ماذبحني غير عذرا تقود القلب قود
كل ما طفيت نار العتاب تشبّها
بنت بدوً قضّت العمر نقالة عمود
تشهر سيوف المفارق ولاتظربَها
تسلب قلوب الرياجيل عربين الجدود
وتعرف قلوب الغنادير وش يلعبّها
ادري انّي في هواها تعدّيت الحدود
كل ما لاموني النّاس قلت أحبّها
علّة الفرقا على القلب المعلل
ليلها داجي .. وساعتها حزينه
ماذكرت إلا انت فالصبح المبلل
يوم اشوف الغيم يندى من جبينه
ظلني يا احَن من فيه اتظلل
الجفا ناره على العشِّاق شينه
والله إنكْ بما تسوي بي محلل
جاعلٍ ربي معك للعمر زينه
من لقى منك اللطافه والتدلل
ودعّك روحه .. وسلّمها رهينه
صار قوس الشمس في عيني مثل قوس الربابـه
يوم غابت في حجى اللي مطلعه مطلع قصیده
��رتفع من وجه الارض وقرب من وجه السحابه
وانهزع مثل الحزين اللي هزع .. "مركاه بيده"
مبارك بن رادعه
هاتو ،لي البراد مع هجعة الليل
عندي شغف للشعر رغم ابتعادي
من ليلة البارح وانا احط واشيل
ليت الاماكن تستمع للمنادي
الذكريات تجرني للمواويل
وأسمع "أجاذبك الهوى" من عبادي
^ حنيت لايام الهوا والمراسيل
يوم المحبة تلتزم ( بالمبادي )
ماودّي أسهـب في جميع التفاصيل
لحظاتـها توجع وتذبح فوادي
«مانيب عادي في عيون الرجاجيل
ال��ادي اللي مايضد المعادي»
لو كان وقتي ماحدته الغرابيل
عذري معي لاهنت في كل وادي
جيش ابرهه ماستوقفه كود ابابيل
طيرً يحامي بـ أمر رب العبادي :)
محمد بن مفرح
تخ��م الهاجس نسايم تلافح من عصير
مثل ما يخدم ربوعه سنافي و حموي
الشعر معن��ه دلوي وصدري جوف بير
أن رميته ف اعرف انك على العد الروي
لافظه من حر لاعج ومن صحوة ضمير
اتقوابه على الهم لو ماني قوي
محتسيه ليومٍ اعوج من رقبة البعير
يوم لا حولي حبيبه ولا حولي خوي
يوم ماله بين الايام شكل ولا نظير
اوله ضيقة عصاريه واخره سروي
ساعته ابطى من المشي بالرمل الغزير
خص من يقطع برجله نفود المستوي
كم تمنيت الليالي لها ركب وتسير
لجل اسرحها مع الصبح مسراح بدوي
طينتي طينة بنادم ونفسي نفس طير
والعزوم عزوم من يطوي البيدا طوي
دون شفي يقصر الظل ويطول الهجير
في فلاةٍ تطبخ القلب حتى يستوي
السراب احياناً انسان واحياناً غدير
والضمى يمكن من الما ويمكن معنوي
من قطعت رشاة بيرك وانا ماني بخير
لاني بضامي بعدها ولاني مرتوي
اذكرك من كنت عادي قبل لا تصير غير
في عيون الشاعر اللي قصيده نخبوي
من صغر في عين غاليه ما يرجع كبير
الاهله بالمدرات والنجم يهوي
كل ما راجعت نفسك دريت انك صغير
وكل ما راجعت نفسي دريت اني قوي