@swzx99 '
اللي ما تعرفهم يا ابو سلطان هم أفضل المغرّدين .. طبعاً كلمة مغرّد تطلق على كاتبي التّغريدات ، أمّا البعض فهم متحدّثون في المساحات أكثر من كونهم مغرّدين ..
'
'
لا والله مجلس الرجال ضرورة ، لكن يكون بناؤه و تأثيثه بدون مبالغة ، للأسف أنّ من هناك من يبالغ في شراء أثاث المجلس مع سعته فوق المطلوب و لكن كأنه غير موجود ، و مثله المطابخ لدى البعض ، مطبخ بعشرات الآلاف و الأكل من المطاعم و البوفيهات ، تناقض عجيب ، دائماً الالتزام بما هو ضروري و ترك ماهو زائد هو الواقع الذي يناسب جميع المقاييس الشرعية و الاجتماعية بدون مبالغة و تقليد و موضات ..
'
'
طيّب .. ليه ما يكون العشاء أو الغداء في البيت ، ماهو لازم ذبيحة .. طعام كافي و مسوّى في البيت بدون تكلّف ؟
أقول هالكلام لأنّي أشوف مجالس كبار مؤثّثة بالكنبات و الفرش الفخمة و لكن كأنّ أبوابها مؤصدة ..
التوسّط في الأمور شيء جميل للغاية .. و هناك من يكره الأكلات الموجودة في المطاعم و ما شابهها كالبيك و ماك و غيرها ..
'
'
ماهي غريبه لا برد شوقك و غاب
الشّمس يشفع عن غيابه مبينه
إنّ الغريب اللي به الشوق وقّاد
ألغى على شانك حكايا سنينه
آمن بأنّه عندك بدون أنداد
و مدّ الذّراع و مع يساره يمينه
عرفتي انّه بين كفّيك باصفاد
وعلى مرادك بالقلق و السّكينه
مايعاتبك شفّه على الحوض ورّاد
يِشرع يديه ، و ساعةٍ تمنعينه
عندك خَبَر انّه عن الغير صَدّاد
كلّ الجواهر بَخس و انتي ثمينه
لك في ضلوعه منزلٍ فاق الاطواد
منازلك .. معقول ما تعْرفينه ؟
لو ابتعد لاجلك مقيمٍ و شدّاد
انتي فيافي وجهته و المدينه
شوقه خُلود بدون وقتٍ و ميعاد
لومِيه عادي عنده أو تعْذرينه
كانه كِذَبْ خلّيه من ساقط الزّاد
من دون روح الادمي وحْل طينه
'
#همس_الشوق
#الرياض
#رسالة_اليوم