Adel

ولا لي بالبشر غايه ولا لي بالثرى أوتاد
خفوقي حُر و أتبع مايعزّ النفس و أرضيها

[Adel @iilAdel]

لي ثلاث ايام سارح وبالي في شتات
ظني ان جنية الشعر … دقت زيرها

فاقدٍ لذة هوا النفس من ضغط الحياة
وفاقدٍ طعم الصلاوات من تأخيرها

ودّي اركيها على الباقيات الصالحات
واترك الساحة ، وأسلم شداد اميرها

والقريحة مشكلتها مثل بعض البنات
ما تصايد خاطري لين اصايد غيرها

[Adel @iilAdel]

الطيب يا راعي المشاريه ما فاد
بعض الوصل والود والجود تبذير

من لا يقدرني على روس الأشهاد
لا ينتظر مني حشيمه وتقدير

اللي قطع لي درب بقطع له بلاد
واللي بدا الجفوه عليه المعاذير

السالفه ماهيب منات و عناد
الطيب رده طيب والكير بالكير

[Adel @iilAdel]

مادريت ان لعبة الثقل جازت للعوب
لين مكنت اسهم الهجر بين جنوبها

تدري اني صلف واتوّب اللي ما يتوب
خـل ينفعها دلعها وثقل اسلوبها

[Adel @iilAdel]

ختام السالفه يا طيب العشره كرمت ودمت
هذا حقك علي وحق هقواتي على أوهامي

مصير الوقت يشرحلك دروسه لو غفلت ونمت
يصيحك الزمان اللي يصحي كل من نامِ

" وتذكرني " لا منها خابت اوهامك بمن وهمت
وعرفت الفرق في حب الخشوم وحب ال��قدامي .

[Adel @iilAdel]

مصيبة لا تردّت قيمتك في عين من قيّمت
يشوفك بالسهل وانت تشوفه بالسما السامي

ما دام ان جانبي شام لجنابك و انت عني شمت
كثر خيرك وانا مانيب لا جايع ولا ظامي

على شان الخفوق اللي على عرشه قعدت وقمت
وحجب عنك الدجى لا اشرقت لك بيض الايامِ

[Adel @iilAdel]

انا غرب واللي خاطري ينتحيله شرق
بعيداً وطن مظنُون عيني عن اوطاني

حصل في غرُوب الشمس بيني وبينه فرق
عسى الله يقرب — دار من حبه اشّقاني

اليا جا لذيذ النُوم يسرق عيوني سرق
ذكرته بعيد وعافت - النوم الاعْياني

الا يالله انك لاتعيد الحمام الوَر��
وراه يتلاحَى بالطرب لين يشعاني

تولعت يوم انه شعاني بحلُو الطرق
من الولف اظنّه جاين الورق ماجاني

��قا الله اليا قام يتكاشف علي البَرق
وانا اشوف زُولة بين ربعي وخلاني

تفتح لعيني يوم اشُوفه وساع الطرق
وانا قبل اشوفة مثل يعقوب عمياني

تهشم نظيرة من هميل الدمُوع الزرق
وعمي لين جابوله قميص ابنه الثاني .

[Adel @iilAdel]

يا اللّٰه إذا خارت القوّه وقلّ العتاد
وعيْت همومي على رجلي تسيّرني

واقبلت مابين مكنون الأسّى والمراد
تلفظني دروبي ودمعي يذيرني

لك وجهي اللي تقلبه الظروف الشداد
لـ وجه تحبّه وترضاه غيرني

وأوزعني أشكر نعمك ودِلّني للرشاد
واختار لي يا إلهي لا تخيّرني

[Adel @iilAdel]

صويحبي لاص��ت أحبه ومغليه
تموت حساد الهوى في مهلها

والله أحبه حب ماني بـ مخفيه
حبٍ سكن بأقصى الضماير دخلها

[Adel @iilAdel]

أُخْفيكَ عنهم بعيداً بين أعماقي
ويفضحُ الحبَّ لوعاتي وأشواقي

وأُخبرُ الناس أنْ لا عِشْقَ يسكُنني
ويقرؤونك في صمتي وإطراقي

مُلَبَّسُ بكَ مسحورُ طغا شجَني
ولم أجِدْ ليَ في طِبِّ الهوى راقي

أقولُ إنّي بريءُ منك عن ثِقَةِ
ويلمحونك في وجهي وأحداقي

[Adel @iilAdel]

على طاري غرامك ياحبيبي .. هاك ما ينقال
على البحر الطويل يسوقها موجي ومجدافي

حبيبي لا تضايق من عتبنا لك ، على الجوَّال
هذا حبّك .. وهذا منزلك .. في قلبي الوافي !

يعيش الحب بين إللي محبتهم " وفاه ، ووصال "
ويموت الحب من فرقاء القلوب ومن جفى الجافي

أمانه ياحبيبي .. كل ما تشعر ( ب ضيقة بال)
تعال أضم حزنك في زوايا صدري .. الدّافي

وأنا مافي نظامي حب يومين ، وجفى وإهمال
" وجاك من المحبه والمعزّه والغلا .. الكافي "

[Adel @iilAdel]

ما جيت أدورك ولا أطق بيبانك
ولا أترجاك مثل فلان وفلاني

انت الذي جيتني واعلنت بلسانك
انك على شوفتي جايع وعطشاني

وصدقت هرجك لو ما اثبت برهانك
وأقبلت لك مندفع من كل وجداني

ما كنت افكر يجي في يوم نسيانك
وأنساك وانت تعاهدني ما تنساني

الا بعد ما اكتشفت الغدر فأعيانك
قررت اوادعك وانسى كل ما كاني

[Adel @iilAdel]

جهزت جيش مثل جيش المماليك
وظنيت ر��ع يديك خلال ساعه

فقلت لا عندي رهين ويغليك
مرهون للايام والوقت صاعه

دمعه تحدر فوق خده ويبكيك
لاجل اتفادى الحرب كلمة قناعه

وسد الطريق ولا لقينا مساليك
ورجعت مهزوم بليا نفاعه

يخفي جروح النازفه مايوريك
ومعا قود التيار صامد شراعه

[Adel @iilAdel]

أن تمادى الحسن من زود الترف ولا اللطافه
عاد قلبي يحتري منك وصل " لا تتركينه "

ما ورى صدك حياة ولا على جرحك حسافه
أجرحي كل الخفوق إلا الغلا لا تجرحينه

[Adel @iilAdel]

اقضي علي و اركزي فالقبر ريحانـه
والا انقضي ياجميله ماعملتي بي

والا اوقفي وقفة الوافي لديانه
وعاملك لين نمشط روسنا شيبي

والله مايشفي غليل القلب واحزانه
الا سجود السهو بـين التلابيبي

قدام لابيع روحي ورخص اثمانه
والا يصك الشبيري في عراقيبي

[Adel @iilAdel]

ياناشدٍ عن حالي الحمدلله
انا خوي اللي عسى اللّٰه يدومه

سعادة الرجل الكرامه بدنياه
لو ما عليه الا سمايل اهدومه

يفرح محبينه ولا يفرح اعداه
والناس محد ميت قبل يومه

[Adel @iilAdel]

لو قلت بالنجم اهتدى من تاه وأعياه السهاد
البارحة والريح ما تبّت عن اطرافي يدا

من يهتدي يا سيّدة للضوّ من تحت الرماد
من يستمع صوتي , ومن يحبس عن الصوت الصدى

يا آهتي جيتي تعريني من ثياب الحداد !
أنا الحداد اللي على وجهي من غيابك ، بدا

جيتي مطر يستغفر الرحمن عن ذنْب العباد
وانتي ذنوب عباد ما مرّوا على درب الهدى

جيتي من أقصى حنجرة فلاح في موسم حصاد
أعياد شكر وذكر وخشوع وتناهيد وحدا

[Adel @iilAdel]

هنوف لها في اطرف الخد حبّة خال
فديت العيون اللي ذبحّتني محاجرها

لها بالهدب صوره ووسط الحشا مدهال
احشم غلاها واحترمها واقدّرها

ولها طلة القمرا وممشى الظبي لا اختال
ولها نظرة تذبح عيون تخازرها

[Adel @iilAdel]

كل ما قالت هلا جاني بلا
والبلا لا سلمهت باعيانها

سلهمت بالعين قالت يا هلا
يا حلو كلمة هلا بلسانها

من حلاها في سوالفها حلا
صاغها رب العباد وصانها

اتسلا مير قلبي ما سلا
ليتني يا زيد من جيرانها

[Adel @iilAdel]

ياصاحبي شوفتك عقب التشافيق
تحيي ضميرٍ دنى منه اليباسي

من لامني جعل تفجاه التفافيق
والكل منهم محقق وامتواسي

بقصيرات العدن روس الصناديق
عكف الأصابع رهيفات الكراسي