حمدى فؤاد

رئيس جمعية مربى النحل بجنوب الصعيد
🇪🇬 🇪🇬مصرى وطنى للنخاع اهلاوى 🦅 الدم والروح

[حمدى فؤاد @HamdeyFuad]

شواف يا فارس من يومك

[Mohamed Fares Taman @mohamedfares07]

وأنا في الطريق للقناة كان عندي قرار واضح إن بداية الحلقة هتكون بعنوان " في فلسفتي وثقافتي كأهلاوي الدوري لم يُحسم " . وفعلا قلت إني ضد كل الكلام اللي بسمعه من أمبارح إن الدوري أنتهى وضد فكرة ال��ستلام عموماً وإنها فكرة مش في جينات الأهلي كنت بقول ده وأنا ��ش عارف ماتش الزمالك هيخلص كام ولصالح مين . بس هفضل مقتنع إن الدوري الأهلي بيفقده فقط لما يبقى فارق النقاط لصالح المنافس أقل من عدد المباريات غير كده لا بيأس ولا بستسلم. الناس هتقول طيب اللعيبة ، طيب المدرب . لو هما عقليتهم في لحظة حسيت أنها مش شبهي فأنا مش هغير عقليتي عشانهم هما اللي لازم عقليتهم تتغير عشان تبقى شبه الأهلي. لو هما مش مصدقين إن الأهلي مبرميش الفوطة بدري يبقى العيب فيهم مش فيا ومش مفترض كمشجع أتأقلم مع الإنهزامية بالعكس هفضل أقولك لأخر لحظة أنت مسؤول قدامي أنك تمو ت نفسك عشان الشعار ده والجمهور ده ولو هما معملوش ده برضوا هفضل بنفس قناعاتي لحد ما يجي حد شبه قناعاتنا اللي عرفنا بيها الأهلي . الدوري أهلاوي بس لو وصلهم مشاعرنا دي وعقليتنا دي

[حمدى فؤاد @HamdeyFuad]

@mohamedfares07 الى اختشوا ماتو يا فارس

[حمدى فؤاد @HamdeyFuad]

@KhodrRawi جميل يا خضر متشوقين لتعليقك المتميز

[حمدى فؤاد @HamdeyFuad]

@wael_alemam اى حد اهلاوى حيكون ناجح بس المهم ميحتويش الفاشلين

[حمدى فؤاد @HamdeyFuad]

افضل مضاد حيوى هو من منتجات النحل اسمه بروبليس او عكبر وده استخدمه الفراعنة فى التحنيط وهو مطهر واسع المجال بالاضافة طبعا للعسل الطببعى زانا عايز ابعت لك يا اىو كايلا شوية عسل سدر صيدلية بالبيت

[Mohamed Fares Taman @mohamedfares07]

بمناسبة البوست المنتشر عن خطورة انتشار إستخدام المضاد الحيوي Averozolid (المادة الفعالة Linezolid) فعندي تجربة شخصية مهمة مع القصة دي

الدواء ده كنت تعبان وأتكتب ليا وكنت أول مرة أشوفه وأنا من النوع اللي بحب أقرأ شوية قبل ما أخد أي دواء فسألت مجموعة من الأصدقاء أطباء وصيادلة جوا وبرا مصر فأكتشفت كارثة إن المضاد الحيوي ده المادة الفعالة فيه بتستخدم لعلاج الالتهابات البكتيرية القوية جدا واللي عادةً المضادات الحيوية العادية مقدرتش تجيب معاها مفعول ، خاصة إلتهابات الرئة والجلد والبكتيريا المقاومة وانها بتنتمي لمجموعة Oxazolidinones ودي مختلفة تماماً ومعقدة عن المضادات اللي زي أموكسيسيلين وغيرها

يعني البروتوكول الطبيعي ان Averozolid يتكتب للحالات شديدة المقاومة واللي لا تستجيب للمضادات الحيوية الأقل

طبعا مأخدتهوش وقتها بس بعد بفترة زوجتي تعبت فراحت للدكتورة بتاعتها فلقيتها كاتبة لها نفس الدواء Averozolid وطبعاً مأخدتهوش وبرضوا كان تعب بسيط. الفكرة إن بعدها بدأت أهتم وأركز فلقيت أغلب اللي أعرفهم تقريباً لما بيتعبوا بيتكتب في الروشتات لهم أو الصيدلي بيقولهم عليه. طبعا ده كارثة حرفياً لان ده استسهال ، انت هتحس الدكتور جامد وجاب لك من الأخر أو الصيدلي ده عبقري وضيع لك دور التعب اللي كان ماسك فيك. بس الحقيقة ده قلة ضمير وقلة وعي

لإن ده له تأثير بعد كده على استجابتك للمضادات الحيوية الأخرى وقدرة البكتريا على مقاومتها . وعشان كده أسأل أي دكتور تحاليل هيقولك إن أغلب الناس لما بتعمل مزرعة دلوقتي عشان تحديد نوع المضاد الحيوي بيلاقوا كم المضادات الحيوية اللي طالعة البكتريا مقاومة ليها ونتيجتها resistant مش sensitive كبير جدا جدا

عشان كده أصلا ظاهرة استسهال استخدام المضادات الحيوية أساساً خطر فما بالك دواء زي Averozolid اللي المشكلة مش فيه المشكلة في إساءة استخدامه

وللأمانة في مايو اللي فات هيئة الدواء المصرية فعلت قرار مهم بحظر صرف أو تداول مجموعة من المضادات الحيوية شديدة الأهمية (مجموعة "Reserve") بدون روشتة طبية من منشأة مرخصة، نظرًا لخطورتها في تعزيز مقاومة البكتيريا للمضادات الحيوية. وقالت إن المضادات دي لا تُستخدم إلا في حالات العدوى البكتيرية الشديدة والمُقاوِمة للعلاج (MDR)، وأي استخدام عشوائي لها يعرّض حياتك وحياة الآخرين للخطر وحطت رقم واحد في الجدول Averozolid (المادة الفعالة Linezolid)

بس الفكرة إن في النهاية لو مكتوب في روشتة هيتصرف والصيدلي ميقدرش يمنع ده وهيئة الدواء متقدرش تمنع ده فأتمنى يكون في شكل من أشكال الرقابة على الأطباء خصوصاً لو بقى ملاحظ الإفراط في كتابة نفس الدواء ومدى ارتباطه بالتشخيص والتحاليل المقدمة من المريض والناس نفسها تاخد بالها لو حالتها تشخيصها بسيط واتقال انها عادية وغير خطرة وأنت حاسس انها لا تستدعي ممكن تستشير طبيب تاني تتأكد أنت مجبر فعلاً على الدواء ده ولا لا

وأخيراً الأهم من كل ده الضمير لإن ربنا شاهد على كل إنسان

[Wael Al-Emam / وائل الإمام @wael_alemam]

يورجن كلوب بتيشرت منتخب مصر ي��عم محمد صلاح 😍

[حمدى فؤاد @HamdeyFuad]

@imannassars تحيا مصر 🇪🇬 قوية جيش وشرطة وشعب واعى

[حمدى فؤاد @HamdeyFuad]

درس قاسى لكل متنطع بالكلام

[Mohamed Fares Taman @mohamedfares07]

القصة لا أهلي ولا زمالك القصة إن النيابة العامة بتدي درس ورسالة لناس كتير ��تتكلم كلام مرسل في ملف أرض الزمالك وصل لإن معلق في قنوات عربية نتيجة الإنتماء يوجه اتهامات إن تم سحب الأرض بدون وجه حق

النيابة العامة صدقت على ما جاء في بيان وزارة الإسكان وأكدت ان من. تخصيص الأرض في عام ٢٠٠٣ وصدر أكثر من قرار لسحب الأرض ل ( عدم الجدية في التنفيذ ) وكان أخر قرار عام ٢٠٢٠ وتم إمهال نادي الزمالك عامين لتفيذ الإنشاءات بالكامل وتحديدا في ٣ / ٤ / ٢٠٢٤ ولكن اللي حصل ان اللي كان تم الانتهاء منه ٢ ٪ فقط من إجمالي مخطط الإنشاءات

هنا بقى الكلام بالغ الخطورة واللي كان دور النيابة توضحه للرأي العام إن بدون الحصول على موافقات تم بيع اجزاء من انشاءات الأرض ل��هات تعد أموالها مال عام ونشاطها المعتمد غير رياضي وتم تحصيل مبالغ وصلت ل ٧٨٠ مليون جنيه كشُبهة إهدار مال عام وأكدت النيابة دورها على حماية المال العام والتصدي لشبهات الفسا د

الكلام واضح وصريح لكل مسؤول أو صفحة أو برنامج بيستخدم الملايين لتمرير مخالفات قانونية خطيرة واستخدام شعارات وكلام مرسل عاطفي في أمر يتعلق بالمال العام . اتمنى المشهد العبثي ده يتوقف والناس تفهم إن استخدام نظرية المؤامرة ونظرية بنقول اننا هنعمل اننا مظلومين عشان ناخد أكتر من حقنا دي حاجات متنفعش في ملف زي ده

[حمدى فؤاد @HamdeyFuad]

@hadialkatheri1 اي نعم انا كذاب 🤥 بس تعدى على خير 😂

[حمدى فؤاد @HamdeyFuad]

@hadialkatheri1 كلى ثقة فى ماكس وقت اللذوم يخرج الاسد من الشنطة

[حمدى فؤاد @HamdeyFuad]

@hadialkatheri1 يا باشا ابتدوا يخطؤا بعد ان سمعوا دبدبة الماكس خلفهم الف، يق من الاخر نفسيا مش احسن حاجة وبصةعلى نتايج بياسترى وانت تعرف نفسيا واقعين

[حمدى فؤاد @HamdeyFuad]

@hadialkatheri1 يا هوووه على روعة المعلقين اللاتينين واو ثم واو بصراحة متعة ما بعدها وياتى @KhodrRawi يعيد هذه الامجاد والمتعة باللغة العربية بمفردات وحماس وشغف فاق الحدود

[حمدى فؤاد @HamdeyFuad]

@hadialkatheri1 يا مسهل

[حمدى فؤاد @HamdeyFuad]

@wael_alemam انت انسان جميل وراقى ومتربى على طبلية ابوك.
متابعك من زمان حتى لما تزعل مبتعرفش تشتم ولا غضبك يسيطر عليك و دايما بتحكم الانصاف فى رائبك

[حمدى فؤاد @HamdeyFuad]

@mes_alshamsi

[حمدى فؤاد @HamdeyFuad]

🎉❤️ مظاهرة حب لوائل إمام الأهلاوي الجميل ❤️🎉
النهارده يوم مش عادي خالص 😍
ده عيد ميلاد وائل إمام.. أحلى وأجدع وأهلاوي في الدنيا 🔴⚽
اللي كل الناس بتحبه بجد، عشان قلبه أبيض وروحه حلوة ودمه عسل 🍯
كل سنة وانت طيب يا وائل يا وش الخير،
ربنا يحفظك وتفضل مكسر الدنيا دايمًا 💪🔥

[حمدى فؤاد @HamdeyFuad]

الناس دى بتعبث بعقول جمهورهم

[Mohamed Fares Taman @mohamedfares07]

هو بجد نادي الزمالك قبل ما يقدم شكوى في كابتن أسامة حسني سمعوا كلامه كان رداً على أيه ؟ . سمعوا سياق الكلام ؟ . سمعوا أحمد سليمان قال أيه فكان ده رد كابتن أسامة حسني ؟؟ ولا دي لقطة بتتاخد عشان الجمهور وإلهاء عن الاخفاقات الإدارية اللي حاصلة

طيب تعالوا نشوف بالورقة والقلم 📝 :

📌في الدقيقة ١٧ من الحلقة : أحمد سليمان ها جم أخبار غير رسمية ومجهولة المصدر عن مفاوضات الأهلي وبنتايج وبدأ يقول الأهلي جاب يحيى عطية الله ودفع له فلوس وملعبهوش وجاب محمد شكري بقيمة كبيرة وملعبهوش

📌في الدقيقة ٢١ من الحلقة : كابتن أحمد سليمان قال واقعة ملهاش أي قرينة ان المسؤولين كلهم راحوا لفندق إقامة الزمالك بعد السوبر الأفريقي ٩٤ وطلبوا انهم يدوا الأهلي مكافاة مالية زي الزمالك بعد خسارة الأهلي للبطولة وقالوا الأهلي هياخد نفس المبلغ اللي هياخده الزمالك وأنهم في الزمالك رفضوا ده وانسحبوا من القاعدة

📌في الدقيقة ٢٢ من الحلقة : أحمد سليمان قال ان هدف صفقات الأهلي هو إضعاف المنافسين وحتى مع الفرق الأفريقية جلبرتو من بترو اتليتيكو عشان يضعفهم

📌في الدقيقة ٢٤ من الحلقة : أحمد سليمان قال إن الوزير رايح يحل مجلس الإسماعيلي عشان مخالفات مالية وفي نادي تاني بيجيب لعيبة بمليارات وبتمشي بعد ربع ساعة هو ده منطق ده مفيش عدل ولا نظام

📌في الدقيقة ٢٥ من الحلقة : أحمد سليمان قال الإسماعيلي اللي بيحصل فيه هو اللي بيحصل في الزمالك هو اتحل كام مرة مجلس إدارة من الزمالك وفي نفس الوقت الأهلي مجلس إدارته لما اتحل رجع بعد ربع ساعة

بعد كل ده بقى كابتن اسامة حسني رد بكلام منطقي وطبيعي جدا وبديهي على اتهامات أحمد سليمان وقال انت بتقول ان الاسماعيلي بيتحاسب على محالفات مالية وفي نادي بيصرف مليارات محدش بيحاسبه طيب بنفس المنطق نادي الزمالك إيقاف قيد ومستحقات للاعبين ومديونيات للأتحاد الدولي والمحلي ومخالفات في ملف أرض اكتوبر طيب فين اللجنة اللي اتشكلت زي الإسماعيلي

يعني تخيل بعد إتهامات على مدار ١٠ دقائق من عضو مجلس إدارة الزمالك أحمد سليمان للنادي الأهلي كابتن اسامة حسني رد بجملة واحدة في نفس سياق اتهامه للأهلي ومجلس ادارة الزمالك هو اللي زعلان وبي��دم شكوى 😂😂

تفسيري الوحيد إما مجلس إدارة الزمالك متفرجش على الحلقة ولا سمع كلام أحمد سليمان أو التفسير المنطقي إن مجلس إدارة الزمالك سمع وعايز يتم إيقاف احمد سليمان بشكل غير مباشر لان المجلس الأعلى للإعلام لو هياخد موقف فالأولى انه يكون من أحمد سليمان واتهاماته وكلامه ضد الأهلي مش كابتن اسامة حسني

ده بقى هدية مني لاي حد هيدرس شكوى الزمالك وبالتوقيتات أهو عشان منتظرين قرار إيقاف أحمد سليمان مش كابتن أسامة حسني 😎

[حمدى فؤاد @HamdeyFuad]

انا من عشاق الفورميلا 1

[Mohamed Fares Taman @mohamedfares07]

بعيداً عن كرة القدم . حابب اتكلم في حاجة تخص السيارات بما اني بحبها. شوفت ملاك كتير لسيارات مستعملة ف�� الجروبات وعلى صفحات صناع المحتوى في مجال السيارات زعلانين من نزول الأسعار بل بيقاوموا ده بشكل مش طبيعي وبكل قوة. السبب الرئيسي انهم بيتعاملوا مع سيارتهم كمستودع قيمة مش عايزين تسعيره يقل يا حبيبي أفهم السيارة سلعة استهلاكية مش مستودع قيمة محدش بيحوش فلوسه في السيارات. والسيارات المستعملة برا بتكون أسعارها بعيد تماماً عن الجديدة . ولو انت زعلان عشان كنت شاري بالغالي والسعر نزل فانت لو هتبيع سيارتك المستعمله بأقل فباقي المستعمل برضوا نزل والجديد نزل فبالتالي انت مخسرتش ولا حاجة لانك اشتريت بالغالي وقت ما كان كله غالي وبتبيع بالرخيص وقت ما كله رخص. المتضرر الوحيد اللي بيتعامل مع السيارة كمستودع قيمة بيحوش فيها وللمرة المليون ده جهل منك لان السيارات مش مستودع قيمة والله ما مستودع قيمة . شجع نزول الاسعار لان ده في مصلحتك انت قبل ما يكون في مصلحة غيرك

[حمدى فؤاد @HamdeyFuad]

مدرب واقعى عبقرى يا فارس

[حمدى فؤاد @HamdeyFuad]

@IbrahimAlZubadi حلوة المواعيد احسن من الظهيرة