حمّاد

[حمّاد @H_D_F96]

بعض جسمي شهاب أثلي ودلوٍ يابسٍ مثقوب
يخر الرمل في جوف القليب ويظهر السافي

جريد الي ذبل والا هوى او هو موات قلوب
نويت اشد من دار العطش واعيش ف اطرافي

[حمّاد @H_D_F96]

ياما رفيت من الليالي فتوقي
وياما عطيت وللعطا كنت الاحوج

ثقلت خطاي وكن الايام فوقي
صخر الجبال وتحتي الريح والعج

[حمّاد @H_D_F96]

اشيل حتفي راضي فوق متني 
واروح نفسي من حياتي معيفه 

واقول للي بالجفا عذبتني 
عسى الشقا من بيننا بالنصيفه

شر��ت من فيض الشقا واشبعتني 
دنيا مع الاحزان ضدي حليفه

[حمّاد @H_D_F96]

اقبلت مثل النهر واروت ضفافي
وادبرت بعد الحياه اللي بنتها

ماحسبت حسابنا صد وتجافي
لين صرت اول قتيل بمملكتها

ماوفت لي مير انا مبداي وافي
قالو اقفت قلت الايام اجبرتها

[حمّاد @H_D_F96]

من يلوم اللي خذيتيه من دنيا الضياع
لين صار ف قربك يعيش واختارك قِدر

ومن يضيق به الصدر وانتي عيونك وساع
ياخذ من عيونك الواسعه وسعة صدر

والشجاع اللي يقولون في الهيّه شجاع
قدام رمشك يرفع ايديه وسلاحه حَدر

والبدر لاطل في حضرتك زاد الشعاع
فوقنا بدرٍ يشعشع وفي وجهك بدر

[حمّاد @H_D_F96]

في غيابي بأس وعنادي بلادي
وفي حضوري يغترب مني بلد

رافعٍ قدري عن قصار الأيادي
فوق عرشٍ مايطوله اي أحد

من بغاني سقت له عذب الودادي
ومن تركني قلت له درب السعد

[حمّاد @H_D_F96]

حبيبي والمسافه حلم وخطاي الظما والصوم
تعبت الحق سرابك والطريق اطول من ظلالي

تخيّل من كثر عشقك تمنيتك سحور ونوم
وفطوري انت ويمينك هي اللي تمد فنجالي

وأنا مابين جوعي في غلاك وصبري المحروم
اشوفك عيد وعيونك صباحه يابعد حالي

[حمّاد @H_D_F96]

لو في يدي شيء ماقلت الوعد بكره
حزمت حدب الضلوع وقلت لك هيّا

ولو كل غالي يجي دايم على ذكره
ماكنت اشوفك هناك وحبك هنيّا

ياليتني لابغيت اكره قدرت اكره
ماكان قلبي ليا جيت اكرهك عيّا

[حمّاد @H_D_F96]

رمشه مثل حدب السيوف المسانين
من صابته راحت ضلوعه ملاهي

لايابعد زولي هاك الزول والعين
زولٍ على عرش الجمال متباهي

[حمّاد @H_D_F96]

مايلهد الخاطر ويسطي بالكباد
شيءٍ مثل خذلان غاليك القريب

[حمّاد @H_D_F96]

ماني لكل مضيع دياره ديار
ولاهو ضروري كلٍ يذوق خيري

انا فدا للي ينتظرني على نار
ان غبت عنه مايعوضه غيري

[حمّاد @H_D_F96]

اسألك باللي خذا منك الوله
وحطه بصدري واعطاك الجمال

حاكني لأجل الليالي الأوله
قبل ل أموت من ذُل السؤال

[حمّاد @H_D_F96]

الهوى يسرق من ايام عمري مادريت
والحزن بكّى خفوقي وعيني مابكت

لو عيوني تذرف الدمع سجيت وسليت
واعذاب اللي قبض جمرة الفقد وسكت

[حمّاد @H_D_F96]

اسافر في فضاء عينك وانا الغرقان ف عينك
اثاري للبحر رهبه ودمعك سل لي سيفي

انا لك صادق النيه وغيري طامع بزينك
يامياسه يامياسه تعبت ولاهي بكيفي

[حمّاد @H_D_F96]

ريّانة العود نادي الليالي تعود
بشوق الهوى .. بوعود
بوجهي الي ضيعته زمان
ف عيونك السود

ي الضحكة العذبه
عنك الصبر كذبه
وفيك العمر موعود

[حمّاد @H_D_F96]

ناظريني لولاك مازار القمر ليل الاحباب
ولا لوّحت شمس المحبه جبيني

في غيبتك كل الملا عندي اغراب
محدٍ ابي قربه و محدٍ يبيني

[حمّاد @H_D_F96]

جازت له الغيبه وللحين غايب
مايدري ان الشوق في خافقي حي

من طول الغيبات عنده حبايب
معاد فيها لاغنايم ولا شي

[حمّاد @H_D_F96]

يلا خلاص إرجع
ياللي فراقك موت
وغيبتك توجع

[حمّاد @H_D_F96]

أخاف اقول انك وحشتيني
وانا اللي يوحشوني كلهم راحو

ياجوريٍ تمايل به بساتيني
أعيديني تعبت الناس ارتاحو

انا وليدك لو انك ماولدتيني
ياكثر الواقفين بوقفتي طاحو

[حمّاد @H_D_F96]

انا تغيرت ماعاد اتحملني
تتستر الدمعه بعيني واعرّيها

مُرهق من الشوق والذكرى تسللني
لآخر لقى يوم عينك بان خافيها

يانصفي الي توقعته يكملني
مافيه ركعة فرح بعدك اصلّيها؟