Meshari AlZaid

[abukhalid2030🇸🇦 @i_2037]

@ahmedassaf000 اذا انت فالرياض ابرك لك تجلس فالبيت الاسباب واضحة جداً
القاعدة الصحيحة :
اذا انت في مدينة غير الرياض لاتكثر من الجلوس في المنزل
انتهى

[سلمان النصار @202salman]

@ahmedassaf000 انت قديم هالحين مكيف وشاشة ونت وجوال وراحة ونعمه القرادة القديمه سلمنا منها ابشرك ولله الفضل والمنه الخروج للرياضه او الصلاة تحياتي ياقديمك ندبمك هههههههه

[AkooL 🍔 اكول @iak00l]

@yam7088 ليش التعب موجود في الرياض محل اسمه درب الموارد في حي الجنادرية

[H E S S A👸 @iHessa_xx]

مفاهيم لازم تعتمدها في التداول ✅

( إختراق ) ⚠️

يعني ننتظر السعر يخترق الرقم المذكور ويثبت فوقه وما يكسره لمدة 3 إلى 5 دقائق ✅

( تحقيق الأهداف ) ⚠️

أي سهم يحقق هدفه الأول أرفع وقفك وكمل معه ✅

( كسر الوقف ) ⚠️

إذا كسر السهم وقف الخسارة أخرج فوراً والسوق مليان فرص والتعويض بجيك في غيره✅

وش معنى نرفع الوقف ؟!

جاب الهدف الأول !
أرفع الوقف لسعر مشتراك ✅
جاب الهدف الثاني !
أرفع الوقف للهدف الأول وهكذا ✅

[عبدالله مشاط @AbdullahMashat]

في اليابان المدراء يابانيين
في المانيا المدراء المان
في أيرلندا المدراء أيرلنديين
في السويد المدراء سويديين

ليه في السعودية يجب نجلب غربيين بحسب اقتراح الاخ فهد؟

نعم توجد وظائف معينة تحتاج خبرات من الخارج ولكن ليس كل شيء يحتاج جلب خبرات خارجية

[عبدالله مشاط @AbdullahMashat]

خبر رائع من FT:

صندوق الاستثمارات العامة PIF يستبدل الـCEOs الاجانب بقيادات سعودية
—
اسماء قليلة مثل جون باغنو (البحر الاحمر) وجيري انزيرلو (الدرعية) ممن حققوا نجاحات

اما للأسف كثير اخرين لم يحققوا المأمول منهم رغم خبراتهم السابقة

المدراء السعوديين تحت الضغط يعملون بشكل افضل

[محمد الهلال @mkhilal]

@hm_1111111 @AbdullahMashat انت اردني يا فهد صحيح؟ لماذا لم تقترح هذا الاقتراح للأردن؟ راجعت خبراتك في لنكد ان و لم اجد خبره الا تدريب بسيط في جونز هوكبنز لمدة ٣ شهور تقريبا، هناك امثلة على اجانب ممتازين في الادارة و لكنهم قلة و خصوصا مؤخرا، الجيل السعودي الحالي الكفوء له قدرات هائلة .

[تأبط شرا (ابومنيف) @MoneefMonef1]

@AliAkil0 شكلك تشتغل بنفس النظريه
معلش سيادتك ماكنش اصدي 😂

[عاجل السعودية @3ajel_ksa]

🚨🚨

صندوق الإستثمارات العامة السعودي يستبدل الرؤساء التنفيذيين الأجانب بقيادات سعودية

[Ibrahim @_utalkingTOme]

@BinDollarSign @SpaceX فيه نقطة مهمه ذكروها في بودكاست النشرة المالية
هبوط اعتقد سنة ٢٠٢٢ كان سببه خروج السيولة من الاسهم لكثرة الاكتتابات في هذيك السنه
حجم اكتتاب سبيس اكس يعادل الاكتتابات كلها تقريباً في هذيك السنه ف مرشح خروج سيوله ضخمه من السوق عشان الاكتتاب وبيلحقه اكتتابات مثل اوبن وانثروبك

[سعود في #السوق_الامريكي @s_usa2001]

💰حلاوه اخيره قبل الاكتتاب
البنتاغون عطى سبيس اكس $SPCX عقد جديد بـ4.2 مليار دولار

وش المطلوب؟
يراقبون الاهداف المتحركة في الفضاء
#السوق_الامريكي_بالعربي

[سعود في #السوق_الامريكي @s_usa2001]

العوض ولا القطيعة.. ان فاتك او صعب عليك #اكتتاب SpaceX, لقيت لك حل.
عندك صندوق جديد رمزه $NASA وهو اول صندوق يعطيك دخول مباشر على اسهم سبيس اكس الخاصة.

طيب, هل الصندوق فقط يتداول في سبيس اكس؟ الجواب لا ولكنها المكون الاكبر للصندوق, وهنا الاسهم والشركات الي يملك فيها ونسبتها في الصندوق؟

📍يملك SPACEX SPV PFD
بنسبة 10.70%
شركة سبيس اكس وهي المتصدرة للقطاع . فالكون 9 يسيطر على نحو 85% من عمليات الاطلاق في امريكا. ستارلينك عندها اكثر من 10 مليون مشترك. وشركة xAI صارت تابعة لها بالكامل.

📍يملك $RKLB
بنسبة 8.11%
صواريخ الكترون شغالة تمام وصاروخ نيترون القادم ينافس فالكون 9. ميزتها انها متكاملة ما تكتفي بالاطلاق لكن تصنع الانظمة والاقمار اضافة لخدمات الوصول للفضاء.

📍يملك $PL
بنسبة 6.63%
عندها اكبر اسطول اقمار صناعية لتصوير الارض بشكل يومي.

📍يملك $FTC.L
بنسبة 5.39%
شركة بريطانية متخصصة في انظمة الاتصالات والموجات عالية التردد.

📍يملك $LUNR
بنسبة 5.20%
نجحت بأول هبوط تجاري على القمر في التاريخ عبر رحلة IM-1.

📍يملك $FLY
بنسبة 5.05%
تعمل في الاطلاق الفضائي والمهام القمرية

📍يملك $ASTS
بنسبة 5%
الشركة تقدم انترنت واتصال عبر الاقمار مباشرة للهواتف العادية بدون تعديل.

📍يملك $VNP
بنسبة 3.98%
شركة مواد متخصصة تدخل في سلاسل توريد الفضاء واشباه الموصلات.

📍يملك $BKSY
بنسبة 3.97%
شركة متخصصة في صور الاقمار الصناعية والتحليلات الجيومكانية.

📍يملك YORK SPACE SYSTEMS
بنسبة 3.91%
شركة خاصة تعمل في تصنيع الاقمار الصناعية والمنصات الفضائية.

#الصندوق_الامريكي_بالعربي

[تـ.. @RTyby40383]

الف علامة استفهام هذولا موظفين الملحقية السعودية بكندا ؟؟

مو شايفه اي سعودي !!

#سعودة_الوظائف #البطالة_بين_السعوديين #فساد_القدية #اقاله_وزير_الموارد_البشرية #هالمرة_غير

[Meshari AlZaid @Khk115]

@OsamaStocks مرحبا اسامه ، هل فيه جديد بخصوص سهم امس FEED ؟

[ابو دانتي - ماجد @AboDantee]

تدرون ان نسبة التوظيف مقابل عدد السكان عند السعوديين 45.9% بينما عند الأجانب بالسعودية 80% ؟

عن البطالة والبطالة المقنعة،
والحل اللي انا مؤمن انه بيعمل

كلام بخاطري أدري بيزعل البعض، لكن نظرًا لإيماني أن هذه مشكلة امن قومي قررت أتكلم عن جوانب يجهلها كثيرين بهالموضوع، واقتراحاتي للحلول واللي اشوفها حتمًا بتنجح

ترددت قبل اكتب لأن ما ودي زي كل مرة اتكلم ثم يجي حساب وهمي ويقول:

انتبهوا من ابو دانتي تراه سوري، مصري، خائن، ماسوني، شاذ، معارض، متآمر مع الماسونية، وعنده فريق لدس السم بالعسل الخ من الترهات والسخافات، مع اني بهويتي واسمي وصوري بينما اللي يتهموني بهالامور وهميين، ناهيك عن التكفير المستمر

فقررت اقول كل اللي عندي بتغريدة وحده، ثم ابعد عن الموضوع واركز على محتواي الرئيسي والمرتكز على التحليل العلمي والتقني للعلوم والحروب وما شابه، اضافة الى يومياتي وخرابيطي ههههه

بسم الله نبدأ:

1: السوق المزدوج

أول حقيقة يجب أن ننطلق منها هي ان سكان السعودية هم:
58% مواطنين
6.6% بنقلاديش
5.8 هنود
5.7 باكستان
5.6 يمنيين
5% مصريين ( فوق مليون ونصف )
2.5% سودانيين
1.40% سوريين ( نصف مليون )
0.9% نيباليين

يجب ان ندرك أولًا لأي درجة هذه الأرقام مخيفة، ووش علاقتها في موضوعنا وليه الشركات ما توظف سعوديين بسهولة

هذي الأرقام مخيفة لأن هالاجانب اللي تشوفونهم ماهم زي اجانب امريكا وكندا، ففي امريكا وكندا الأجنبي يجي على مثلًا فيزة إقامة دائمة او دراسة او لجوء او غيره ثم بعدين يعافر زي ما يعافر المواطن لين يلقى له وظيفة

النظام بالسعودية هو ان الأجنبي أصلًا ما يجي الا ومعه عقد عمل، ومن ثم هاللي تشوفون فوق كلهم معهم عقود عمل وكلهم موظفين بشتى انواع الوظائف واللي يظن انهم كلهم يعملون بوظائف ما يعمل بها السعودي غلطان

الادهى والأمر تدرون وش؟
في امريكا وكندا هالاجانب يكونون رجال ونساء ومنهم الكبار والأطفال وغيره، اما عندنا اغلبهم رجال وكلهم في العمر المناسب للعمل، يعني كلهم جايين يتوظفون، ومن ثم طبيعي انك مستحيل تنافسهم

كيف تنافس كمية مهولة من ابناء دول العالم الثالث واللي اغلبهم كانوا فقراء في عمر العمل ويوافقون على أدنى راتب ويعملون بأقصى عدد ساعات ممكنة

هالشي ياخذني الى نظام عمل الشركات عندنا !
اقتصادنا يا أصدقاء ريعي بحت بالذات في الماضي، خاصةً أيام الملك خالد ثم لاحقًا أيام الملك فهد

كانت فكرة العمل زي الكويت قائمة على انك تتخرج وتدور وظيفة حكومية لأنها أكثر امان والدولة دايم بتوفرها لك، وكان هذا خطأ استراتيجي في تلك الحقبة للأسف

هالشي خلق سوق وظائف مزدوج، فالقطاع الخاص بدأ يبحث عن موظفين أجانب رخاص وصاروا يجون بكميات مهولة عن طريق الفيّز، حتى انها صارت نوع من التجارة انك تجيب اجانب وتنثرهم في البلاد

هالاجانب اللي جو وانتثروا في البلد كانوا ببساطة في عمر العمل، رواتبهم متدنية بشكل مرعب، ومرنين ما عنده مشكله يشتغل طول يومه ولا يمكن يقول برم ..

هالشي خلا الشركات تزيد ارباحها، لأنها ما تدفع فلوس كثيرة على الموظفين عكس باقي دول العالم، فحقوق هالموظفين الاجانب اصلًا كانت منتهكة من القطاع الخاص زمان

تحسبون الشركات استغلت هالشي عشان تبني صناعات وامور تفيد البلاد؟ لا طبعًا، التاجر طماع ودايم يبحث عن ارباح زيادة، صاروا حتى في تجارتهم يعتمدون على جلب المنتجات من الخارج وبنوا شركات خاصة قائمة الرخص ..

رخص جودة ورخص رواتب ورخص مبادئ، ياخذون من خيرات البلد ومن الدعم الحكومي ولا يعطون شي، وهذي انانية التجار المعروفة

بعد سنوات كثيرة الدولة انتبهت للمشكلة وحاولت تحلها، بالذات في عهد الملك سلمان الله يطول عمره وسمو ولي العهد، وتلاحظون هالشي في الرؤية 2030 واللي اشوفها يقظة مهمة لنا كسعوديين، ولكن ما زالت تواجه عوائق بسبب الشركات اللي قامت على الرخص عبر السنوات واللي رافضه تقوم بدورها تجاه الوطن الى الان

حاولت الدولة بالبداية تدفع بالمواطنين انهم يروحون للقطاع الخاص فقدمت دعم وبرامج زي نطاقات وغيره، بس ماش هالحل ما كان جيد وما اشتغل، ولهذا انا الوم وزارة الموارد البشرية على سوء التخطيط

دفع المواطنين الى القطاع الخاص امر مهم وهي خطوة قامت بها اليابان في الثمانينات وقامت بها اسرائيل بعد ما كان نظامها ريعي شبه اشتراكي لكن تغيّر وتحسن بفضل الملعون نتنياهو وصارت دولة الستارت-ابز الاولى بالعالم

مانجحت وزارة التجارة بهالشي لأن حلولها كانت غبية ببساطة، فهم يحاولون يسوون حلول "صورية" غير حقيقية قائمة على فكرة نطاقات وغيرها من الخرابيط اللي سهل التلاعب فيها

الوزارة ما تبي تسوي حل حقيقي وموجع للشركات، ليه؟
لأنهم ما يبون يزعلون الشركات ويفرضون عليهم واقع جديد يقومون فيه بدورهم تجاه المجتمع، فالوزارة تخاف هالشركات تنسحب من العمل او تطلع برى البلد او ما شابه ..

هذي الشركات من أيام الملك خالد والملك فهد وهي حاسبه ارباحها بناء على العمالة الرخيصة ..

الان فجأة يجيني موظف سعودي يبي حقوق وراتب طبيعي وخدمات؟ لا يا حبيبي، كذا انا صعب اربح ربح مهول زي زمان ..

هنا وزارة الموارد البشرية اصطدمت بسوق العمل المزدوج اللي انصنع من ايام الملك خالد، فالسوق الخاص ما وده يدفع للمواطن الراتب اللي يستحقه ويتوقعه، والمواطن ما يقدر ينجو ويعيش بالرواتب اللي كانت الشركات تعطيها للاجانب

2: ليه الشركات ما تحب توظف السعوديين
شرحت فوق الاسباب، فهي تفضل الراتب الرخيص وقلة الحقوق واستمرارية العمل، ما تبي توظف انسان ببساطة وانما تبي حمار مكدة منتزع الحقوق الله يكرمكم

هنا الشركات قامت تقول شي كاذب ووصخ، يذكرني بشيء درسته في الجامعة في احد المواد عن التاريخ الايطالي ..

في عهد موسليني صارت مشكلة عطالة كبيرة في جنوب ايطاليا، وكان الشمال مليان وظايف فصاروا الناس يهاجرون من الجنوب للشمال بحثًا عن العمل والحكومة تقول اللي يبي وظايف حياكم الله بالشمال

المشكلة ان اللي بالجنوب عشان يطلعون للشمال ويسكنون، ممنوع يؤجرون لهم شقق الا لو معهم عقد عمل ..
ولو قدموا وظايف، ممنوع يعطونهم عقد عمل الا لو عندهم شقة او سكن في الشمال

بين قوسين ما يبون يوظفونهم بس يخلقون لهم أمل عشان ما تصير مشاكل، يعني مجرد اعذار

الشركات بالسعودية بدت تسوي زي كذا لكن بطريقة مختلفة.
لاحظوا ان الشركات تقول حنا ندور خبرات، ما عندنا خبرات !

ثم يجيك المواطن السعودي، وهالشي قسم بالله يقطع قلبي، يقعد يحاول يجمع شهادات ودورات ويسوي تطوع ببلاش ووو الخ، مصدق انهم يبون خبرات ولهذا انقهر يوم يسألني واحد ماجد وش افضل دورات آخذها !

يكذبووووووووووووووووووووون عليك ..
ما فيه شركات بالعالم تطلب دورات واوراق وخرابيط من واحد توه متخرج !!!!
الخبرة تجيك من الشركة من العمل وهذا هو الطبيعي، بدوت عمل حقيقي وشركة حقيقية خبرتك مالها فايدة

الشركات تقول كذا عشان تصرف المواطنين وعشان يتعذرون بأنهم ياخذون الاجانب عشان عندهم خبرات ..

فاللي يصير ان الشركات تقول نبي خبرات ما نقدر توظف سعوديين بدون خبرات، وبنفس الوقت هالخبرة مستحيل تجي دون ما يعطونك عمل ..
وبناء على ذلك، يجيبون اجانب من الخارج بحجة ان الاجنبي معه خبره وجاهز للعمل

3: ليه الامر خطير
المشكلة هيكلية والى الان الوزارة ما سوت خطوات حقيقية وواضحه لحلها وواضح ان الوزارة تفضل بقاء الشركات تعمل بالبلد اكثر من سعيها لتوظيف السعوديين ..
الوزارة خايفة تعيد هيكلة الشركات كليًا، تخاف من التجار

هالشي له تبعات خطيرة وبيكون خطأ استراتيجي ثاني بتاريخ الوزارة، لانها الان قاعده تخلي كل الخريجين بدال ما يحطون مهاراتهم في البلد، يتجهون الى اوبر او يلمسون ملابس بوكيمون في موسم الرياض ثم تقول حلينا مشكلة البطالة ..
هذا كذب، هذي مهي وظايف، هذي بس شعلات جانبية للنجاة

استمرارية البطالة بتسبب مشاكل ضخمة، وهالمشاكل اقتصادية ومن ثم اثرها يمكن يكون أكبر من أثر زعل هالشركات وخروجها من البلد ..

أقل الاضرار هو انه بيتم استزاف مدخول الدولة من النفط وغيره على الخدمات الاجتماعية وحافز وغيره من البرامج وهالشي اثره على الاقتصاد كبير وبيرجعنا للنقطة صفر، وهي انا نكون دولة ريعية كليًا، بس هالمرة دون حتى وظايف حكومية ..

ولو ساءت الاحوال؟ يمكن تضطر الدولة تخلق وظايف بلا قيمة بس شكلية زي ما يصير بالكويت، وظايف القهوة والشاهي ..

ثانيًا، تخيل انك تدمر مخرجات التعليم في جيل كامل وتخليهم بدال ما يستثمرون تعليمهم بالبلد، يتجهون الى اوبر وشاهي الجمر، وتعليمهم هذا كان ممكن يتحول لمهارات مفيدة بشتى القطاعات

ثالثًا، يوم الشركات تتعود على هالتوظيف السريع والرخيص غالبًا النتيجة تكون منتجات رخيصة وقلة الدعم للبحث العلمي وانعدام الصناعات والتطوير، لأن الشركات تعودت على الرخص من جميع النواحي، وهالشي يخالف طموحاتنا في 2030

ناهيك عن اهم مشكلتين ..
الغضب المجتمعي، فلما يشعر الناس انهم يتم استبدالهم بهالاجانب مصير الغضب يتنامى ولولا اني اشفت هالشي بعيني وبعدة تطبيقات كان ما تكلمت، فتخيل انك مستعد تخلي شعبك يغضب وتهدد الأمن بس لأنك تاجر طماع تبي تكسب زيادة

والمشكلة الاخيرة، شفنا وش صار في حرب ايران ..
يوم الشركات تعتمد على العمالة والمنتجات الاجنبية أي حدث عابر سواء حرب او جائحة او غيره يدمر بنيتك الاقتصادية ويسبب مشاكل في سلاسا الامداد وغيره، عكس لما تكون معتمد على صناعات محلية وعلى ايدي عاملة من ابناء البلد ..
لكن لا حياة لمن تنادي

زي ما قلت في بداية الكلام فوق ..
45.9% من السعوديين اللي بعمر العمل موظفين، بينما الاجانب اللي بعمر العمل 80.7% منهم موظفين ..
هذي الارقام مخيفة، يعني البطالة عندنا مهي 7% وانما اكبر بكثير يمكن توصل 40% او اكثر

والمحزن انه حسب هيئة الاحصاء، 95% من الشباب السعوديين العاطلية مستعدين يعملون في القطاع الخاص، فالموضوع ما عاد هو دلع وانهم يبون وظايف حكومية زي اول ..
هم يبون القطاع الخاص بس القطاع الخاص ما يبيهم

واللي يقهر، ان السعوديين شفت بعيني فيهم ناس بمجالي مبدعين بشكل مرعب يفوق كثيرين من اللي عملت معهم بأمريكا، فالسعودي ما ينقصه خبرة ولا ابداع لكن الشركات ما تبي توظفه لا لشيء الا بسبب الطمع والانانية

أخيرًا، الحلول المقترحة:

1: ان نتوقف عن الكذب، واعني وزارة الموارد البشرية

ليه؟
لان مستحيل تحل المشكلة قبل ما تعترف بوجودها؟
شفتوا كيف الشركات تنشر أرقامها كل ربع سنة؟ يجب ان تنشر وزارة التجارة أرقام ربعية أول بأول كل كم شهر ويكون فيها معلومات زي:

- عدد التوظيف الحقيقي خلال هالمدة
وظايف حقيقية بدوام كامل ورواتب مجزئة ومتسقة مع مؤهلات المتقدم

- عدد اللي عملوا في وظائف النجاة من الموت زي ما اسميها
اوبر، توصيل طلبات، شاهي جمر، بوكيمون في موسم الرياض، الخ

- عدد العاطلين

يوم تنشر هالارقام بكل مصداقية راح تبدأ نسوي خطوات جريئة لحل الموضوع وتبدأ الشركات بعد تقوم بدورها وتوقف انانية ..
ونتخلص من اكاذيب "نقصت معدل البطالة 3%" وما شابه

2: اجعل الشركات تدفع الثمن

غثيتكم انا سابقًا بموضوع اليابان وكيف عشان تنجح في الرقائق الالكترونية احتاجت تخفض عملتها وتفرض ضرايب كيبرة على الشركات اللي تجيب رقائق من برى صح؟

طيب، نبي نسوي نفس الشي بس بشكل مختلف ..
خل الشركات تدفع ثمن العطالة دامهم يحبون الاجانب !
وبهالطريقة ما نحتاج نخلي الشركات تفصل وظفينها فجأة ثم تتأثر مشاريعها وحساباتها بعد

القانون يصير:
اذا شركة وظفت غير سعودي في وظيفة قابلة لأن يتوظف فيها سعودي يجب على الشركة ان تدفع رسوم تدريب موظف سعودي، وتسمى هالرسوم: رسوم استبدال السعودي

الفلوس تروح مباشرةً لبرامج مجانية مهمتها توظف السعوديين وتدربهم بنفس مجال الوظيفة هذي، ويتم متابعة الدارسين والخريجين من هالبرنامج والتواصل مع هالشركة اول بأول

بكذا ما تقدر الشركة تقول ما لقيت سعوديين، لأن وزارة التجارة بتقوم بدور توفير المواطن السعودي للشركة، لكن ما ظني الراجحي يسوي كذا لأن فيه رخامة تقهر

3: انهاء السعودة الوهمية
السعودة الوهمية الحالية تطلب بس (عدد) موظفين سعوديين وكأنهم رؤوس أغنام، لكن نبي السعودة الجديد تكون قائمة على الجودة وليس العدد، اقصد جودة الوظيفة

كيف؟
نحسب ان هذي الشركة تسوي سعودة او ما تسوي بناء على:
- كم سعودي وظفوا
- كم رواتبهم
- كم المدة اللي جلس فيها السعودي عندهم
- كم سعودي تمت ترقيته لمناصب افضل
- كم سعودي تحول الى مدير

لا يمكن ان نعتبر ان الشركة عندها سعودة حقيقية الا لو عندها كل هالامور، اما نظام جب اي واحد وعطه شوية فلوس لازم توقف

4: توفير خدمات للخريجين خلال 6 شهور من تخرجهم، فيجب انه خلال ستة اشهر يحصل الخريج على واحد من اثنين

إما وظيفة، او برنامج تدريبي تدفعه شركه وتصير الوزارة تتواصل مع الشركة عن هالطالب بينما هو يتدرب ليه يجهز

5: خطة انتقال استراتيجي للوظائف القديمة الى الجيل الجديد، او من الاجانب للسعوديين

بالذات في وظائف زي الهندسة والمقاولات والمحاسبة والبرمجة والوظايف الصحية والطيران والخدمات اللوجستية والسياحة ووو الخ من الوظايف اللي تحتاج مهارات صعبة شوي

يجب على الشركات انها تجعل مع كل موظف قديم او اجنبي، موظف جديد سعودي يجلس معه ويتابع ويتعلم معه ..
عندنا يسمونه Shadowing وقد سويته انا بشركة امريكية وشركة كندية يعني اشتغل مع واحد فاهم وبس اتفرج عليه وش يسوي ويدربني

بعد سنة او سنتين من التدريب هذا، يجب على الشركة أن:
- تعطي هالوظيفة للسعودي المتدرب هذا
- تعطي سبب حقيقي وحساس ليه ما تبي توظفه
وبكذا نكسر سالفة ما عندنا ناس عندهم خبرات

6: تعديل الخطأ اللي سويناه من ايام الملك خالد ..
يجب على الشركات الان وحالًا بالًا تربط رواتبها بتكلفة المعيشة في الرياض وجده وغيرها من المدن ..
الشركة اللي ما تقدر توفر رواتب يستحقها السعودي خلوها تسكر وش نبي فيها اذا تاخذ من خيرات البلد ولا تقدم شي؟

7: تدعم المعاهد المهنية
لازم انا نخلق طبقة اجتماعية جديدة بما ان الطبقة الوسطى قاعده تختفي، وهالطبقة الوسطى نبيها زي اللي في امريكا طبقة من العاملية في الوظايف المهنية

حنا بالسعودية مليانين عندنا اللي معهم بكاللوريوس ودكتوراه وغيره، لكن اللي نحتاجه فعلا مهارات تخلينا بلد صناعي ..
ولذلك يجب دعم المعاهد المدنية ببرامج واضحة تشبه اللي شرحتها فوق، وهدفها تخريج:

فنيّين، كهربائيين، صناعيين، ميكانيكيين، عمال مقاولات وحفر وماشابه، ممرضين، الخ الخ الخ
وهذي البرامج لازم تكون منتهية بالتوظيف ما تكون بس شكل

بكذا؟ حنا استبدلنا حتى الاجانب اللي يعملون بالوظايف الصناعية مهو بس الاجانب حقين الشركات الكبيرة

8 وأخيرًا:
لازم لازم لازم نوقف الخطأ التاريخي الغبي اللي خلانا نسوي كل شيء في مدينة الرياض

يجب انا نوزع الوظايف بين الرياض وحدة والدمام ونجران ووعرعر وغيرها، وهالشي سهل ويكون عن طريق برامج حكومية تعمل مع الشركات الكبيرة عشان تسوي مكاتب ومصانع في مدن ثانية غير الرياض

هذي حلولي وسلامتكم وعذرًا على الكلام الكثير

وكالعادة اعذروني لو فيه اخطاء املائية والله متعاجز اقرا كل هالكلام الطويل واعدل الأخطاء لكن زي ما عودتكم انا اكتب وانا منسدح دايم واخطي بالكتابة كثير هههههه

[Eng|Ahmed Asiri➰ @Ah_Engi]

هل هذه الرسالة صحيحة هل فعلا بدأت وزراة الموارد البشرية نجاح باكتشاف الخلل

إذا كان فعلا نهنيكم

@HRSD_SA

[محمد ال …….. @6jBx8]

علّم غيرك🇸🇦 🚨🚨🚨

الان الأف السعوديين قدمو شكوى الى خادم الحرمين الشريفين و ولي العهد اطال الله في اعمارهم على موقع الديوان الملكي، بدلاً من الاكتفاء فقط على السوشل ميديا ونطلب من كل مواطن شريف بِرفع صوته معنا #هالمره_غير

#نطالب_الأولويه_لتوظيف_السعوديون

[صوت الـجزيرة @soutaljazeera]

#توطين_الوظائف

🔴من الخاص| دكتورة سعودية:

والله انها ضاقت علينا».. تمييز واضح ضد السعوديين في قسم الأشعة بمستشفى الحبيب (@HMG) فرع #الريان يـ #الرياض

رئيس القسم: يمني
مسؤول الموظفين: أردني
مساعدة مسؤول الموظفين: يمنية

رغم توجيهات وزارة #الموارد_البشرية الصريحة بأن رئيس القسم يجب أن يكون سعوديًا، إلا أن القسم مليء بالرؤساء الأجانب، ولا يوجد سعودي واحد في هذه المناصب.

الوضع الآن أصبح مرعبًا:
تجديد عقود الأجانب وتمديدها
إنهاء عقود السعوديين بدون سبب مقنع (تم إنهاء عقد 3 سعوديين حتى الآن)
النقص الشديد في الموظفين، لكنهم يفضلون إبعاد السعوديين!

والأسوأ:
المسؤول الأردني لا يلتزم بالدوام، يحضر دقائق معدودة أو يغيب أيامًا، يمنح الأجانب كل التسهيلات والتقييمات العالية، بينما السعوديون يُعاقبون ويُفصلون.

يا وزارة الموارد البشرية..
يا وزارة #الصحة..
هذا القسم يدار بعنصرية واضحة ضد أبناء الوطن رغم كثرة الخريجين السعوديين العاطلين في تخصص الأشعة.

#مجموعة_د_سليمان_الحبيب_الطبية
#القطاعات_المحتكرة_للاجانب