”أذكرك وأنسى وجوه الناس وان كانوا قبالي
مثل من يذكر حقوق العالم وينسى حقوقه
من يعلم مستريح البال عن شيٍ طرالي
من يدلي شايل الأشواق وين يبيع شوقه
جيتني مثل الغروب اللي محى هيبة ظلالي
لين ليل كل حلمٍ كنت أباهي في شروقه“
”ليه أعاتب وأتضايق و أنقهر
وانت قلبك في غيابي مستريح
كنت أشو��ك في ملذات العمر
شخص تفداه القصايد و المديح
و إنك واحد بس تكفي عن عشر
وأن غيرك لي خطا وانت الصحيح
جيت لك صادق بدربك مستمر
مندفع لك مهتوي واضح و صريح
ليت قلبي عن هوى قلبك نفر!
مارجعت من الهوى ضايقٍ جريح“
قالوا حبيبك يسمع الشعر قلت ايه
يقراه بعيوني قبل تسمعونه
لولاه حتى طاري الشعر ما ابيه
مير اكتبه من شان خاطر عيونه
هو روح شعري وامنياته وماضيه
جذع الشجر وش كان لولا غصونه
اكتب لغيره والقصايد تجي فيه
كن القصايد حالفه ماتخونه!!!