خالد السالمي

شاعرٌ على حافّة الجنون

[خالد السالمي @Khalid_Alsalmi_]

أنا القبس .. ليه أقتبس؟!

[خالد السالمي @Khalid_Alsalmi_]

لعلّ المزون الي تغصّ بهميل حقوق
على دار نوره تبطي.. وبرقها لمّـاع

وتمطر على وجه الثرى الي طواه الشوق
على الطلع الاخضر.. والندى فوق زهر القاع

ولا شافت الزملوق ينبت ورى الزملوق
وذيدان شايبها.. تزاحم على المربــاع

توسّع خواطرها مثل واسعات الموق
ولا مرّها الملتاع.. ترفق على الملتاع

لها شْهور ما جادت على سمعي ��ـ منطوق
يطمّن خفوقٍ فوق جمر إشتياقه.. ماع

كريمة محيّا لكن وصالها ممحوق
يا كم جيت أفارقها.. وجا وجهها شفّاع

شمالية العينين.. شرقية المنطوق
جنوبية الضحكات.. غربية الاطباع

جهات اربعة، ربي فطر حسنها فـْ مخلوق
اسوق النظر فـ اطرافها.. لين عمري ضاع

وانا الي خذيته من هواها قليل الذوق
كبر خصرها اللي حسب الاشبار.. نصّ ذراع

ثلاث اسئلة من مبسم يمزّع المعلوق
وضحكة مثل «نونية إدريس ابن جمّاع»

[خالد السالمي @Khalid_Alsalmi_]

محتاج أضمّك على صدر الورق يا «مرام»
لعلّي أبلغ مرامي .. من كذا ناحية

[خالد السالمي @Khalid_Alsalmi_]

يوم إن غيري تعشّم فْـ الخوي.. وانخذل
ياكم تعشّمت في تركي.. (وراغ الذليل)

يزعل.. وتزعل معاه مطير لا من زعل
ويرضى.. وترضى معه، لا حقق المستحيل

[خالد السالمي @Khalid_Alsalmi_]

الجمال فـْ مظهرك هوّ انعكاس لـ روحك
كنّ ربّي خالقٍ روحك مثل مظهرها

[خالد السالمي @Khalid_Alsalmi_]

فلاش باك = ومضة ذكريات

بين لحظات السكينة.. ولحظة الارتباك
يا كثر ما مرّت أحلامي.. ولا نشتها

بيني وبين الصواديف.. جولات اشتباك
ما تبي قلب المعنّى يحقق ما اشتهى

بس ما تاخذ من الذاكرة طلّة: ملاك
كل ما غمّضت بـ جفون عيني.. حشتها

فاتنة مثل (المها) اللّي تذيّر من هلاك
كل ما أنصاها بـ خطوة هيام.. أربشتها

في ملامحها لـ حقوق الجميلات: انتهاك
تشره عيوني عليْ لا لفت.. وأرمشتها

وعودها لا وقّفت.. مثل عيدان الأراك
شيخة الغيد.. وظفاير شعرها :بشتها

ولا مشت بالهون.. ما كنّها إلا: فلاش باك
لكل لحظة ممتعة.. في حياتي عشتها!

يا هوى الغربي لا مرّيتها.. عود وراك
لو طرقت خدودها الناعمة.. مخشتها

واهنيّك من نسمها.. تبي تنقل شذاك
ما أنت مثل «المشتهي».. ما حصل لك "مُشتهى"

[خالد السالمي @Khalid_Alsalmi_]

هذَا صوت؟ ولاّ برق ��زنة.. تغيث الروح؟
لا تسكت.. وصبّ خْيال صوتك على روحي

لو إن خاطري.. ممّا حصل بيننا مجروح
لامنّك همست فـْ مسمعي.. طابت جروحي

عليك فْـ غيابك.. شوقي مْن الصميم يفوح
يهمّك؟ ما تبصر؟ قلبك يحسّ؟ ما توحي؟ —

(تكفّاخ.. قلبٍ لا نوى يحطّ فوق اللوح)
(فـْ صلف الهبايب.. مالقى لوحك.. ولوحي)

[خالد السالمي @Khalid_Alsalmi_]

فلاش باك = ومضة ذكريات

بين لحظات السكينة.. ولحظة الارتباك
يا كثر ما مرّت أحلامي.. ولا نشتها

بيني وبين الصواديف.. جولات اشتباك
ما تبي قلب المعنّى يحقق ما اشتهى

بس ما تاخذ من الذاكرة طلّة: ملاك
كل ما غمّضت بـ جفون عيني.. حشتها

فاتنة مثل (المها) اللّي تذيّر من هلاك
كل ما أنصاها بـ خطوة هيام.. أربشتها

في ملامحها لـ حقوق الجميلات: انتهاك
تشره عيوني عليْ لا لفت.. وأرمشتها

وعودها لا وقّفت.. مثل عيدان الأراك
شيخة الغيد.. وظفاير شعرها :بشتها

ولا مشت بالهون.. ما كنّها إلا: فلاش باك
لكل لحظة ممتعة.. في حياتي عشتها!

يا هوى الغربي لا مرّيتها.. عود وراك
لو طرقت خدودها الناعمة.. مخشتها

واهنيّك من نسمها.. تبي تنقل شذاك
ما أنت مثل «المشتهي».. ما حصل لك "مُشتهى"

[خالد السالمي @Khalid_Alsalmi_]

من غابت الشمس والضيقة فـْ صدري تدوج
لين امتلا جوّ صدري .. من تناهيتها

على نفود الضلوع تحنّ مثل الخلوج
من غاب زول الحويّر عن سباريتها

الله عطاها كريمٍ كل ماجاه فوج
نفسه على الجود .. تحداها عفاريتها

وشلون اعاتبك وارقاب المشاريه عوج
من كثر ما تخلف ظنوني لا خمّيتها

في صمتي فـ حضرتك كانت تمر الهروج
مابين عيني وعينك بس ، ما اوحيتها

ابطيت في سجن خذلانك وباب الخروج
كلمة لو تمرّ سمعك .. ما تحلويتها

لكن مصيرك اذا ضاقت عليك الفجوج
بتندم لاهلّيت عبراتك ومشيتها

وبتفقد يديني الي عن عيونك تبوج
دمعة عيونك لامنّه حل .. توقيتها

ولا انا لا انشدوني عنك عقلي :يموج
ويهدا .. وتطري علي، فكرة ما عدّيتها

شعرة غلا كانت بكفي وكف الغنوج
فـ ليل التباريح شدّتها .. ولا ارخيتها !

[خالد السالمي @Khalid_Alsalmi_]

إن خسرتك.. ما خسرت أرباحي ولا راس مالي
يا رفيقٍ كل ما أقفى صاحبك.. ترقب مطيحه

لا تحسب إن اتجاه البوصلة دايم شمالي
فـ صدري اللي ما نويت بـ عذر واحد تستميحه

رح فـ أمان الله.. وإذا خاويت من عقبك ظلالي
أشهد إن ظلالي أشوى لي.. وخوّتها مريحه

ليتني لا ضقت.. عيّنت لـ همومي ربع خالي
في مداه أنسى شقا الدنيا.. وملامحها القبيحه

وودّي إنّي وين ما حلّيت.. أجاور لي بلالي
ومثل غزّاي الدويرج.. مدهلي للضيف شيحه

جارٍ يفديني بروحه.. من صواديف الليالي
وجود لا من ذاع صيته.. يرتفع سعر الذبيحه

لكن عيون الزمن.. ما تلتفت فـ شفوف بالي
تلتفت فـ التافه.. اللي ينطح الصيحه بصيحه

في منصات التواصل الاجتماعيه.. يلالي
ما يهمّه لو لحق ربعه من هروجه فضيحه

ولا بغى يكسب شريحه.. من رخومٍ ما تبالي
زعّل من طيور شلوى.. لاجل يرضيهم شريحه

والزناتي لو درى عن غزوة ذياب الهلالي
ما تبجّح قدم ربعه بالمضاريب.. البجيحه

ومن تولّع فـ المليحه.. رغم شرهة كل غالي
ما درى إن صيّوره.. بيبكي على فرقا المليحه؟

البقاء.. للي على العرش استوى فوق المعالي
وكل مؤمن يستميت بـ طاعته.. حتى يبيحه

واهب ابن آدم سنينٍ فانيات.. ومال بالي
واللبيب يسنّع أوضاعه.. ليا جاته منيحه

ما يغنّي كل ليلة : «��ا ليالي.. يا ليالي»🎵
يدري إن العمر مهما طال.. ساعاته شحيحه

[خالد السالمي @Khalid_Alsalmi_]

Can I kiss your voice?
If my heart is given the choice,
let that be our first kiss—
before I ever touch your lips.

[خالد السالمي @Khalid_Alsalmi_]

مافيه مثل خْصالي .. وظلّي
لو دجت كلّ "الكون" طول بـ عرض

ياكثري بـ سوق الوفا .. وقلّي
فـ اسواق راعين (الطلب والعرض)

قلبي: يحبّك صدق .. ياخلّي
محبة ٍ رمشك فرضها : فرض

لا تلومني لو جيت لك كلّي
وكلّمت شايبك وسحبت القرض!

[خالد السالمي @Khalid_Alsalmi_]

@azoz756 غربة الروح مشكلة

[خالد السالمي @Khalid_Alsalmi_]

# The Hurricane Within

It’s been a long time since I felt this way.
Nobody has ever touched that place so deep inside me—
the one place that holds the key
to turning everything inside me into a hurricane,
into a volcano.

I became two people the moment I heard what I heard:

One was falling hopelessly in love
with every part of you,

and the other was screaming—

YOU’RE MMMMMMMMMMIIIIIIIIINE.

[خالد السالمي @Khalid_Alsalmi_]

يهمّك الشوق ؟ لوّ الشوق مشتاق؟!
يامرحلة فالعمر .. جدًا خطيرة

لا يابعد كل من مرّوا فالاحداق:
مْن العذارى .. : ( الصغيرة والكبيرة)

لو حاولوا ينزلون بـ جوف الاعماق
ما فيهم اللي وصل : غبّة مثيرة !

لكن معك صرت متشغّف وتوّاق
من الحلقة الاوّله .. لين الآخيرة

[خالد السالمي @Khalid_Alsalmi_]

@daq48 تحديد عدد الابيات والموضوع
يحول النص في كثير من الاحيان لمحتوى ابداعي
بدال مايكون محتوى شاعري

النصوص قد تكون مدهشة ولكن فالغالب مافيها روح

[خالد السالمي @Khalid_Alsalmi_]

انا فـ وجهك الفاتن .. قبل لايصير حْطام
خفوق ٍ .. سكوتك يمنعه من مطاليبه

كلامك يشب فـ خاطري شعلة الإلهام
مثل شاردات الشعر .. من حرب وعتيبه

[خالد السالمي @Khalid_Alsalmi_]

يوم كان يشير عقرب ساعتي لـ (الوَحدة)
التقيت بروح لضلوع الصدر نزّاحة

تسكن بجسم مْتعدد في قوام الوِحدة
ومتفاوت بالمزايا بين كدّ وراحة

المفاتن فيه باطراف الجسد متّحدة
ضد خصرٍ لو تمادى ينزعون سْلاحه

[خالد السالمي @Khalid_Alsalmi_]

للحزن غصّة ولهجوس الحنايا غصّة
تحبس أنفاسي ليا فاض بخفوقي غيضة

وإن بغيت اسمر معك وأعلمك بالقصّة
شلت هم غرورك اللي ضاري لتحريضة

والخلاصة : دامك بجرح الهوى مختصّة
مودعك قلب بيدينك طبّه .. وتمريضة

وخاطر ٍ لاجيت اوثّق لي شْعور يخصّه
هاجسه لابدّه يعرّج عليك .. بـ هيضه !

[خالد عون @khalid_oun]

يا أكملَ الناسِ في قولٍ وفي عمل
أمسى لهجرتكَ التاريخ ينتسبُ

تمضي القرونُ وتبقى أنت قدوتها
فأنتَ من بهداه تمّتِ الكتبُ

اللهم صلّ وسلم على نبيّنا وشفيعنا محمد وعلى آله وصحبه ❤️