بقالي كذا سنة قافل على نفسي تريندات مصر عموما .. معظم الاشياء والاحداث اللي بتتشهر في مصر انا اما بعرف عنها متاخر اسبوعين تلاتة او مبعرفش عنها اصلا .. الموضوع كان مريح للاعصاب لغاية ما اكتشفت مؤخرا اني لما قفلت على نفسي انا منعتني كمان من حاجات حلوة على رأسها محمد عبدالعاطي مع كامل احتياطي .. البرنامج جميل وعبدالعاطي نفسه كوميديان جبار، الضيوف معظمهم عسل بس عبدالعاطي نفسه مستوى تاني .. حبيت بس اوصل تحياتي
مواقف صلاح الفعلية طول تاريخه متقولش إنه الشخص العاقل الهادي اللي مبيدخلش في مشاكل. كل ما يتقعد دكة أو يتغير تقوم أزمة: مع كلوب، ومع سلوت، وآخرها مع حسام حسن بعد تغييره قدام أنجولا. أيوه يا جماعة، صلاح قماص وعايز كلامه يمشي على أي حد و هو اللي ممشي حسام حسن
خدني علي قد عقلي يا كابتن، سردك للقصه عكس استنتاجك!! مع الاحتفاظ بالالقاب انا هاني ابو ريده و مش ناوي امشي حسام و عشان كده سافرت لصلاح عشان الطف الدنيا، اتفاجئت بصلاح بيقولي انا مش هنضم للمنتخب طول مالراجل ده مدرب ( حركه بتحصل من لعيبه كبيره كتير اخ��هم كورتوا مع بلجيكا ) فرجعت مشيته قبل اعلان القايمه بيوم، مشاكل حسام الشخصيه شئ متداول من قبل ما هاني يسافر لصلاح و مفيش شئ جديد حصل و الراجل في تركيا
الكلام كله حلو ، لحد الحته بتاعت ان لو ابو ريده في نيته يشيل حسام مكنش هيروح لصلاح و هو فعلا مكنش في نيته و مفيش شئ جديد حصل و ابو ريده عند صلاح تخليه لما يرجع من هناك يمشيه غير انه صلاح قاله انا مش هنضم للمنتخب طول ما حسام حسن مدرب، حركه لعيبه كتير بتعملها اخرها كورتوا بعد كاس العالم
يا راجل ده انت لو بتحب الزمالك ربع ما انت بتقول تقدم استقالتك دلوقتي حالا بعد الاداء الهزيل اللي قدمته قدام فرقه درجه تالته و تسيب الجمهور يشوف حكايه المجلس المتأمر اللي ماسكنا ده
#الزمالك
بيــــان 🔴📝
يؤكد الاتحاد المصري لكرة القدم أن مصلحة المنتخب الوطني الأول واستقراره، تأتي على رأس أولوياته، باعتباره ممثلاً للكرة المصرية وطموحات جماهيرها.
وفي ضوء ما أثير مؤخراً من أحداث، فإن المرحلة الحالية تتطلب قدراً كبيراً من المسئولية والهدوء والتكاتف، بعيداً عن أي تصعيد أو انفعال قد يؤثر على تركيز المنتخب واستعداده للاستحقاقات المقبلة.
ويهيب الاتحاد بجميع وسائل الإعلام والجماهير المصرية، دعم المنتخب الوطني والالتفاف حوله، بما يحقق تطلعات جماهير الكرة المصرية.