حمود السبيعي

[حمود السبيعي @Hae1391Y]

لا انقفل بابٍ من الرزق حرّاسه وقوف
فتّحت بيبان الأرزاق من كل اتّجاه

- سعد بن جدلان

[حمود السبيعي @Hae1391Y]

علم الزيدي ترانا لصنعاء واصلين/
والقصور البيض نبغي نهد ركونها!!

[د. مشعل بن محماس @MASHAL_ALHARTHY]

يا موطني كَثْر العداء والهَجَمات
تزيدنا فوقك ثَبات وعَزيمة

وطن وطن ما فوق مثْلك كرامات
ولا على غيرك شهادة وشِيمة

[وزارة الخارجية @MOFAKuwait]

بيان صادر عن وزارة الخارجية
الجمعة 9 أكتوبر 2026

تُعرب وزارة الخارجية عن إدانة دولة الكويت واستنكارها الشديدين للاعتداءات السافرة التي شنتها ميليشيا الحوثي على مطار الملك خالد الدولي في المملكة العربية السعودية الشقيقة بتاريخ 8 أكتوبر 2026، والتي استهدفت مرافق المطار وطائرةً تابعةً للخطوط السعودية، وأسفرت عن استشهاد عددٍ من المواطنين السعوديين، وإصابة مقيمين من جنسياتٍ مختلفة، فضلاً عن وقوع أضرارٍ مادية، في انتهاكٍ صارخٍ لسيادة المملكة، وخرقٍ فاضحٍ للقانون الدولي والق��نون الدولي الإنساني.

وتشدد الوزارة على رفض دولة الكويت القاطع لهذه الاعتداءات الجبانة وتكرارها، لما تشكله من تهديدٍ مباشرٍ لأمن المنطقة وسلامة المدنيين والأعيان المدنية والملاحة الجوية، مؤكدةً ضرورة الوقف الفوري لمثل هذه الأعمال العدائية.

وإذ تُجدد الوزارة تضامن دولة الكويت المطلق مع المملكة العربية السعودية الشقيقة، ودعمها لكافة الإجراءات التي تتخذها لصون سيادتها وأمنها وحماية مواطنيها والمقيمين على أراضيها، فإنها تؤكد أن أمن المملكة جزء لا يتجزأ من أمن دولة الكويت وأمن دول مجلس التعاون لدول الخليج العربية.

كما تُعرب الوزارة عن خالص تعازي دولة ��لكويت وصادق مواساتها للمملكة العربية السعودية الشقيقة، قيادةً وحكومةً وشعباً، ولأسر الشهداء، مع تمنياتها للمصابين بالشفاء العاجل.

[حمود السبيعي @Hae1391Y]

ياراكب اللي ركوبه يبرد الغلي
ايقرب البعد والنصاب ينصبه

لكن أنا بس شاريه بلزومن لي
ماني بناصب عليه ولا اتكسبه

ماله حلي بالوصايف يوم ابحلي
يعجبك وصفه وتحتار وتعجبه

يأخذ من الصقر فوق الوكر ويخلي
وإلا الفحل من هديره كل ماقبه

مافيه مسمار متراخي ومنحلي
ولا نيش بدية بشاكوش ومرزبه

آلي�� تمعنت بخطوطه ايخلي
صفة سنابل شعير فاخرن حبة

صناعة اللي ماعمره قال ابصلي
مازار مكة ولا عمرة طلب ربه

آليا مسكت الفرامل ما درج ملئ
يجمد على القار قبل يولع اصطبه

واليا تكفف ظلام الليل متجلي
البدر كنه سنا نار ن وراء تبه

صليت لي ركعتينن مخلصن للي
ينجي غريق البحر من حومة الغبه

دقيت سلفه لاعل الله يسهل لي
ومريت راع الوقود وقلت له عبه

رح لطرمبه وشغلها وحط اللي
ألين يرجع عليك الزود ويكبه

إلى الرياض العجيب عيار عصملي
ماني مطفئ اسويكه قبل ماطبه

قعدت أغني وشكمانه ايمولي
على مرادي تلحن صوته الدبة

لاقام يطوي الخرايم طويت الزلي
ودك ادنق على الطبلون واتحب��

أبي رفيقن على الشدات صافنلي
أكره معاديه وأعلن حب من حبه

له منزلن في ظلام الليل يندلي
ناره على العز والنوماس مشتبه

ايناطح الضيف بالترحيب ويهلي
من يوم يقبل على بيته ايرحبه

قرمن برأيه ايعقد الحبل ويحلي
يحسب حسابه ويحسب له ويحسبه

لاعل يمناه ما تنعاق وتشلي
مع طول الأيام ماتكواء على الصبة

يا منيف عن وضعي اللي قلت لك قلي
ابطيت يامنيف وأنت تقول ابتعبه

واليوم هذا شهرنا العام قد هلي
وأنا احسبنه يجئ ساعة اتطالبه

لا كن كأنك عن الموضوع
متخلي الله يعافيك علمني وش السبة

سعد بن قبلان

[واس العام @SPAregions]

التحالف: دمرنا منصة إطلاق الصواريخ الباليستية المستخدمة في اعتداء الرياض.
#واس

[حمود السبيعي @Hae1391Y]

يا لطيف الروح يا زين الصراحة
كلمتين اما مجيّ و إلّا مراحي

تحسب إن ولف السحى سترٍ وراحة
المحبة والسحى الموت المتاحي

من لقى منك البشاشه و السماحة
واللسان الذرب و الهرج القراحي

لا تلومه لا إنكسر صوبك جناحه
ما يمرك واحدٍ ويروح صاحي

سعد بن جدلان

[حمود السبيعي @Hae1391Y]

لو لا صواديف الزمان الثقيلات
ماينعرف طيب العرب من  رداها

مشكور ياوقـتٍ غدا  فيه ميلات
عـرفتني بالناس وش هـو مداها

فلاح القرقاح

[حمود السبيعي @Hae1391Y]

انا تغربت والمكسب من الغربه
حذفت بعض الفشق من عدة حزامي

وش حاجتي في رصاص ما يثور به
الا بدت حاجته يبلش به الرامي

الرفقه اللي سوات الحظ له ضربه
م احرص عليها ولا هي فرض والزامي

أرافق اللي بني عمه تباشر به
عقلي دليلي ودرب العزّ قدّامي

محمد بن مشيط

[حمود السبيعي @Hae1391Y]

الشدايد يا جميله بالازمات اختبار
ينعرف فيها الضلال الطويل من القصير

كل ماذكر حالتك بين غار وبين نار
راحت الدنيا بعيني عبوسٍ قمطرير

تحسبن حبك محاه التشدد والحصار
التشدد في المحبه هو الشر الشرير

شغلهم ضدي وضدك يعمر لك ��قار
في ضميرٍ ماسكن فيه قدامك عشير

زارعٍ لك بخشةٍ من الزرار الى الزرار
نبتها ملمسك والعود الازرق والعبير

شد حيلك لا يصيبك فشل وإلا إنهيار
لا تصغر قيمتك وانت في عيني كبير

لذة صبار الهوا مثل لذة الانتصار
لا تصدق من يقول الحسد مافيه خير

لا تغيرب ماجرا من قنا مثلك يغار
كل شي ينشفا فيه ميصاله عسير

الذهب دونه حراسه وبيباٍنن كبار
والدرر من دونها هيبه البحر الغزير

غير لاتيس و تكتب على نفسك قرار
يدفعك سوء التصرف على بئس المصير

لولا شحي فيك جيتك أجاهر من نهار
غير ما يصلح مقام بلا راي بصير

فرصتي ويقت حرارٍ على ماكر حرار
ما يعود فالمحل الربيب إلا البعير

والله ان اموت ما جاك من عندي بوار
خل في قلبك ثقه والثقه كنز الضمير

خذ كلام اللي يشوفك بعين الاعتبار
واحدٍ مالك بقلبه ولا عقله خشير

والمحبه مدرسة شي ثبوت وشي فرار
وانت درسي مع هل الحب الاول والاخير

سعد بن جدلان

[حمود السبيعي @Hae1391Y]

يا نسيم الليل سلّم لي على اللي ما نسيته
وبلّغه شوقي وبشّرني لعله ما نساني

واهنيّك يوم تاصل ديرته وتمرّ بيته
أما انا شفقٍ على شوفه وحاديني زماني

ما أبغي الا اللي لامن غيره بغاني ما بغيته
أشري اللي باعني لجله وابيع اللي شراني

فاطمٍ قلبي على حبه وحُب حيّه وميَته
كن ما غيره على قيد الحياة انسان ثاني

وانء بغيت الصبر والسلوان دونه ما قويته
صورته في عيوني الثنتين واسمه في لساني

فلاح القرقاح

[حمود السبيعي @Hae1391Y]

للحزن ساحاتٍ بصدري مثل ساحات القتال
فيها الاصيل من المهار تعوّد بخيالها

مدغم أبو شيبة

[حمود السبيعي @Hae1391Y]

شهور ما بادرتني في رساله
عسى البلا من شركة الاتصالات

يا شوق ما سويت فيني جماله
ذبحت صبري واستبحت الملذات

راشد بن قطيما

[حمود السبيعي @Hae1391Y]

تعلمت السهر بعدك وانا قبلك رفيق النوم
ولا جاب السهر طيفك ولا عوّد علي نومي.

ضيدان بن قضعان

[حمود السبيعي @Hae1391Y]

انورت بقدومك الدار يا غالي
وأسفرت من عقب ما عاد غايبها

[حمود السبيعي @Hae1391Y]

سيطر على مهجتي وأصبحت راضً به
اتبع خياله ويـا مرني ويـنهـانـي

واصحى بذكراه وأرقد واتحلم به
وعيش في حلم ��ا جيته ولا جاني

ايامنا القشـر صدن بي وصـدن به
وش حيلتي في الزمان اللي تحدااني

ح��ى التلفون يـصعـب ما تكـلم به
خوف يعرض مناقيـد على شـاني

دهيمان بن الهوامله

[حمود السبيعي @Hae1391Y]

الا يـــــا قــــــلــــــــــب لا تـــــــــــــشــــــــــــره

الاياقلب لاتشـره عليـه ولـي متـى غيـره ؟
يغيـب براحتـه خلـه يـروح بعالـم النسيـان

كفـاك تـدور أعـذار لغيابـه فضهـا سيـره
تماديت لغـلاه ومـن تمـادى بالغـلا خسـران

ابـد مافيـه بالدنيـا بشـر يستاهلـك غـيـره
يغيـب ولارجـع ماكنـك الا العاشـق الولهـان

انا ماقول لاماقـول منـت بشايـف (ن) خيـره
وانا مانـي بقايـل صاحبـك وافـي ولاخـوان

يقولون القمـر لاغـاب يضويلـه علـى ديـره
وانا اقول الحبيب ان غاب يضويله على خـلان

اجل شسباب هاالغيبه وابـي شسبـاب تأخيـره
وابي ليه الجفا ياقلـب وانـت بغيبتـه حيـران

شهر واكثر ولاطـرش عـن غيابـه معاذيـره
ياليتـه لوتعـذر بالظـروف ولا يمـه غلطـان

تعبـت ولاطرالـه يتصـل قـل علهـا خـيـره
وش انت متعب (ن) حالك على واحد قليل احسان

يجي ميت ولـه لامـن شكـا وقتـه وتعزيـزه
وإذا قفى على وجهه حبيبك " ناقـة عريمـان "

اقـول انـه موالـف بشـر خـلاك تقـزيـره؟
واقول انك على هامش حياته مابقى لـك شـان

مع اللي ماله سبوق اتركه شف واحد(ن) غيـره
وانا شوري عليك تلحًقه فـي سبعـة الشيطـان

ذبحـك الطيـب ياقلـب تعـذب مـن مقاديـره
يعن كنك خفوقـي خابـرك ماتعـرف النكـران

تقاضـى لعنبـو جـد الغـلا ماتنفـع الـذيـره
ترى من لاتقاضى ياخفوقـي هالزمـن ينهـان

حبيب (ن) ماصفى لك طيع شوري بـدل بغيـره
وانا شوري عليه تلَحقه فـي سبعـة الشيطـان

حمد السعيد

[حمود السبيعي @Hae1391Y]

الظروف اللي ابد ما تنتواجه
كنت اروّضها على عز انزعاجي

يوم ليل الوصْل يعم��ني عجاجه
ما لقيت الا من العين ابتهاجي

اثر في رجلك على دربي عواجه
لو تسّهلك وسيعات الفجاجي

حط في بالك ترا عنْق الزجاجه
قد تعّديته يابو برجٍ زجاجي

من تذّكرني على صفوة مزاجه
ينتظرني لين يصفى له مزاجي

خالد الـ فيصل

[حمود السبيعي @Hae1391Y]

مع إن كل فرضٍ لا أذن المذن أصلّيه
معي ضيقة اللي مايصليه في وقته

من أول أضحّك واحدٍ عند قبر اخيه
وذا الحين لا واجهني الطرْب ضايقته

لا شفت الجماد اسمع وش يقول وأحاكيه
والإنسان ما أفهم وش كلامه لا ناطقته

أعيش الحزن مع كل من يفتقد غاليه
لو أشوف غصنٍ جف ساقيه عانقته

ما دام إن قصيدي ما لقى واقعٍ يغريه
عطيت الخيال خطام الإبداع واعتقته

قبل لا يموت الليل وأودّعه باسريه
خيوط الصباح أشوفها حبل مشنقته

قريت الكتاب اللي يسافر معه قاريه
ووصل��ي لقصر امرؤ القيس وأروقته

هذا هو عقب ماعوّد مْن اللهو والتيه
وهنا دم ابيه اللي لقى القوم رايقته

يقول أنت بترافقني لثار ابي؟ قلت ايه
وسولفت له عن قصتي يوم رافقته

لقى في ظروفي ما ينسّيه ثار ابيه
وسمع من قصيدي ما يهمّش معلقته

طموحي سرابٍ جاني الموت قبل أجيه
وعزمي عزم من جمرة القيض محرقته

تقولون دام إنه سراب ولحقته ليه؟
ترى متعتي في شوفه وفي ملاحقته

شعوري ورا حلمي وأنا أصايده وأخطيه
أخاف إنه أحلى من شعوري لا حققته

حبيبي يا ليت العمر منا إلين أنهيه
مثل ضحكتك لا قلت شيءٍ ما صدقته

ما تقدر تقول إن فاقد الشيء ما يعطيه
وأنا أعطيك ضحكٍ لي سنة يوم فارقته

��قاك أسرع من الحلم مع فارق التشبيه
لو تسابقه الأحلام ماهيب سابقته

أنزّه محبتْك الشريفة من التشويه
وأنا العاشق اللي رغبة النفس مرهقته

ما طلت العنب لكن والله ما أعذرب فيه
أشوفه وأعرف إنه حلو ما بعد ذقته

علي آل صبيح

[حمود السبيعي @Hae1391Y]

الخد كنه والنحر والذراعين.
لون الحليب اليا انعزل عن رغاته.

بندر الغنامي

[حمود السبيعي @Hae1391Y]

ياكم بنت هامل جا ولدها بطل الابطال
وكم بنت شيخ(ن) جا ولدها قصير ايدين

زكاة العوال معاكستها زكاة المال
لاطاب الك واحد فادفن عوالك الباقيين

علي بن حمري

[حمود السبيعي @Hae1391Y]

يارب تسهل الامر وتزين الاحوال
ترانا بلا رحمتك هلكا ومتهاوين

ولا عندنا غيرك ليا صك جال(ن) جال
ضعوف الاوادم ياقوي فيك متقوين

ابي رحمتك حي وفي القبر والاهوال
نهار الحساب مشيب الرضع الولدين

لنا حقوق وعلينا حقوق وماحط يشال
زمان يخلي ضاحكينه من الباكين

ماينزل به الراحل ويرحل به النزال
ومواعيدنا واجالنا كل شي بحين

فياحظ من طابت فعايله والاعمال
وياشين حظ اللي لاوحده ولا ثنتين

هبوب الزمان وكنته والبراد اشكال
تقلب به الدنيا واهلها على الجنبين

ولا اصعب على الصاحيين من كثرة الجهال
ولا اقسى على الجهال من سطوة الصاحيين

عسى الله يصيب مدور الشر بالسلال
وعسانا لاظلام ولاحن بمظلومين

ولانطرد المقفي ولانكره الاقبال
ولانخطي اليا صار مانقبل المخطين

لو انهم تناسوا فعلنا مانقص مثقال
من اللي تناسوا جعلهم دايم(ن) ناسيين

ولا تذكرونا غير في حزة الانكال
ليا اشتدت الازمة وخالط صفا الماء طين

نطب الخطر والخوف والموت طب هبال
تقول اننا بمقابل الموت مسترين

بنفنى وتفنى عيالنا بس لانزال
عزاز النفوس ا��لي على حقنا عيين

على الراس كوفيه ومن فوقها دسمال
ومن دسمالي عقال(ن) يميل يمين

ولو ماتحوش ايماننا مال مانهتال
لو الوقت عاري وجه عشناه مستورين

ابو خمسة لاقل من قيمة ابو ريال
فبو نصف يقدر يقتل احلام ابو قرشين

مايوجعك يالسائل سوا جفوة السؤال
ليا صرت تقضي دين ظهرك بمثله دين

ولا فيه بيت(ن) سالم(ن) من بعض الاشكال
وهدامته قله وبنايته كثيرين

لنا ماضي وحاظر مانبكي على الاطلال
مايبكي على الاطلال ياكود محرومين

لهم ماضي(ن) حلوى لكن حاظر(ن) بطّال
وذولا عرب موتى ولو عادهم حيين

تقل العوايد يوم تتعاقب الاجيال
وسلوم الرجال الاوله تتعب التاليين

ولو نبكي اللي راح ياويل حال وال
بعد روحوا شيباننا الزحل الوافيين

موصيننا بالصدق في القول والافعال
وفي جمعة تهتاب من قوها الطامعين

غدينا شتات وحن عيال(ن) على رجال
رخصنا والاجناب اصبحوا عندنا غاليين

نحب الجمل والحمل ونع��رب الجمال
وهو اللي يقود الزمل من وين اليا لين

من اول يوم القل والمال ماينطال
قبل شركة الكهرب تنور بيوت الطين

يوم ان الرفيق اغلى من الروح والمنزال
ويوم ان الرفيق ان غاب نفقده فقد(ن) شين

وذلحين الاخ يقاطع اخوه حيل وحال
ولا حسته الايام ولا غراب البين

اخوي ابن ابوي ان ك��ن مايردع العيال
اليا عال فيني رحت به في ( سند الاثنين)

ابيعه كذا واشرب ورا بيعته فنجال
وانا دون عمري قبل يولد الى ذلحين

جروح العرب تبرى وجرح الاخو قتال
وجرح العرب واحد وجرح الاخو جرحين

ولو يبتلى والله ماخليه لين يهال
علي القبر ولا انتصر له من الغاويين

يقولون جيبك اكبر اخوانك العقال
وانا اقول وقفة الاخ تسوى كتوز الصين

عطاني الزمن كل شي الا مره واطفال
عسى الله يكمل زينتي في الحياة امين

لاتحزن ولا تزعل تماسك وهد البال
ترى العاقل اللي يحسب حساب وقته زين

رفيقك تحمل له ثلاث لاشك ثقال
لكن رابعته افطن لها واخذ حق ودين

والاولاد وهبه لاعمام(ن) ولا بخوال
��سى الله يصلح ماعطانا من الجنسين

ياكم بنت هامل جا ولدها بطل الابطال
وكم بنت شيخ(ن) جا ولدها قصير ايدين

زكاة العوال معاكستها زكاة المال
لاطاب الك واحد فادفن عوالك الباقيين

علي بن حمري