميل، فيه نصائح وإرشادات وكل شي عن العمل .. إلا فرص العمل نفسها 🙂

[Muthanna Huzaّyen @MuthannaHuzayen]

إذا انعرض على شخص يعمل مسلسل بنص مليون دينار، يعني الشخص هذا مضمون نجاحه وقادر ييجب أرباح وإعلانات من المسلسل بقيمة تتجاوز النص مليون .. قاعدة بسيطة في عالم التجارة والأعمال والي يعتبر قطاع الفن جزء منها .. فيعني يعتبر المبلغ عادي ما دام الربح مضمون وبدل على قوة هذا الشخص .. وبكفي أحكيلك انه بمسلسله الأخير كان عنده 22 شركة راعية .. وبالمناسبة المبلغ مش كامل لجيبته .. المبلغ بيشمل أجور ممثلين وإنتاج وإخراج وتكاليف أخرى.

من الناحية الفنية .. يزن النوب��ني ممثل سواء عضو نقابة أو لأ وفكرة انه جاي من عالم السوشل ميديا هذه قوة وميزة لصالحه ودليل على جماهيريته ونجاح أعماله .. ويزن فرض حاله بقوة بسلسلة نوباني شو وولاد خالتي وسارة أحمد من تمثيل وافكار وسيناريو وإخراج وكوميديا رائعة ..

هذا الكلام لا يعني انه الفنان الاردني لا يستحق الدعم، اكيد بنحب نشوف مسلسلات ادرنية ونجوم اردنيين ناجحين بكل مكان .. بس بالمقابل يزن ما عمل شي غير انه ناجح ...

اليوم فنانين ومذيعين ومغنيين تركوا التلفزيون وصاروا يقدموا برامجهم على السوشل ميديا لمعرفتهم بقوتها واستهدفوا جمهور جديد .. ما بنفع انت كفنان لسه بتقرأ الجريدة الصبح وبتحضر أخبار الساعة 8 وعازل حالك عن العالم وبتحكي ولا حدا بدعمني ..

في النهاية عندي تحفظات على بعض مشاهير السوشل ميديا .. بس هذه ساحة مفتوحة للجميع يتنافس فيها .. والجمهور بيحكم .. والجمهور نجّح يزن وخلاه نجم ��حقه يحصل على هيك أرقام ..

[كـراج @GarageCP]

* أمي وأنا عمري 5 سنوات:
- لا تتهبل قدام الضيوف

* أمي وأنا عمري 25 سنة:
- لا تتهبل قدام الضيوف

[Muthanna Huzaّyen @MuthannaHuzayen]

أسعار تذاكر كأس العالم ٢٠٢٦ ومواعيد بيع التذاكر 🇺🇸

[Muthanna Huzaّyen @MuthannaHuzayen]

التعريف الحقيقي لمقابلة العمل هي عبارة حوار بين شخصين 90% من كلامهم كذب!

[كـراج @GarageCP]

* في مقابلة شغل

الـHR: احنا حابين واحد معنا يشتغل ويترك بصمته
أنا: أكيد، أنا بوعدكم اترك بصمتي مرتين في اليوم، الساعة 8 الصبح والساعة 5 المسا

[Muthanna Huzaّyen @MuthannaHuzayen]

كلهم انجنوا من حملة إلغاء المتابعة، وكلهم صاروا يحسبوا كم خسروا متابعين .. هذا كله بحكيلك انه قيمتهم بالأرقام بس مش بالمحتوى او الأفكار الي بقدموها .. أصلاً 90% من من المشاهير ما بقدموا غير جسد رخيص أو كوميديا وقحة واسلوب حياة منافي لعاداتنا وقيمنا ... والي فعلاً يُسمى مؤثر وعنده قيمة بحق ما بخاف من هيك حملات .. لأنه الأرقام ما بتصنعه ولا بتزيده قيمة.
وفرصة نراجع نفسنا ... هاي الكائنات مين عملها؟ مين أعطاها قيمة؟ .. مين بصف ع الدور عشان يتصور معها؟ !
وسط كل شي قاعدين بنعيشه وبنشوفه التاريخ رح يسجل مين قررنا يكون مؤثر .. وبعد سنين رح نشوف هل رح نخجل من حالنا كيف تابعنا هيك أشكال؟ .. الحملة مش لازم تكون مؤقتة .. لازم تدوم ..

[كـراج @GarageCP]

وجيبتك الطفرانة مين بده يعالجها يختي!

[كـراج @GarageCP]

عن شعورك بالفرح لما تكون راسب بالتوجيهي وتطلع نتيجة ابن خالتك كمان راسب ❤️

[كـراج @GarageCP]

العقيد معتز انتابته القشعريرة 🥹

[كـراج @GarageCP]

مجتمعنا في صراع داخلي ما بين الفشخرة والخوف من الحسد

[Muhannad Huzaّyen @ms_huzayen]

الخرائط عم تخدعنا... والواقع بحكي غير!

الخريطة اللي تعودنا نشوفها كل يوم... فيها خدعة بصرية كبيرة .. بس كيف؟!

#أفريقيا #جغرافيا #حقائق_جغرافية #معلومات

[كـراج @GarageCP]

شكلي ومظهري وأنا طالع على الدوام الصبح مرتبط بعدد ساعات نومي، أنا ولله لما أكون شبعان نوم بطلع بكامل الأناقة والحلاوة .. ولله

[كـراج @GarageCP]

محتاج كرسيين في هذا المكان .. واحد اقعد عليه والثاني امد رجلي عليه

[كـراج @GarageCP]

مبارح خلص رمضان وطلعنا الصيفي وفجأة صرنا بشهر 8 وكم يوم بترجع المدارس .. متى صار كل هذا؟

[كـراج @GarageCP]

في حدا غيري عنده هواية تجميع الستيكرز على واتساب حتى لو ما بستخدمهم؟ 🤔

[كـراج @GarageCP]

لما يطلع ابن غـز.ه يحكي أنا جوعان، هذا ما بقلل من قيمته ومكانته ولا بفرجيك قديش هو ضعيف .. هذ بقلل من قيمتنا إحنا وبفرجيك قديش احنا ضعاف.

[كـراج @GarageCP]

مش عارف كيف افتح معكم الموضوع بس احنا حالياً اقرب لسنة 2050 من سنة الـ 2000 🙂