Hicktoor @hictor14 - Twitter Profile

لا مكنتش ماشية .. مبارك يعتبر هو اللي طور منظومة الأمن المصرية وخلاها بشكلها الحالي وهو اللي خلى مصر دولة بوليسية محكومة بالحديد والنار ! ضباط أمن الدولة في زمن مبارك كانوا بيعذبوا المعتقلين ويقولولهم (أنا ربكم الأعلى) وبيخلوهم يسجدوا لصورة مبارك ! مبارك في بداياته لم يكن أقل إجراما من السيسي .. بل قتل المصريين في الشوارع واقتحم المساجد ونكل بمعارضيه ورماهم جميعا في المعتقلات عشرات السنين بدون محاكمة تذكر ! 1300 واحد غرقوا في يوم واحد في ساعة واحدة في عهد مبارك واللي ارتكب الفعل ده هرب ومخدش أي عقوبة والموضوع عدى عادي كأن شيئا لم يكن ! لما قامت الثورة مكنش عنده مشكلة خالص يخليها سوريا وينزل يضرب المصريين بالدبابات لولا إن الجيش كان عنده سيناريو تاني للأحداث ! كان بيعيش الناس في الوهم زي السيسي تمام .. بس ايام مبارك كان اسمه توشكى مش قناة السويس الجديدة والعاصمة الإدارية الجديدة هو وحاشيته كان ليهم مستشفياتهم ومدارسهم وطياراتهم ومواكبهم وكانوا طبقة فوق الشعب والشعب بياكل من التراب وهو ولا فارقة معاه ! تطبيع مع اسرائيل وحصار لغزة وخنق لشعبها بلا رحمة ولا هوادة ! ديكتاتورية واجرام وقبح لم تشهده مصر من قبله . التزوير عنده كان علني وعلى عينك يا تاجر .. السلطة التشريعية والتنفيذية والقضاة كله تبعه وتحت طوعه والبلد بلده وبيعمل فيها اللي عاوزه .. حتى ابنه كان بيجهزه عشان يشيل التركة بتاعته من بعده ! أنا بكره مبارك بقدر كرهي للسيسي ومش م��نى إن السيسي وساخته وإجرامه موردتش على مصر قبل كدا يبقى مبارك حلو لا , مبارك مجرم والسيسي امتداد ليه الطغاة بيورثوا مصر لبعض جيل بعد جيل .. لكن الواحد أمله في ربنا كبير إن نهاية الطغاة هتيجي والناس هياخدوا حقهم من كل واحد أجرم في حقهم إن شاء الله .

354

10K

2K

1K

2M