Ministry of Local Government_Buganda

Official page for the Ministry of Local Government @BugandaOfficial

[Ministry of Local Government_Buganda @LocalGovt_Bug]

Emizannyo gy'Eggombolola mu Masaza ga Buganda zigenda kutongozebwa ku Lwomukaaga luno mu Ssaza Buweekula mu kisaawe e Kasana - Mubende.

Omwaka guno essira ligenda kuteekebwa ku mizannyo esatu; Omupiira ogw'ebigere, Okubaka, n'Omweso.

#GgombololaCup2026

[Buganda Kingdom @BugandaKingdom_]

Abaami b'eggombolola baluŋŋamizidwa ku nkola y'emirimu

Minisita wa Gavumenti ez'Ebitundu mu Buganda Owek. Joseph Kawuki asisinkanye abaami ba Kabaka mu masaza; Gomba, Busujju, Mawokota ne Butambala mu kwongera okubalambika ku nkola y'emirimu, enteekateeka eno ebadde ku mbuga y'Essaza Gomba.

Minisita Kawuki alaze nti mu nteekateeka ya gavumenti ez'ebitundu waliwo ekiruubirirwa ky'okwongera okukuza n'okunyweza obukulembeze okusobola okunnyikiza enkola y'emirimu wamu n'empeereza esinga naddala mu ggombolola ng'akikaatiriza nti abaami ab'eggombolola be basinga okutuuka obuteerevu ku bantu ba Kabaka kale nga okunyweza enkola ezo zonna kyetaagisa okuzukusa abaami abo.

Ebisingawo 👇
https://t.co/tbo7MvJYvl

[Charles Peter Mayiga @cpmayiga]

Leero nkedde ku ssomero, Kids and Love Daycare and Kindergarten - Bwebajja, okwetaba ku mukolo abaana nga boolesa ebitone byabwe eby'enjawulo ng'essomero likomekkereza olusoma lw'omwaka guno.

[Buganda Kingdom @BugandaKingdom_]

#LuwaloLwaffe2025: Abantu ba Kabaka okuva mu masaza; Busujju, Kyaggwe, Bugerere ne Kyaddondo- eggombolola Mumyuka Kamengo, Mut. VII Kawolo, Mumyuka Maanyi, Ssaabaddu Malangala, Ssaabawaali Butayunja, Ssaabagabo Kakindu ne Ssaabagabo Lufuka bakiise embuga.

Minisita @KazibweIsrael y'aliwo ku lwa Katikkiro okutikkula oluwalo ate Minisita Choltilda Nakate Kikomeko akiikiridde Minisita wa Gavumenti ez’Ebitundu mu Buganda Owek. @JosephKawuki_.

#BugandaKuNtikko

[Charles Peter Mayiga @cpmayiga]

Nga 8/10/1962, Omulangira wa Bungereza Edward (Duke of Kent), yajja mu Bulange n'asisinkana Ssekabaka Muteesa II okuddiza Buganda obwetwaze bwayo olwo ne Uganda eyawamu n'eweebwa obwetwaze enkeera nga 9.

Leero mu kujjukira emyaka 63, tukuzizza olunaku lwa Bulungibwansi ne Gavumenti ez'Ebitundu mu Buganda ku Mbuga y'Eggombolola Musaale Busukuma.

Abazungu okujja kuno baasanga Buganda erina obukulembeze obulambukufu nga enkola ng'eno eya Bulungibwansi zituukuumira wamu era nga twekulaakulanya. Okwolesebwa kwaffe okw'okuzza Buganda ku ntikko kwe kuzza ekitiibwa kya Buganda mwe yalabirwanga era Federo tukyagala na kati.

[Ministry of Local Government_Buganda @LocalGovt_Bug]

Leero tukuza olunaku lwa Gavumenti ez'Ebitundu mu Buganda nga tujjukira n'emyaka 63 nga Buganda eddiziddwa obwetwaze.

Katikkiro @Cpmayiga atongozza mayiro ya Bulungibwansi mu ggombolola ya Musaale Busukuma bw'atuuse okwetaba ku mukolo gw'okujaguza olunaku luno.

[Charles Peter Mayiga @cpmayiga]

Mwebale nnyo Bannabusujju okujjumbira #EmmwanyiTerimba

Okugoba obwavu, buli muntu ateekwa okumanya wakwata; obulimi, obulunzi, obweggassi, obusuubuzi, obusomesa, amakolero n'emirimu emirala.

Kyokka mu byonna bye tukola, tukulembeze obuyiiya, obwerufu, okukola n'okwagala, obumalirivu olwo tufulumye eby'omutindo!

[Charles Peter Mayiga @cpmayiga]

Tutuuse mirembe okuva e Dubai mu UAE gye tubadde ku bugenyi obw'ennaku 5, twagguddewo Ttabamiruka wa Buganda Bumu mu Buwalabu, tusobodde okulambula ebifo eby'enjawulo n'okusisinkana abakulembeze ab'enkizo mu Nsi eyo era tusuubira ebibala bingi

Byonna byatambudde bulungi, kyokka twasanze embeera ya bannaffe naddala abaana abawala abayisibwa mu mbeera ennyigiriza obulamu bwabwe omuli n'abakozesebwa obwamalaaya!

Ebikolwa bino tubivumirira era nsabye Omubaka wa Kabaka mu Nsi eyo okulondoola embeera eno n'abakulembeze abalala abavunanyizibwa wabeewo ekikolebwa okukomya ebikolwa nga bino.

Ffenna tusaana okubeera mu Nsi eno nga tugyeyagaliramu awatali kunyigirizibwa.

[Buganda Kingdom @BugandaKingdom_]

Enkya ya leero, abantu ba Kabaka bakiise Embuga mu nkola ya #LuwaloLwaffe

Ssaza Mawokota; Ssaabaddu Kituntu, Ssaabawaali Nkozi ne Mut. II Kirengente
Ssaza Busiro; Ssaabawaali Kasanje ne Ssaabagabo Nsangi
Buddu; Ssaabawaali Bukoto
Kyaddondo; Mut. IV Mukulu wa Kibuga Mengo Lubaga
Essaza Rocky Mountains USA

Owek. @KazibweIsrael y'akiikiridde Katikkiro mu kutikkula oluwalo leero

[Charles Peter Mayiga @cpmayiga]

Ntongozza ttabamiruka wa Buganda Bumu mu Buwalabu asookedde ddala ku Sheraton Creek Hotel mu Dubai.

Tukubiriza abantu baffe abali mu Buwalabu okukoppayo ebintu eby'enkizo ebiyambye abaayo okwekulaakulanya nabo babisse mu nkola kibayambe okugenda mu maaso. Tubakubiriza n'okugoberera amateeka ag'eyo gye bali baleme kusiiga kifaananyi kibi ku ggwanga lyabwe ekiyinza okufiiriza abalala omukisa okugenda okukolerayo.

Nneebaza bonna abakoze enteekateeka ennungi okulaba nti ttabamiruka ono atambula bulungi.
#BBAAC2025

[Buganda Kingdom @BugandaKingdom_]

Katikkiro Charles Peter Mayiga leero atikkula oluwalo okuva mu masaza; Buweekula, Kyaggwe, Butambala, Buddu ne Kyaggwe.

Amasaza gano gakiikiriddwa eggombolola Mumyuka Bagezza, Musaale Nagojje, Ssaabaddu Ngando, Ssaabawaali Bulo, Mut. VIII Kasaali wamu n'ekitongole ky'abakyala okuva mu ssaza Kyaggwe.

#LuwaloLwaffe2025 #BugandaKuNtikko

[Buganda Kingdom @BugandaKingdom_]

Katikkiro @cpmayiga ayolekedde ggwanga lya America okwetaba mu lukuŋŋaana lwa Buganda Bumu North American Convention #BBNAC2025

Katikkiro ayogeddeko eri Bannamawulire n'ategeeza nti ekibatwala ekikulu kukumaakuma bantu ba Kabaka abali ebweru wa Buganda.

https://t.co/9Moj0OUUmJ

[Buganda Kingdom @BugandaKingdom_]

Kulika Kulika Ayi Mpologoma ya Buganda okutuuka ku lunaku luno olw'ekkula ery'emyaka 70. Katonda Yeebale🙏

Yuguuma Yuguuma Ayi Ssaabasajja Kabaka!
#KabakaMutebiAt70

[Joseph Kawuki @JosephKawuki_]

Nsisinkanye Abaami ba Kabaka ku mitendera gyonna ab'e Ssaza Kooki, n'embalambika ku ntambuza y’emirimu.Ku mukolo gwe gumu olukiiko olukulembeze olw'e Ssaza wamu n'omumyuka owokubiri ow'omukwanaganya w'emirimu gya Ssaabasajja mu Ssaza Kooki,bakubye ebirayiro eby'obuweereza mu bifo

[Ministry of Culture, Tourism, Palaces & Security @Buganda_Culture]

Olukiiko lw'ekitongole ky'obuwangwa n'obulambuzi mu Kyaddondo lutongozeddwa.

Omumyuka Owookubiri owa Kaggo Dr. Fiona Kalinda ng'atongoza olukiiko luno asabye abaweereddwa obuvunaanyizibwa abakulirwa Dr. Zaitun Baboolamwavu, okutuukiriza obulungi ebibasuubirwamu.

[Buganda Kingdom @BugandaKingdom_]

Abantu ba Kabaka Balabuddwa ku kwonoona obutondebwensi.

Minisita Israel Kazibwe Kitooke yakoze okulabula kuno bw'abadde atikkula oluwalo okuva mu Bannakyaggwe, Bannabulemeezi ne Bannabuddu abakiise Embuga olwaleero. #LuwaloLwaffe2025
Ebisingawo 👇
https://t.co/Z0uToZXpyv

[Ministry of Local Government_Buganda @LocalGovt_Bug]

Empaka za Kayima Cup zitongozebwa leero.
Eggombolola ez’enjawulo za kubbinkana mu mupiira gw'ebigere, okubaka, omweso, amaato, emirala

Omwami w'Essaza, Owek. Sarah Nannono Kaweesi akubirizza Abaami b'Egombolola okukunga abantu beeyiwe mu bungi ku bisaawe.
#GgombololaCompetitions

[Ministry of Local Government_Buganda @LocalGovt_Bug]

Wategedde amawulire Agafa mu Ssaza lyo...?

#ManyaEssazaLyo #Gambuuze

[Buganda Kingdom @BugandaKingdom_]

Tulina ensonga eziwerako okwenyumiriza n'okujaganya olw'emyaka 70 egya Kabaka Ronald Muwenda Mutebi II.

#KabakaMutebiAt70 | #KabakaWange

[Buganda Kingdom @BugandaKingdom_]

Entebya y'Oluwalo 2024 egenda kwanjulwa enkya ya leero #Luwalo2024