منصور بخيت

[منصور بخيت @MB4HM]

صباح الشوق ياغروًا صباحه عيد
تـرا شمس النهار اليوم مكفوله

يكفي طلتك ياسيد كل …. الغيد
ضياء وجهك يريح العين مفعوله

✍🏻

#عيد_الأضحى_المبارك

[منصور بخيت @MB4HM]

لو اني عايش الغربه , اشوفك دار يا داري
اوضح لك معاناتي , وصمتي طالت أبراجه

✍����

[منصور بخيت @MB4HM]

بـحر الغرام اللي يروع محيطه
دخلت به هايم على شان لاماك

عذابي انك في فجوج البسيطه
لاهي و قلبي يحتري يوم لقياك

منصور بخيت✍🏻

[منصور بخيت @MB4HM]

سيفـًا على كل المعادين مشهور
قد سله اللي صح ربي …. يمينه

شيخـًا له العالم تواليه بالدور
مايلتفت للي وراهم … ضغينه

فالمرجلة حاكم وفالطيب دستور
شيخـًا من الحكمة يندّي جبينه

اليا رضى تزخر بساتين و زهور
واليا زعل ترخص لفعله ثمينه

منصور بخيت✍🏻
#محمد_��ن_زايد
@MohamedBinZayed

[منصور بخيت @MB4HM]

🇦🇪🙏🏼

[فارس عوض @farisf9]

مبروك يا أكثر جمهور يستحق الاحتفال ❤️🇦🇪

[منصور بخيت @MB4HM]

أشرقت شمس المحبة بالتلاقي
و ابتدا صبحًا على عمري يديد

و انتهى ليلاً عقب طول الفراقي
وانفتح لك باب ياعذب القصيد

مرحبا بك عد ما زاد اشتياقي
وعد طيرًا ناح بغصون الجريد

جيت تبغي شوفتي ولا عناقي
عادني شامخ على العليا وحيد

✍🏻

[منصور بخيت @MB4HM]

اقـرا علي الفاتحه و التحيات
يالغايب الي غاب عني حضوره

ما مت في حبك سوا عشر مرات
فيها عرفت الموت صوتًا وصوره

ان عاشت الذكرى معَ كل لحظات
عادي تشوف القلب فاقد شعوره

في شرعك الحييّن تبكيهم اموات
ارحم ترا نفسك علينا … جسوره

اكتب عليك ابيات و اعدل ابيات
لين انثنى حبري ومالت سطوره

قبل انتواجه عند رب السماوات
ودي معاك العمر اقضي زهوره

تعال في قلبي من الشوق غارات
الوقت يمضي بين دوره و دوره

هيهات في غيرك ألاقيك هيهات
بين النجوم البدر يفرق ظهوره

✍🏻

[منصور بخيت @MB4HM]

هذا الزعيم الشهم والفارس الطود
هذا الحشيم اللي على نهج زايد

هذا العديم اللي على فعله شهود
كم طاع له ف المعسرة شي كايد

قاد الصعايب كلها سيدي قود
فالغرب ولا الشرق بالخير صايد

بشتة ذرى لقلوب وشعوب وحدود
بالمرجلة قايد وبالطيب قايد

@MohamedBinZayed

[منصور بخيت @MB4HM]

(صلاة الفجر يا راغبين الجنة)

[منصور بخيت @MB4HM]

اللهم صّلِ وسَلّمْ عَلۓِ نَبِيْنَا مُحَمد ﷺ

[منصور بخيت @MB4HM]

#الحمدلله

[منصور بخيت @MB4HM]

فاضت خواطرنا مثل فيضة الدمع
من محجر اللي تدرك الناس همه

مايطفي اللهفة ولا يشعل الشمع
الا وليفً يحتري منك ……. ضمه

✍🏻

[منصور بخيت @MB4HM]

يالشرق الاوسط شيخنا يعَدل الدرب
لاحدًا يحاتي كان كَـثر الصياحي

ان كانها في درع او سلم او حرب
ياقف لها عند الشدايد …. فلاحي

ليث العرين الي من المرجله شرب
حامي دياره مـن جميع النواحي

يبشر بنا من فوقهن سرب ع سرب
الكل تحت امره رهين ومتاحي

✍🏻

#محمد_بن_زايد
#الامارات

[منصور بخيت @MB4HM]

العواطف تجبر العاشق يذوب
في هوا مغليه محد ن يمنعه

من يطيع العقل ويرد القلوب
والله ان بكره يحول مدمعه

هيه يالـفتان يالظبي اللعوب
دربك انته صعب غيري يتبعه

ماحسبت الوقت وطوال الدروب
لاشتياقي عزم و انته منبعه

الشمالي سنته غير الجنوب
والجنوبي فالهوا وش يدفعه

لاغدا فالحب غالب وامغلوب
عزته بالنفس دايم ترفعه

✍🏻

[منصور بخيت @MB4HM]

من يلوم الغصن لا منه ذبل؟
او يرد الحق لأصحاب الغصون

ما بعد شوفك و لا غيرك قبل
غير بسمة فاضحه وسط العيون

استمد الشـوق و امد الحبل
للوصال الي على شانك يكون

لو يضيق الدرب وتضيق السبل
��لبروق تلوح في كبد المزون

✍🏻

[منصور بخيت @MB4HM]

العقلية الهجومية الألمانية لا يجيدها سوى (فليك)

شكرا لك ي الالماني🇩🇪😎
#ElClasico

[منصور بخيت @MB4HM]

فيسكا برسا♥️💙

[منصور بخيت @MB4HM]

من كثر ماني في غرامك صاير ً يدا قنوع
بعت الثمينه يوم عينك بالخطا لديتها

[منصور بخيت @MB4HM]

لبيه ياصوتً له اسماعي جياع
وله يستمع قلبي وعقلي وروحي

و له مرحبا تطلع من افواه واظلاع
وله تنكتب الابيات من صدق بوحي

لا من دعاني صار في قلبي اقلاع
يوحي له الخاطر والاسماع توحي

✍🏻

[منصور بخيت @MB4HM]

الفارس اللي ماعجب عينه السوق
يعسف الاصيل النادرة كان حامت

اي والله اني صامت وعندي حقوق
لاكن ترا الاشواق ماهيب صامـت

مرة أهنيها على ……. قمة الذوق
و مره تسامرني و انا اقول نامـت

لاهـنت ياللي بايـقً خافقي بـوق
كل المشاعر لأجلك اليوم قامت

ترا السكوت يعلمك كثرة الشوق
ما هو يـبـيّن حـزني لكل شامـت

يفـز قـلبي لك مـع كـل طـاروق
لين المشاعر كلها فيك هامـت

حتى عيوني دمعها جـرّح الموق
وتلومني عن شوفتك ليه صامت

صار النظر في غيبتك يلحقه عوق
مالوم عـيني يومـها فيـك لامـت

✍🏻