لميس✨

Site Engineer👷🏻‍♀️,
Sales Representative 🎯,
Super Mom 👩🏻‍🍼

[لميس✨ @LamesHesham]

❤ https://t.co/cDVxb9gXFy

[المُصْحَف @AlMosahf]

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ

[لميس✨ @LamesHesham]

معنديش مشكله ان يكون اللغه الاساسيه في الحضانه هي الانجليزي علشان احنا هوبا هاي و كلاس و عايشين فى ايجيبت
بس يعني ايه اسألك في دين او تحفيظ قرآن تقوليلي اه بياخدوا كلاس عربي!!

[لميس✨ @LamesHesham]

حصل معايا موقف امبارح من واحده قليلة الذوق و لحد من ساعتين كنت متضايقه علشان شايفه اني مش باعرف اتعامل مع الشخصيات دي ،بأسكت و اتجاهلها و خلاص لكن اكتشفت انه ده أصح تعامل مع النوعيه دي لأني مش قليلة الذوق زيها علشان اعاملها بأسلوبها، ولا هأقبل حد يعاملني أقل مما ��ستحق 🤷🏻‍♀️

[لميس✨ @LamesHesham]

كان بقالي يومين عندي اكتئاب بس ثانكس جاد روحت الچيم النهارده

[لميس✨ @LamesHesham]

يعني انتي بتعامليني معامله ف منتهى قلة الذوق و مش طايقاني من قبل ما نتقابل اصلا و بتضايقي لو كنت كلمت خطيبك اللي هو صاحبنا بقاله سنين و رايحه تكلمي جوزي و تهزري معاه و انا مش موجوده!
يا بجاحتك

[لميس✨ @LamesHesham]

جروب العماره عندنا نرجسي بشكل مش طبيعي
مثلاً واحد داخل يسأل عن المايه قاطعه
" مساء الخير يا جماعه هل المايه قاطعه؟ لواء خالد"
يرد عليه واحد تاني " مساء النور يا فندم اه قاطعه،، دكتور عماد"
و مش فاهمه هل لو مكتبوش وظيفتهم و اسمهم المعلومه مش هتوصل يعني ولا مالهم بجد 😂😂

[لميس✨ @LamesHesham]

روحت حنة صاحبتي اتعرفت على حماتها و بقينا صحاب قبل ما امشي 🤝🏻😂

[لميس✨ @LamesHesham]

عندي فستان سواريه ميرميد كنت شارياه من ١١ سنه و جيس وات؟
رجع موضه السنادي و لسه مقاسي عادي بعد الحمل و الرضاعه 💃🏻💃🏻

[لميس✨ @LamesHesham]

متخرجه من هندسه من عشر سنين و اشتغلت و شطبت شقق و ڤلل و مولات و جوزي جاي يقولي "هشوف السباك هيقول ايه" 🙂🙂🙂🙂

[لميس✨ @LamesHesham]

اكيد ابليس هو اللي مصمم فاشون الس��اريه ربيع/ صيف ٢٠٢٦

[لميس✨ @LamesHesham]

*قررت مش هنضف للعيد ده*
غسلت المرتبه و المخدات امبارح بالليل و دلوقتي بغسل السجاده و كلهم قهر 🙂

[لميس✨ @LamesHesham]

غسلت البطانيه امبارح بالليل و نشفت النهارده الصبح و حاسه اهتمامي بالارصاد مخليني اشطر ست بيت 😌

[لميس✨ @LamesHesham]

الكهربا قطعت و دخلت انام ف بحط الموبايل فى الشاحن و مستغربه مش بيشحن ليه و حاجه فى منتهى الغباء 😂😂

[لميس✨ @LamesHesham]

بحمر السجق ف زيت زيتون و حاسه ان مفيش بجاحه اكتر من كده

[لميس✨ @LamesHesham]

الحاله الوحيده اللي ممكن يتقالي فيها "مدام" و احس اني مبسوطه هي لما اسمعها من الناني

[لميس✨ @LamesHesham]

السوشيال ميديا او الفيسبوك تحديداً جايبلي اكتئاب داخلي غير معلن لدرجة اني شوفت اول سطرين من بوست طويل فيه صورة شخص عادي مش مشهور ف عقلي الباطن افترض ان البوست ده عن متحرش او قاتل رغم اني لما قريت البوست طلع عن دكتور بيشكر فى الراجل اللي ف الصوره و انه قد ايه شخص محترم و مجتهد

[لميس✨ @LamesHesham]

الحمدلله جوزي جابلي بيچامة العيد ❤️🙂

[لميس✨ @LamesHesham]

مش قادره ابقى أم النهارده

[لميس✨ @LamesHesham]

هو كل ما حد ��يشوف وشي هيقولي انتي عندك انيميا!

[لميس✨ @LamesHesham]

صباح الخير
اللهم إني صائمة

[لميس✨ @LamesHesham]

رغم ان بطاقتي بقت من ايچيبت بس حقيقي مش قادره اتخطى ramdan planners اللي مكتوبه بالانجليزي دي!
يعني احنا الحمدلله مسلمين و مصريين و دي لشهر رمضان و بتحفز عالعبادات لييييه بالانجليزي!!!!
مش هدفع فيهم جنيه بجد مع ان اشكالهم تحفاااه 😭