مخلد

[مخلد @JustThnk]

تعبنا من مجامل واحدٍ يلعب على الحبلين
يظن إنه ذكي و الاذكياء تستغبي ظنونه

یا مرهين الملام ، اللوم ما يبنى على التخمين
اذا مابه خطأ مبين ، على اي اساس تبنونه ؟

يجاريكم وسيع الصدر من باب الذرابة لين
على حِدة عباراته و قسوتها ، تحدونه !

[مخلد @JustThnk]

فمان جروحك اللي ما تْركت حلٍّ يحلّ بْقاي
فمان الله يا اعذب ��عنةٍ مركوزة بصدري
- فيصل القاضي

[مخلد @JustThnk]

أنا في رجا الله لو ماتنصفنيّ الأقدار
أوقف وأنا مَتسامي وخاطري راضي

تهوّن الحياة من وين ماشفت لطف البار
لو يروح حلمي من يدي عشت مَتغاضي

تمنيت شيّ وقدر الله شي وصار
يعيض الله اللي راح حلمَه على الفاضي "

[مخلد @JustThnk]

٣:٢٩ م ..

[مخلد @JustThnk]

﴿ ثُم إليهِ ترجعون ﴾
اللهم ��حسن خاتمتي و اغفرلي
ذنوبي و ردني إليك رداً جَميلاً

[مخلد @JustThnk]

في كل حزّة مغيب اقول يمديني
استقبل الشّمس بكره من مطالعها

الله من الصّبر ومن الوازع الديني
ومن احترام المشاعِر عن تصنّعها

ماقلت فيني من الأيام ما فيني
انا قبيل الظّروف الين اسنعها "

[مخلد @JustThnk]

رحلتي من :

وهل لذةُ العيشِ إلا النساء
وحسنُ الغناءِ وشربُ الطلاء

الى :
يارب حنا عبيدك ولو تاهت خطاوينا
" عن كلّ زلّاتنا .. يارب غفرانك "

وايضاً :
يارب تغفر ذنوبي وانت غفار الذنوب
النفس تغريها ملذات الحياة الفانيه

[ممدوح الشمري . @m2mdo77]

﴿ فقلتُ استَغفرِو رَبكُم انّهُ كان غفّاراً ﴾

[مخلد @JustThnk]

ياللي على دفتر أيامي كتبت و رسمت
أبشرك .. راحت أيام السهر و الشموع

البارحه مرّ طيفك "بالغلط" ، و ابتسمت
ما عادت الذكريات تجيب راس الدموع

[مخلد @JustThnk]

يامرحبا ياعام " أربعه وعشرين"
دام الجروح ان جيت بتصير ماضي

كنت اجهل شلون اتغاضى و هالحين
صرت اعرف .. وشلون فن التغاضي

وان راح عامٍ فيه محنا براضين
يالله بـ عامٍ منه الكل راضي .

[مخلد @JustThnk]

أثِرني من عام الاوّل وانا مثل الطريح
يوم أجوّد من حبال الرجا مقطوعها

كنت أحسب إن لـ الليالي معك وجهٍ مليح
لين شفت إن روس أصابع يديّ شموعها

القلوب اللي هَواها ومبداها صِحيح
ما تشدّ خْفاف الأعذار بال سْموعها

لا تظنّ إنك من العين لا يُمكن تطيح
أنا عيني زين منها تشيل دموعها

[مخلد @JustThnk]

كل مانسّم من الذكرى : حنين
رحت أدوّر لي طريق و مفترق

صاحبي كم ضاع حلم وكم سنين
من يرد اللي من العمر انسرق ؟

ايه انا من ليله البارح .. حزين
والله اني من غيابك .. ما ��ستحق

رغم مايملي الفضا من أٌكسجين
ليه لامن مر طاريك .. اختنق !

[مخلد @JustThnk]

من اوجاعي لمحت آخر محطة نور
من المؤسف حبيبي يلوي ذراعي

ملامح منهكه ومعاتبك مكسور
تجدد غربتي وتبعثر شراعي

مسيرة قهوتي فيها سهر وشعور
عليك ؟ ايه شوف القلب ملتاعي

علام الوقت ما شفته معاي يدور
ثلاث سنين واجاعي هي اوجاعي

[مخلد @JustThnk]

الانسان مهما كان متمادي
يزيد خوفه .. لا كبر سنه !
ٓ
في مثل هذا اليوم ميلادي
يارب عمري كم بقى منه ؟

[مخلد @JustThnk]

الا يالله وانا عبدٍ لك سجد وصام
من قوم أحمد والإسلام دلهامي

اطلب الخيره و ادور أجر السلام
أدله امسي و أهمّ مستقبل أيامي

[مخلد @JustThnk]

وشلون ابرد .. وكلامك جارح ؟
ماعندي إلا دمعتي .. لو تسمح

تخيل اني جالس .. من البارح
بس اكتب وامسح واكتب وامسح :)

[مخلد @JustThnk]

لا تنشد عن أحوالي ترى محدٍ مرتاح
ولا تنشد من آخر قصيدة ولا آخر بوح

دوافع قصيدي عين خلي وخلي راح
ولا بعد عينه عين لو طرفها مملوح

فلا ترتجي مني شطر بيت لين أجتاح
أثر صدمة الفرقا وصدة وليف الروح

ترى صدمة الفرقا مثل نازع الأرواح
تعقد اللسان وتضهد الصدر لين يفوز

[مخلد @JustThnk]

وحيَد يأسرني حديث الصحاري
عن المطر وأبكي وتنبت بقايايّ

مَتى تجيني يارهين أنتظاري
وأعتق كلامي بين نفسيّ ومركاي

خليتني بين الصوَر والطواري
تحزني الضحكه ويسعدني بكايّ.

[مخلد @JustThnk]

اقول بـ كل مره .. ماني مغني على ليلاي
انا اكبر من مشاوير الغرام ومن مواضيعه

واذا ساق الحنين قلبي .. قمت اسوق اخطاي
وقمت ادور من دروبك درب قد جيناه واضيعه

يا كثر صورك .. اللي مانساها بالي النساي
لو ان عمري معك مرت سنينه مثل اسابيعه

[مخلد @JustThnk]

وشلون أملّ المكابر فالأمور الكبار
والكبريا جزء من نفسي و تكوينها

عجزت لا أناظر الدنيا بـ عين إنكسار
أدعس على غارب الأيام و أهينها

مايعتذر بالظروف إلا عديم القرار
وما يبكي من الحياه إلا مساكينها