مجاهد الثابتي

- متذوق للشعر . .

[النفيعي. @NA_5I1]

"لاشفت الطيور اللي لامخلب ولا منقار
شكرت الغصون اللي من الخوف تمنها "

-عساف ابو ثنين

يدور الزمان ويختبرنا بدون إنذار
وتبين الفوارق فالرجال ومعادنها

أحد خالقه ربي مثل كرسي الطيار
لـ حلت مواقيف الشدايد طلع منها

وأحدً خالقه ربي مثل شغلة المنظار
يدقق على حاجات ما أحدً درى عنها

وأنا عكس خلق الله مثل حالة البحار
لا طاح المطر ضيق على النفس وأحزنها

رياجيل ندفنها وتبقى طوال أعمار
ورياجيل ماندريبها لين ندفنها

بعضهم على المنصب يجمل وياطى الحار
ليا قال كلمة للرياجيل برهنها

وبعضهم مثل حاكم تحت سلطة استعمار
على العرش لاكنه لا يأمر ولا ينهى

ولقيت الجمايل ردها مثل رد الثار
لا صارت من اللي كل فتره يبينها

وخذيت السواد اللي يجي فالقمر معيار
تشين الوجيه وفعلها اللي يزينها

وترى خوة الصالح مثل خوة التجار
لاحبوك دلوك اسهل الطرق واحسنها

وترى الجاهل اللي ضاع في لفت الدوار
يشوف المخارج واضحه ما تماكنها

لاقلت الطريق يمين قال الطريق يسار
لا روّح من ايسرها ولا افلح مع أيمنها

أساير زماني مثل دكتور وسط شهار
أسولف لـ عاقلها و أجامل مجننها

لاشفت الطيور اللي لامخلب ولا منقار
شكرت الغصون اللي من الخوف تمنها

ولاشفت الشعوب اللي بعضها يعبد النار
ذكرت الضعوف اللي تودد لهاينها

تقول العرب صدق عيونك قبل تحتار
وأقول الحقيقه وجهها غير باطنها

أصدق كلام اللي يقول النجّوم كبار
وأكذب كلام اللي عيوني تعاينها

ماكل ارتفاع يدل دايم على مقدار
تعلا النسور وجيفة الارض موطنها

وبدا أبليس فالجنه وعاش النبي فالغار
تعدى البدايه والنهايه تمعنها

لا طاح الجمل لا عاد تنشد عن اللي صار
لا خافت قلوب الناس ماتنفع ألسنها

وقبل تمدح اللوحه تعذر من المسْمار
على الوقفه اللي ما لقت من يثمنها .

[مالك بن سلطان @m_bsu1]

لو ان الشمس يحْجب نورها ياسخيّف الذرعان
يبين الحق وضعوف الروابع مايحجبونه

نعرف اللي حمى مجد العروبه ونعرف من خان
عميلٍ باع دينه واليهود اللي يديرونه

لا يمكن يرفض اللي يطلبونه منه مهما كان
نتنياهو وموساده يجيبونه يودّونه

نعامه لو تقولون انه المنذر بن النعمان
ما لمّع صورة الخاين مديح ( كلاب بينونه )

نعرف خيانته في ليبيا والشام والسودان
يابن عفنا لا يمكن عار غدرتكم تغسلونه

بذل ماله على ��صر اليهود ونُصره لطهران
خساره ليت خاينكم بماله ضبّط سنونه

[ظافر بن فرحان @zafr_frhan]

عليك البرا مردود دامك طويل لسان
أنا قد تركتك غير أبرجع و أعيد الدرس

وبتعيش وأنت مهان وتموت وأنت مهان
يا تبّاع خرّيج المراقص حمار الفرس

يابو ذمّة مبيوعة بأرخص الأثمان
مثل ذمة الطقاقه اللي تجي فالعرس

وسمتك على الخدّين يا ناقة عريمان
وغرست المذلّه في عراوي فوادك غرس

مثل ما دعمنا موهبتك و طلع لك شان
ترا نقدر نخلّيك ما بين ناب و ضرس

[متعب البقيلي @muteb_1191]

ماهيب كلمة ، ذيك شلفا تراحيب !
مضرابها فجّ الضلوع و تعدّا

الكلمة الي تستحيها من العيب
على ( هلا يا مرحبا ) ما تبدّا !

غِبر الهقاوي كبّرت هقوة الريب
لين آبتجح مثل المليلك المفدّا

العام ماتنشد زمانك وش يجيب
و اليوم ماشاء الله عليك آ تحدّى !

ارتاح لا شفت البنادق مشاعيب
و اذا تبدّا الموت الآحمر ، تبدّا

لو نكحل عيونك بروس المشاهيب
والله ماعاد تحدّنا و تّصدّا

طيب واذا عدّيت روس المراقيب
غيرك على روس المراقيب عدّا

طمعت في كبوة حصان الاطاليب
هبّ الهواء على شراعك و هدّا

قدام تشغلنا و لا لك مطاليب
لو الي تشيله ذهب ! ، ليه صدّا ؟

على صبا عمري غزا قلبي الشيب
اقفيت و الورد الحمر دوب ندّا

أنا مدينٍ لكسرة الذيب يا ذيب
"و جابر " مدينٍ للمقادير جدّا "

ودّك تغيب ! أنا بعد ودي اغيب
ماعاد لي صوب النوايف معدّا

الجاهل يشوف المنايا تجاريب
و العاقل يشوف القدا و يتقدّا

لاعاد يغريك الغلا و التراحيب
أملك لا يترك ولا ينتودّا

حتى الرفيق الي يحدّك على الطيب
" بتحدّه الأقدار لين يتردّى "

[عفاس بن حرباش @3faas]

اضرب ولاتختار من بنك الأهداف
اغلط ترا الغلطات فالحرب حلوه

كم فيه صامت ماسمعنا ولاشاف
يمكن بعد غلطتك .. يدلي بدلوه

[عناد الشيباني @enadm1]

النصر لـ اللي على الدين وعلى الملة
مهوب لـ اللي مع الشيطان وعياله

خدام خامئني وخدام حزب الله
يدوسهم "خادم البيتين" بنعاله

الحوثي اللي .. علينا زايدٍ غلة
مشروب فنجال طهرانه وفنجاله

في عقر دارة نجية الصبح وانتله
اليا "طغا " لو ورا صنعاء عنيناله ..!

[وزارة الدفاع @modgovksa]

صرح المتحدث الرسمي باسم وزارة الدفاع اللواء الركن تركي المالكي أنه إلحاقاً للبيانين الصادرين من وزارة الدفاع يومي الاثنين (١٣ صف�� ١٤٤٨هـ) والثلاثاء ( ١٤ صفر ١٤٤٨هـ) الموافقين ( ٢٧- ٢٨ يوليو ٢٠٢٦م) من أن الدفاعات الجوية اعترضت ودمرت عدداً من المسيّرات التي حاولت استهداف منشآت بترولية في منطقتي الشرقية والرياض، وأن هذه الاعتداءات الإرهابية انطلقت من الأراضي العراقية ونفذتها ميليشيات إرهابية موالية لإيران، وما تم التأكيد عليه من حق المملكة الأصيل في الدفاع عن نفسها ومقدراتها واحتفاظها بحق الرد في الوقت والمكان المناسبين ومصداقاً لقوله تعالى: (فمن اعتدى عليكم فاعتدوا عليه بمثل ما اعتدى عليكم)، وانطلاقاً من حق الدفاع عن النفس الذي يكفله القانون الدولي وفق المادة (٥١) من ميثاق الأمم المتحدة، قامت القوات المسلحة السعودية بالتنسيق مع القيادة المركزية الوسطى الأمريكية هذا اليوم الأربعاء (١٥ صفر ١٤٤٨هـ) الموافق (٢٩ يوليو ٢٠٢٦م) بشن ضرب��ت نوعية محددة ضد أهداف تابعة لتلك الميليشيات المتواجدة على أراضي جمهورية العراق والمرتبطة بالاستهدافات على المنشآت البترولية في المملكة.
وتؤكد المملكة على أنها لا تسعى إلى التصعيد إلا أنها سترد عل�� أي عدوان تتعرض له.

انتهى

[عبدالعزيز العلوُي ⚖️. @ABDULAZIZ_154]

إذا كان لك مسكن تقيم فيه فعلياً وليس لديك غيره، وترغب تملكه بصك، فإن
#الأمر_السامي الكريم رقم ( ٥٧١ ) وتاريخ ١٦ / ٨ ١٤٤٢هـ قد عالج أمرك ، وقد صدر تعميم معالي #وزير_البلديات_والإسكان بتاريخ ٢٨ / ١٠ / ١٤٤٧هـ بالتأكيد على آلية دقيقة لضبط تنفيذ الأمر السامي من خلال إجراءات واضحة خلال مدة وجيزة .

#بادر بتقديم طلبك للبلدية وتابع الإنجاز خلال 30 يوم، بإذن الله.

[الأخطل @502A__]

- بعض الرياجيل ما الله يدلّهم على المنطق الذرب :

ان كان ماهو جايبن كل نوماس
اقل حاجه لا يجيب الفشيله .

بيض الله وجه هادي بن مانع

[فواز بن عواض @fapoett]

والله ان ماني لبعض الهرج فاضي
وانت لين الحين متفرّغ وشاره …

ليتك مقضّي لزومي وانت راضي …
قبل ما تقضي لزومي وانت كاره …

[معهد رصانة- RASANAH INSTITUTE @rasanahiiis]

صـدر مؤخَّـرًا قـرار المجلس العلمي في #جامعة_أم_القرى بترقية رئيـس المعهد الدولي للدراسات الإيرانية #رصانة الدكتور محمد السلمي @mohalsulami إلى درجة «أستاذ Professor».

ويسُـرُّ أُسرة معهد «رصانة» أن تبعث بخالص التهاني القلبية للدكتور السلمي، مع صادق الأمنيات بمزيد من التقدُّم الأكاديمي والبحثي من أجل خدمة دينه ثمَّ وطنه وقيادته الرشيدة.

[العرب للإعلام @alarab_media]

رابط بجميع الصور |
في حفل زواج الشاب
نجم حضيض عبدالمعطي الثابتي السلمي
https://t.co/HlMcWrx4MO
تغطية #العرب_للاعلام

[العرب للإعلام @alarab_media]

تغطيتنا هذا المساء|

لحفل زواج الشاب

نجم حضيض عبدالمعطي الثابتي السلمي

جدة |قاعة ��واسي الاحلام

تغطية #العرب_للاعلام

[القوات الخاصة للأمن البيئي @SFES_KSA]

📹| #القوات_الخاصة_للأمن_البيئي في منطقة الباحة .. مسيرة تنموية نحو مستقبلٍ أكثر استدامة للبيئة.

[سُليم بن منصور @solaim_com]

تهنئة للبطل: أمير السريحي

[سُليم بن منصور @solaim_com]

خلف الدملوكي إلى راتبة لواء

[عناد الشيباني @enadm1]

حنا نميز كلام " الخبل " و المتزن ..!
الهرج واجد وهرج الضيق غير السعه

بعض الحكي مثل ظلع النير لو ينوزن
وبعض الحكي ما ندقق فيه لو نسمعه

ومع احترامي لكل اللي علينا يزن
ما نرخص الانفس ولا نلبس الاقنعه

من الحيا ما تبعنا كل بارق مزن
جعل الحيا ما يزول وجعلنا نتبعه

الروس شابت مهوب القافية والوزن
انفوسنا طايبة .. وجروحنا موجعة

معاد نبغى الحزين اللي يجيب الحزن
نبي لنا واحدٍ يضحك ونضحك معه

[ملتقى قبائل حليل @mtab989]

لحضة إعلان نتائج معهد الدراسات الفنية للقوات الجوية

وحصول الشاب / عبدالباسط نعيم نويعم المويسي السلمي

على الترتيب الأول في المجموع العام والحاصل على سيف الشرف

والأول في تخصص صيانة ميكانيكا الطائرات
متعدد المهارات

[القوات الخاصة للأمن البيئي @SFES_KSA]

📹| #الأمن_البيئي ينفذ مبادرة تشجير بالتعاون مع @KARNRSA ، ضمن فعاليات #أسبوع_البيئة
تحت شعار #أثرك_أخضر.

[سُليم بن منصور @solaim_com]

تهنئة للملازم: عبدالله الجفيني