الحل الوحيد عشان تقدر تكمل هو "إنك تعفو عن نفسك" تستوعب إن مفيش حاجة بإيدك مهما سعيت وحاولت تخلي كل حاجة مظبوطة، مفيش حاجة هتمشي صح غير لما ربك يأذن، مهما تعبت وصدقت نيتك وعملك في النهاية الأمر كله لله، مفيش حاجة متأخرة ولا حاجة حصلت كان مفروض متحصلش ولا في حاجة فاتتك.
"القسوة" طبع مستحيل يتعالج، و"الحنية" دوا لكل الأمراض.. بالحنية تقدر تاخد عين اللي قدامك عن طيب خاطر وهو راضي.. وبالقسوة مش هيقدر يقدملك حتى الشيء المتاح السهل..
الإنسان يقدر يعمل المستحيل عشان غيره لو لقاهم بيتعاملوا معاه بالهداوة، واللين، واللُطف.. فيه جملة عظيمة بتقول: (يُقدِّم المرء أفضل ما عنده حين يُدلَّل لا حين يُؤمر).
ماتندمش على خسارة حد، ولا تستغرب بُعده عنك مادمت مقصرتش.. ربنا هو اللي حط غلاوتهم في قلبك، وأفعالهم هي اللي بتشيلها.. كانوا غاليين لحد ما عملوا اللي رخصهم.. سبحان من يقلب مقامات الناس في عينك يُرذل في نفسك من كان عزيزًا ويُدني من كان بعيدًا.