بعتمد مؤخرًا فك��ة أنه (نو) إرث؛ يعني أي شذرات، حاجات بكتبها، بشيرها بتبقى كلها حالات واتس آب وبتطير، يعني رماد تذروه الرياح، و دي حاجة ب أجدها مريحة الصراحة، فكرة الأثر أو فكرة البقايا اللي ممكن تكون موجودة بعدي لما أكون مبقتش موجود .. قليلة،
مش عايز إرث ولا ميراث!
يعني ايه تبقى عندك مشكله مع كارت البنك بتاعك ف تمنشن الرأس الكبير و يرد عليك بنفسه .. انا ��ايز ابقى عميل عندكم أو عند أي بنك مديره الكبير يرد ع الناس بنفسه.
افتكرت المشهد الأيقوني من "Annie Hall"
وودي آلن واقف في صف بالسينما و حد عمال يتكلم عن مارشال ماكلوهان وفيلليني قوم هوب وودي يجيب ماكلوهان من ورا بوستر في السينما ويقول للراجل المستعرض أنه مش فاهم أي حاجة
ببقى عاوز أخرج دوستويفسكي من تربته علشان يرد على كم الاقتباسات المنسوبة له!
مديري باعتلي في الإجازة بيكومنت على حاجة في الشغل ومش كريتكال!
بفكر أرد عليه بعد توضيح النقطة اللي بعت علشانها أنه ياريت ميبعتليش تاني في اجازتي حاجة بالشكل دا تاني، بس علشان في نسبة عشم ضئيلة مش هعمل كدا وهعتبر أنه كان عاوز ينكش أو يلاقي حد يفضفض معاه في ليالي الحر الحزينه دي 😌
في ٢٠١٨ تقريبا كنت ف معرض الكتاب ولقيت ف الشروق مجموعة الأعمال الكاملة ل عبدالحكيم قاسم كانوا ٣ كتب ب ٢٠٠ جنيه وبالرغم أن الرقم كان كبير بالنسبة لسعر كتب وقتها بس مقدرتش أقاوم واشتريتهم، في مرتبات ف ٢٠١٥ كانت بس عشر أضعاف مبلغ ال ١٠٠ جنيه دا!!
مع بداية فيلم أسد ومشهد الجواز اللي ع النهر دا شفت كادرات شبه كادرات تيرنس ماليك بالظبط .. مش بالظبط اوي لكن اقرب لروحه في التصوير السينمائي، أتمنى مع استكمال الفيلم انبسط اكتر.
خبر ع الفيس عن صفحة كذا تخطت صفحة كذا من حيث المشاهدات جابني هنا فبحثت بالكلمة المفتاحية اللي كانت ف البوست علشان اتفاجئ أن مفيش حاجة 😅 وتبدأ رحلة قصيرة توصلني لبوست قديم بيتكلم عن واحد من أهم وأفضل المسلسلات_وأغربها_اللي شفتها ف حياتي، مسلسل عجيب لازم له صدف أعجب!
The Leftovers
مسلسل أمريكي بيبدأ بأن ٢‰ من سكان الأرض بيختفوا فجأة بدون تفسير وبيرصد بشكل درامي/نفسي تعامل الناس مع صدمة الفقد غير المسبوقة دي.
السيناريو مكتوب حلو (لو تغاضينا عن شوية المط في الموسم التاني) والموسيقى التصويرية من تأليف العبقري Max Richter
أنصح بيه وبشدة.
��رّ زمن�� مذ توقّفتُ عن البحث في عمق الأشياء. الحياة خفيفة، صرت أخف منها. أومئ برأسي إعلانًا لموافقةٍ على ما لا أعرفه، وأترك لذهني راحة الجهل المختار، بعيدًا عن ضجيج ما لا يستحق أن يُفهم. "كل وعيٍ مرض" — قالها دوستويفسكي، فاخترتُ أن أرى العالم بعيونٍ مفتوحة، وقلبٍ يتظاهر بالنسيان.