🌸سیدہ 🌸

شکوہ بھی کیا کرتے،
ہم کہاں کے سچے تھے..!!

[🌸سیدہ 🌸 @meerUbatool]

اللہ نے انسان کو آزاد پیدا کیا ہے۔ ہم انسانوں کو کبھی کسی دوسرے کا غلام نہیں بننا چاہیے۔ نہ محبت میں، نہ مجبوری میں ✨

حالم

[قرآن اردو | Quran @QuranAasan]

اور اپنے رَبّ کا صبح و شام ذکر کیا کرو، اپنے دِل میں بھی، عاجزی اور خوف کے (جذبات کے) ساتھ، اور زبان سے بھی، آواز بہت بلند کئے بغیر! اور اُن لوگوں میں شامل نہ ہوجانا جو غفلت میں پڑے ہوئے ہیں۔

﴿سورۃ الاعراف، ۲۰۵﴾

[اردو ورثہ @UrduVirsa]

بہت عجیب ہے یہ قربتوں کی دُوری بھی
وہ میرے ساتھ رہا اور مجھے کبھی نہ ملا

بشیر بدر

[Savera. @hawyyyStarss]

سات کے سات بھرے رنگ تری آنکھوں میں
ورنہ تصویر تو دو تین سے بن سکتی تھی

تم نے مانگی ہی نہیں ساتھ دعائیں میرے
بات بگڑی ہوئی آمین سے بن سکتی تھی

[اردو ورثہ @UrduVirsa]

”میں نے اس طور سے چاہا تجھے اکثر جاناں“

محسن نقوی کی یہ خوبصورت نظم محبت کی شدت، خلوص اور جدائی کے کرب کی نہایت خوبصورت عکاسی کرتی ہے۔
شاعر اپنی محبت کو فطرت کی مثالوں سے بیان کرتا ہے اور بتاتا ہے کہ اس نے محبوب کو دنیا سے ہٹ کر چاہا۔

ایک بار ضرور پڑھیں

”میں نے اس طور سے چاہا تجھے اکثر جاناں“

میں نے اس طور سے چاہا تجھے اکثر جاناں
جیسے ماہتاب کو بے انت سمندر چاہے
جیسے سورج کی کرن سیپ کے دل میں اترے
جیسے خوشبو کو ہوا رنگ سے ہٹ کر چاہے

جیسے پتھر کے کلیجے سے کرن پھوٹتی ہے
جیسے غنچے کھلے موسم سے حنا مانگتے ہیں
جیسے خوابوں میں خیالوں کی کماں ٹوٹتی ہے
جیسے بارش کی دعا آبلہ پا مانگتے ہیں

میرا ہر خواب مرے سچ کی گواہی دے گا
وسعتِ دید نے تجھ سے تری خواہش کی ہے
میری سوچوں میں کبھی دیکھ سراپا اپنا
میں نے دنیا سے الگ تیری پرستش کی ہے

خواہشِ دید کا موسم کبھی ہلکا جو ہوا
نوچ ڈالی ہیں زمانوں کی نقابیں میں نے
تیری پلکوں پہ اترتی ہوئی صبحوں کے لئے
توڑ ڈالی ہیں ستاروں کی طنابیں میں نے

میں نے چاہا کہ ترے حسن کی گلنار فضا
میری غزلوں کی قطاروں سے دہکتی جائے
میں نے چاہا کہ مرے فن کے گلستاں کی بہار
تیری آنکھوں کے گلابوں سے مہکتی جائے

طے تو یہ تھا کہ سجاتا رہے لفظوں کے کنول
میرے خاموش خیالوں مین تکلم تیرا
رقص کرتا رہے ، بھرتا رہے خوشبو کا خمار
میری خواہش کے جزیروں میں تبسم تیرا

تو مگر اجنبی ماحول کی پروردہ کرن
میری بجھتی ہوئی راتوں کو سحر کر نہ سکی
تیری سانسوں میں مسیحائی تھی لیکن تو بھی
چارۂ زخمِ غمِ دیدۂ تر کر نہ سکی

تجھ کو احساس ہی کب ہے کہ کسی درد کا داغ
آنکھ سے دل میں اتر جائے تو کیا ہوتا ہے
تو کہ سیماب طبیعت ہے تجھے کیا معلوم
موسمِ ہجر ٹھہر جائے تو کیا ہوتا ہے

تو نے اس موڑ پہ توڑا ہے تعلق کہ جہاں
دیکھ سکتا نہیں کوئی بھی پلٹ کر جاناں
اب یہ عالم ہے کہ آنکھیں جو کھلیں گی اپنی
یاد آئے گا تری دید کا منظر جاناں

مجھ سے مانگے گا ترے عہدِ محبت کا حساب
تیرے ہجراں کا دہکتا ہوا محشر جاناں
یوں مرے دل کے برابر ترا غم آیا ہے
جیسے شیشے کے مقابل کوئی پتھر جاناں !

محسن نقوی

[The Awazaar Sain @adeelzsiddiqui]

ضبط کر اے دلِ مجرُوح کہ اِس دُنیا میں
کون سا دل ہدفِ گردشِ ایٌام نہیں
غمِ محبوب و غمِ دہر و غمِ جاں کی قسم
ایسے غم بھی ہیں یہاں جن کا کوئی نام نہیں

محسن بھوپالی

[Siddique Jan @SdqJaan]

میں نے تخمینہ لگایا ہے کہ تُو میرا ہے۔۔۔
تُو نہیں بھی ہے تو تخمینہ لگا رہنے دے!

[Fawad Shafiq ツ @fadiiisays]

اب عمر، نہ موسم، نہ وە رستے کہ وە پلٹے
اس دل کی مگر خام خیالی نہیں جاتی

وصیؔ شاہ

[Fawad Shafiq ツ @fadiiisays]

اور پھر چھوڑ گیا وہ جو کہا کرتا تھا
کون بدبخت تجھے چھوڑ کے جا سکتا ہے

ڈاکٹر ساجد رحیم

[Fawad Shafiq ツ @fadiiisays]

مِلنا تھا ایک بار اُسے پھر کہیں مُنیرؔ
ایسا میں چاہتا تھا پر ایسا نہیں ہوا

منیر نیازی

[پیارے آقا ﷺ کی باتیں @AaqaSAWWkiBaten]

رسول اللہ صلی اللہ علیہ وسلم نے فرمایا:

جس نے رمضا ن کے روزے رکھے ۔ پھر اس کے بعد شوال کے چھ روزے رکھے تو یہ (پوراسال) مسلسل روزے رکھنے کی طرح ہے ۔

(صحیح مسلم،۲۷۵۸)

[Tariq Zaman Malik @TZM_Zamzama]

امیر خسروؒ نے خواجہ نظام الدین اولیاؒ سے پوچھا،
"محبت میں مصیبتیں کیوں آتی ہیں؟"

نظام الدین اولیاؒ نے جواب دیا،
"تاکہ کوئی کم ظرف اس کا دعویٰ نہ کر سکے "

[قرآن اردو | Quran @QuranAasan]

اور جس بات کا تمہیں یقین نہ ہو، (اُسے سچ سمجھ کر) اُس کے پیچھے مت پڑو ۔ یقین رکھو کہ کان، آنکھ ��ور دِل سب کے بارے میں (تم سے) سوال ہوگا۔

﴿سورۃ الاسراء، ۳۶﴾

[اردو ورثہ @UrduVirsa]

نیندوں میں پِھر رہا ہُوں اُسے ڈھونڈھتا ہُوا
شامل جو ایک خواب میرے رتجگے میں تھا

احمّد مشتاق

[inkmourn @_warishaaa__]

ہزار خوش ہُوں مگر ربط ہے اُداسی سے
کہ جیسے قبر پہ اک پھول رکھ دیا جائے

[Fawad Shafiq ツ @fadiiisays]

ایک ہی شخص پہ ہر بار لُٹایا دل کو
ایک ہی دل سے کئی بار محبت کی ہے

قمر گورمانی

[پیارے آقا ﷺ کی باتیں @AaqaSAWWkiBaten]

نبی اکرم صلی اللہ علیہ وآلہ وسلم نے فرمایا:

کھجور مومن کی کتنی اچھی سحری ہے ۔

(سنن ابو داؤد ، ۲۳۴۵)

[قرآن اردو | Quran @QuranAasan]

قسم ہے انجیر اور زیتون کی،اور صحرائے سینا کے پہاڑ طور کی،اور اس امن و امان والے شہر کی،کہ ہم نے انسان کو بہترین سانچے میں ڈھال کر پیدا کیا ہے،

﴿سورۃ التین ، ۱-۴﴾

[Fawad Shafiq ツ @fadiiisays]

ایک آواز کی دُوری پہ کھڑا ہے کوئی
ایک آواز کی دُوری بھی بہت ہوتی ہے

میثم عباس

[Fawad Shafiq ツ @fadiiisays]

یہ بھی اک ذہنی اذیت ہے مسافر کو اگر
گھر پہنچ کر بھی یہ لگتا ہے کہ گھر جانا ہے

نادیہ گیلانی

[Fawad Shafiq ツ @fadiiisays]

اک روز کوئی آئے گا لے کر کے فرصتیں
اک روز ہم کہیں گے ضرورت نہیں رہی

عائشہ شفق