مشـاعل

[مشـاعل @Mashaeel__7]

🤍 الحمدلله دائماً وابداً 🤍

[مشـاعل @Mashaeel__7]

أملك عزوم أكبر من التدوين
وأملك شعور أرهف من النسناس

طبيعة من الله وورث .. وجين
جنبي متين وخاطري حسّاس

ولي نظرة تقول الرجال اثنين
على ردى .. والا على نوماس

[مشـاعل @Mashaeel__7]

الشدايد لعبة كبار الاشدّه
والزمن فتاك والغافل يعاني

لو تهادى بين لين وبين شدّه
ما لراعي الوجه الابيض وجه ثاني

[مشـاعل @Mashaeel__7]

مـا تـسولت السـعـادة من أحـد
ولا لأحد منّه على بسمة شـفـاي

إن تعبت السبـت بـطيب الأحـد
وإن بكيت اليوم يوم السعد جاي

مـا كرهت إنسـان لو جار وجحد
هقـوتي ما تبعد أكثر من غطـاي

ولا رجـيت إلا رضـا الفـرد الأحـد
في رضـاه إليا رضـى عني رضــاي

[مشـاعل @Mashaeel__7]

عزمي قوي ولا شيٍ يبيده
لو طام سيلن ماحرك مكاني

مركاي عزِّي لاشدت الشديده
وأذري بصبري لا عسّر زماني

[مشـاعل @Mashaeel__7]

الحياه اصل المشقات و الدنيا ممر
تعطي الانسان ليله ، و ليله تحرمه

لو تعيش بدون ما تذوّقك دنياك مر
وقتها بيمرك الحلو ، ما تستطعمه

[مشـاعل @Mashaeel__7]

صبرٍ بلا شكوى وصفحٍ بلا عتاب
وهجرٍ بدون إظهار عيبٍ ونميمة

ماني بمُلزم في بعض شرح الأسباب
ما دامت النيّة .. بخير وسليمة

[مشـاعل @Mashaeel__7]

ارتوي من عز نفسي وإنفرادي
ولا سألت الغيم عن برق ورعد

غيمتي راسي .. ومرباعي فؤادي
وما يقل الفيض لو طال الأمد

رافعً قدري عن قصار الأيادي
فوق عرشٍ مايطوله اي احد

[مشـاعل @Mashaeel__7]

أحب أفرق بزحمة الأربعين وأكره التقليد
وأحب أختار ما يبطون خلق الله عن سومـه

عسى من ميز القرآن على الإنجيل بالتجويد
يقدر لي من أحلام الطموح أقدار مقسومـة

ويعيشني على الطاعة وياخذني على التوحيد
ويجعلني من اللي عقب موته تذكر سلومـه

[مشـاعل @Mashaeel__7]

اللهم قدّر لي الخير حيث كان .. ثم إرضني به 🤍

[مشـاعل @Mashaeel__7]

من شاف قلبه .. للعزيز متوجّه
يموت من ��ونه ترا العز وقفات

الوقت ماكدّر غديري و رجّه
و العزم عزم اللي يشيل الثقيلات

الضعف مالي فيه و الذل امجّه
الناس مثل البحر و الصدق منجات

[مشـاعل @Mashaeel__7]

مابين الصعب وبين الخوف .. و التجريب
أحاول ما اميل بيوم .. ولا تتشرد افكاري

انا يارب ما ادري وش اللي ينكتب بـ الغيب
ولكن رحمتك اكبر من اللي فيه انا داري

[مشـاعل @Mashaeel__7]

الطموح اللي وصلت آخر مطافه
بسمته خجله ، وطعناته نديّه

والجروح اللي تهوّنها المسافه
حبّبتني في الدروب السرمديّه

التردد ما وراه إلّا الحسافه
والتمادي ما وراه إلّا الخطيّه

[مشـاعل @Mashaeel__7]

وقد فوضت للرحمن أمري
فليس سِواه بالخيرات آتٍ

[مشـاعل @Mashaeel__7]

ما تبين غلاها والوله والهيام
ينبت الشوق مسك في سراجيفها

أكرم المترفات اشحهم بالسلام
ينكسر طرفها ويزيد تشريفها

♡ ♡ ♡ ♡

[مشـاعل @Mashaeel__7]

إرفع جروحك عن نصـال الخناجـر
نـزفك عزيز ومثلك النجم لاطـاح !

ولاتنحني للريح والذل فـاجـر
والخـوف سـاس الـذل والغبن ذبـّاح

مادام لك عن خفضة الهـام زاجـر
إمّا إنكـسـر ولا تعدّاك الاريـاح

ولا من رمـى صبحك عباة الديـاجر
ثم إنتهض .. ما شع بالنور مصبـاح

[مشـاعل @Mashaeel__7]

أدور في زوايا الأمس .. مير الدرب لي مجهول
يطول الصمت في بالي .. وتكبر بي متاهاتي

سألت الليل عن همّي .. ومن اللي بالوجع مسؤول
أنا الجاني ؟ والا الوقت ؟ والا كذب هقواتي

تعبت أكتب .. وضاعت من يديني حلول
وعلى كثر الوعي .. صارت جنازة صمتي أبياتي

[مشـاعل @Mashaeel__7]

نداريّ تقلاب الزمان و الزمن دوار
يغير مضامين النفوس ومشاعرها

صبرنا عليها والصبر للحليم إشعار
تجينا الأمور الكايدة .. و إنتصاغرها

نعز النفوس وما إشتكينا من الأقدار
لو أن العـرب سلّت علينا خناجرها

[مشـاعل @Mashaeel__7]

لا جيت اعاتب بالهوى واتشرّه
و لارحت اباخذ بالغيابات ثاري

لله .. درّ الصمت .. لله .. درّه
مابه حسايف لو جروحه ضواري

لاضيقةٍ تكسف عيون المسرّة
ولا عتيمٍ تقتفيه المساري

قلبي لا هو بارد ولا فيه حرّة
وبالي خليّ من العَسس والطواري

هذي سواحل راكد الدمع مُرّه
يوم اجحفت في حقّ اهلها العباري

تسري رجاوينا على حين غرّة
والحرّ مايبلش بصيد الحباري