Top Tweets for #BornLEADER

பத்திரிக்கையாளர் திரு. Ramesh Honey Kumar அவர்கள் //வங்கத்து புலி மமதாவால் முடியாததை முடித்துக் காட்டிய எடப்பாடி பழனிச்சாமி. சட்டப்பேரவை தேர்தல் முடிவுகளுக்கு பிறகு தமிழகத்தில் அதிமுகவில் என்னென்ன சம்பவங்கள் அரங்கேறியதோ அதே சம்பவங்கள் மேற்கு வங்கத்திலும் அரங்கேறி வருகின்றன. மேற்கு வங்கத்தில் வங்கத்து புலி என எதிர்க்கட்சியினராலே அழைக்கப்படுபவர் மமதா. கடந்த 15 ஆண்டுகளாக மேற்குவங்கத்தில் அசைக்க முடியாத சக்தியாகவும் முதல்வராகவும் ஆட்சி பீடத்தில் அமர்ந்திருந்தார் மமதா. திரிணமூல் காங்கிரஸ் கட்சியினருக்கு மமதா சொல்வது தான் வேத வாக்கு. மமதா சொல்வதே கட்டளை அந்த கட்டளையே சாசனம். மமதா ஒரு வார்த்தை சொன்னால் அதனை எதிர்த்து பேசுவதற்கு அமைச்சர்கள் அதிகாரிகள் சட்டமன்ற உறுப்பினர்கள் என யாருக்கும் துணிச்சலே இருந்ததில்லை. அப்படிப்பட்ட மமதா தேர்தலில் தோல்வி அடைந்த பிறகு நிலைமை தலைகீழாக மாறியது. தேர்தலில் மொத்தமே திரிணமூல் காங்கிரஸ் கட்சியின் சார்பில் 80 பேர் தான் பெற்றனர். ஆனால் திரிணமூல் காங்கிரஸ் கட்சியின் சார்பில் சோபன்தேப் என்பவரை சட்டமன்ற எதிர்க்கட்சித் தலைவராக நியமிக்க வேண்டும் என மமதா பானர்ஜி கட்சி தலைவர் என்ற முறையில் சபாநாயகருக்கு கடிதம் கொடுத்திருந்த நிலையில் திடீர் திருப்பம் அரங்கேறியது. மமதாவுக்கு எதிராக எம்எல்ஏக்கள் பலர் போர்க்கொடி உயர்த்தினர். மொத்தம் ஒன்றல்ல இரண்டல்ல சுமார் 60 MLA க்கள் போர்க்கொடி உயர்த்தியதோடு தாங்கள்தான் உண்மையான திரிணமூல் காங்கிரஸ் கட்சி என சபாநாயகரை சந்தித்து உரிமை கூறியதோடு தங்கள் அணியின் சார்பில் கட்சியை விட்டு நீக்கப்பட்ட சட்டமன்ற உறுப்பினரான ரித்தாபிரதா பேனர்ஜியை சட்டமன்ற குழுவின் தலைவராகவும் சட்டமன்ற எதிர்க்கட்சித் தலைவராகவும் நியமிக்க வேண்டும் என கோரிக்கை விடுக்க அதனை ஏற்றுக் கொண்ட சபாநாயகர் மமதா பரிந்துரைக்காத ரித்தாபிரதா பானர்ஜி சட்டமன்ற எதிர்க்கட்சித் தலைவராக அங்கீகரித்துள்ளார். இது மமதா பானர்ஜிக்கு ஏற்பட்ட மிகப்பெரிய பின்னடைவு. தமக்கு எதிராக போர் கொடி உயர்த்திய சட்டமன்ற உறுப்பினர்களை மமதா வல் சமாதானம் செய்யவோ தன் பக்கம் இழுக்கவோ முடியவில்லை. அதுவும் 03 இல் 02 பங்கு எம்எல்ஏக்களின் ஆதரவு அதிருப்தி அணியினருக்கு இருந்ததால் அவர்களை தனி அணியினராக அங்கீகரிக்க முடிந்தது. தமிழகத்தில் அதிமுகவிற்கு என்ன நடந்ததோ அதே தான் மேற்கு வங்கத்தில் திரிணமூல் காங்கிரஸ் கட்சியிலும் நடந்தது. ஆனால் கட்சியையும் கட்சியின் எம்எல்ஏக்களையும் தக்க வைக்கும் முயற்சியில் எடப்பாடி வெற்றி பெற்றார் மமதா தோல்வி அடைந்தார். 15 ஆண்டுகளாக ஆட்சி அதிகாரத்திலிருந்து ஆட்சியை இழந்து ஒரு மாதமே ஆகி இருந்தாலும் அதிருப்தி அணியினர் மமதாவுக்கு எதிராக சுமார் 60 பேரை அணி திரட்ட முடிந்தது ஆனால் கடந்த 05 ஆண்டுகளாக அதிமுக ஆட்சியில் இல்லாவிட்டாலும் எடப்பாடி பழனிச்சாமி தொடர் தோல்விகளை சந்தித்து இருந்தாலும் கூட அவருக்கு எதிராக SP வேலுமணி சிவி சண்முகம் விஜயபாஸ்கர் உள்ளிட்ட மூத்த தலைவர்களால் 03 இல் 02 பங்கான 32 எம்எல்ஏக்களின் ஆதரவை கூட திரட்ட முடியவில்லை. வெறும் 25 எம்எல்ஏக்களின் ஆதரவை மட்டுமே திரட்ட முடிந்தது. ஆனால் எடப்பாடி பழனிச்சாமி தரப்பு அடுத்தடுத்து மேற்கொண்ட சட்ட நடவடிக்கைகளால் அதிருப்தி அணியினரின் முயற்சியும் தோல்வியில் முடிந்தது. எடப்பாடி பழனிச்சாமியுடன் முறுக்கிக் கொண்டு அவருக்கு எதிராக போர் கொடி உயர்த்தியவர்களில் பெரும்பாலானவர்கள் மீண்டும் அவரிடமே சரணடைந்தனர். இதன் மூலம் சட்டமன்ற குழு தலைவராகவும் கொறடாவாகவும் எடப்பாடி பழனிச்சாமி பரிந்துரைக்கும் நபரையே ஏற்றுக்கொள்ளும் நிலை சபாநாயகருக்கு ஏற்பட்டுள்ளது. ஒரு வகையில் பார்த்தால் தனது சாதுரியமோ சட்ட நடவடிக்கையோ அல்லது வேறு என்னவோ. மமதாவால் முடியாததையே செய்து முடித்திருக்கிறார் எடப்பாடி பழனிச்சாமி..