Geological Survey of Tanzania

The Geological Survey of Tanzania (GST) is responsible to acquisition, processing and storage of geoscientific data/information

[Geological Survey of Tanzania @GeologicalT]

Bodi ya GST imepitisha Mpango wa Bajeti kwa Mwaka wa Fedha 2025/2026 ili kutekeleza miradi ya kimkakati ya kufanya Utafiti wa kina wa Jiofizikia kwa njia ya kutumia ndege ili kuongeza eneo lenye taarifa za kina za jiofizikia kutoka asilimia 16 za sasa hadi kufikisha asilimia 34.

[Wizara ya Madini @MadiniTanzania]

*WAZIRI MAVUNDE APIGA MARUFUKU WAGENI KUINGIA KWENYE LESENI ZA UCHIMBAJI MDOGO*

▪️Awataka wenye Leseni kufuata taratibu za kisheria za msaada wa kiufundi

▪️Serikali kutunga kanuni za kuratibu wageni kwenye Leseni ndogo

▪️Awataka RMO kufanya ukaguzi katika maeneo yao

▪️Awaonya wachimbaji wanaoingiza wageni kinyemela

*📍Morogoro*

Waziri wa Madini Mhe. Anthony Mavunde amepiga marufuku raia wa kigeni kuingia na kufanya shughuli kwenye leseni za uchimbaji mdogo; hii ni kufuatia changamoto zilizobainika katika uingiaji mikataba ya utoaji wa misaada ya kiufundi kati ya wamiliki wa leseni ndogo za uchimbaji madini na raia wa kigeni.

Amesema hayo leo Februari 17, 2025 wakati akifungua Kikao Kazi cha kupokea maoni kutoka kwa wadau kuhusu mapendekezo ya kuandaa Rasimu ya Kanuni za Madini za Utoaji Msaada wa Kiufundi kwa Wamiliki wa Leseni Ndogo za Uchimbaji Madini za Mwaka 2025 kilichofanyika katika ukumbi wa mikutano wa Edema Hoteli Mkoani Morogoro.

Aidha, Waziri Mavunde ametoa wito kwa washiriki wote wa Kikao Kazi hicho kutoa maoni yao kwa uhuru na uwazi ili kusaidia upatikanaji wa Kanuni nzuri na inayotekelezeka kwa lengo la kuongeza tija katika mnyororo mzima wa shughuli za Sekta ya Madini nchini na kutekeleza sharti la kifungu cha 8(3) cha Sheria ya Madini Sura Namba 123.

"Katika kipindi cha muda mfupi tumeshuhudia mabadiliko makubwa kwenye Sekta ya Madini kutokana na utashi wa Rais wetu Mhe. Dkt. Samia Suluhu Hassan ambaye anatamani kuona wachimbaji wadogo wanafikiwa, ambapo leo naagiza ofisi ya Kamishna kuwasaidia wachimbaji wadogo ili waweze kuhitimu kutoka hapo walipo na kuendelea mbele"

"Haiingii akilini, mgeni anakuja, anaingia kwenye leseni ya mchimbaji mdogo kupitia mkataba wa utoaji msaada wa kiufundi, wachimbaji wadogo hawanufaiki wala kuendelea zaidi kimatumizi ya teknolojia na mitaji, hili halikuwa lengo la Sheria katika kuweka sharti hilo ili kuendeleza wachimbaji wadogo", alibainisha Waziri Mavunde.

Pamoja na mambo mengine, Waziri Mavunde ametoa onyo kwa wachimbaji wadogo kutowakaribisha wageni bila kufuata utaratibu katika leseni za uchimbaji mdogo wa madini ambapo itapelekea kufutiwa leseni kwa atakaye kiuka agizo hilo na kutoa angalizo kwa Maafisa Madini Nchini kudhibiti uingiaji wa wageni bila kufuata taratibu.

Kwa upande wake, Naibu Katibu Mkuu Wizara ya Madini Msafiri Mbibo amesema Kikao hicho kimelenga kupokea mapendekezo ya wadau kwa ajili ya kuandaa rasimu ya Kanuni za Msaada wa Kiufundi kwa ajili ya wamiliki wa leseni za uchimbaji mdogo ambapo Wizara iko huru na tayari kupokea maoni ya kila mdau.

Naye, Rais wa Wachimbaji Wadogo wa Madini Nchini Tanzania John Bina amempongeza Waziri Mavunde kwa uamuzi wa kuwashirikisha wadau wa Sekta ya Madini wakiwemo wachimbaji wadogo ili kuandaa rasimu ya Kanuni hizo kuliko kujifungia na kuandaa Wizara pekee.

Kikao hicho kimewakutanisha wadau mbalimbali wakiwemo viongozi wa Wachimbaji Wadogo kutoka mikoa yote nchini, vyama vya wachimbaji wadogo wanawake Tanzania na wafanyabiashara wa madini nchini.

[Geological Survey of Tanzania @GeologicalT]

repost from @tbc_online Rais Samia Suluhu Hassan amemteua Yokbeth Myumbilwa kuwa Mwenyekiti wa Bodi ya Taasisi ya Jiolojia na Utafiti wa Madini Tanzania (GST). Myumbilwa anachukua nafasi ya Prof. Justinian Rwezaula Ikingura ambaye amemaliza muda wake.

[Geological Survey of Tanzania @GeologicalT]

Waziri wa Madini Mhe. Anthony Mavunde ameshiriki hafla fupi ya kuiaga Bodi ya Taasisi ya Jiolojia na Utafiti wa Madini Tanzania (GST) ambayo imefikia mwisho wa muda wake wa kuiongoza taasisi hiyo tangu kuteuliwa kwake mwaka 2022.

[Geological Survey of Tanzania @GeologicalT]

HAPPY NEW YEAR 2025

[Geological Survey of Tanzania @GeologicalT]

Taasisi ya Jiolojia na Utafiti wa Madini Tanzania (GST) na Taasisi ya Jiolojia ya nchini Uingereza (BGS) zimefanya mazungumzo ya namna bora ya kuanzisha mashirikiano katika tafiti za madini na kujengeana uwezo.

[Geological Survey of Tanzania @GeologicalT]

HAPPY INDEPENDENCE DAY

[Geological Survey of Tanzania @GeologicalT]

SALAMU ZA POLE

[Geological Survey of Tanzania @GeologicalT]

Naibu Katibu Mkuu Wizara ya Madini, Msafiri Mbibo ametoa wito kwa Wawekezaji kuchangamkia fursa za uwekezaji katika Sekta ya Madini ikiwemo kuwekeza kwenye kufanya tafiti za Jiolojia kwa kutumia Teknolojia ya Kisasa ili kuvumbua maeneo mapya ya uchimbaji madini.