Top Tweets for #captainPhilips

Jeshi la Polisi Kanda Maalum ya Dar es Salaam limesema limewakamata Watuhumiwa saba kwa tuhuma za kupanga njama, kumtishia kwa silaha, na baadaye kumteka Mwanamke aliyefahamika kwa jina la Hani Nooh Hussein (29) Mkazi wa Masaki, Dar es salaam Kamanda wa Polisi Kanda Maalum ya Dar es salaam, Jumanne Muliro amesema “Tukio hili limetokea October 16, 2023 saa nne asubuhi wakati Hani Nooh Hussein akiwa anaendesha gari lake namba T.333 CHN Toyota Rav4, ghafla akiwa eneo la Msasani Village alisimamishwa na sehemu ya kundi la Watuhumiwa hao na kuingia ndani ya gari, kumtishia kwa silaha, kumteka na kuelekea maeneo ya Mbezi beach mtaa wa ujirani ambako walimshikilia kwa nguvu kwa siku nne huku wakidai pesa kwa vitisho kwa Baba wa Mhanga kuwa asipotoa kiasi cha USD milioni 3.5 Mtoto wake atapotezewa maisha. “Jeshi la Polisi mara baada ya kupata taarifa ya tukio hilo lilifanya kazi ya ziada ya ufuatiliaji wa kisayansi na tarehe 19 Oktoba 2023 Jeshi la Polisi lilifanikiwa kumuokoa Mhanga na kuwakamata Watekaji wote wakiwa na gari walilomteka nalo pia silaha ilyotumika Pistol Glock 19 yenye namba LZB 614 iliyotengenezwa Austria ikiwa na risasi 4” “Watuhumiwa waliokamatwa ni Hassan Abusher Nur (39) Raia wa Canada mwenye asili ya Somalia, Mkazi wa Msasani, Nathan Lungumisa (27), Fredick Chahonza (49), Assad Abdurasur (43), Fahad Mussa (32), Ilfan Saleh (41) na Nicolas Nilay (39)” “Jeshi la Polisi limekamilisha upelelezi wa tukio hili na leo tarehe 30 Oktoba 2023 Watuhumiwa wote watafikishwa Mahakama ya Kisutu kwa hatua zaidi za kisheria” #MillardAyoUPDATES