🧚🏻‍♂️ᴬ

ماجينا لـ " تويتر " ندور علاقات جينا لجل نطلق سراح المواجع ♡︎

[🧚🏻‍♂️ᴬ @Miss86A]

سوف يأتي يوم لن اكون معكم وسوف تدخلون هنا لتقرؤوا ماكتبت فإن وجدتم مايؤجرني انشروه وان وجدتم ما يؤثمني اتركوه .

[🧚🏻‍♂️ᴬ @Miss86A]

في قلبها .. عزة طويلين الأعمار
ما علمت مخلوق وش في صدرها

حرّه .. وماتقبل بخانات الخيار
الأوله بكل شيء حتى بصبرها

هي عذرها ماهي تدقق ف��لصغار
لا سولفو عن صمتها ذا عذرها

وش ��ه تحجمهم و تخليهم كبار
لا عذربوا فيها وهي عارفه قدرها

[🧚🏻‍♂️ᴬ @Miss86A]

الحنين اللي على وجهك عن الخذلان خبّه
خلنا مابين لوعة شوق .. وشفاقة رسالة

الحطب لا طاح من عقب العتب لازم نشبّه
يا أصدق أجوبْة الوجود أن كان حاير في سؤاله

ووجهك اللي في رفوف الذاكره والله لا أحبّه
لو رضيت أو مارضيت أوعدك أحبه لا محاله .

[🧚🏻‍♂️ᴬ @Miss86A]

كنت غالي وكان لك مقام وقدر
و كنت هاقي فيك ف اليوم العسّر

كنت أشوفك وسط هالظلمه نهار
وكنت أظن وصار ظني مايسر

جيت أمررها كأن ما شي صار
لكن قسم بالله عيَّت لا تمر

ايه متشرّه وشرهاتي كبار
شرهة الغالي على الغالي ب عمر

[🧚🏻‍♂️ᴬ @Miss86A]

من ليلة البارح وهاجوسي نديم
جفني غفى ساعة وفكري ماغفى

ياللي تفكون الغريم من الغريم
من ياخذ بثار الوصال من الجفى؟

[🧚🏻‍♂️ᴬ @Miss86A]

عرضو صدري نسانيس المهب الحدري
لي ثلاث شهور ابيّن عبرتي واخفيها

ضايقٍ صدري و انا ما هو يوسع صدري
كون شوف الصورة اللي غايبٍ غاليها

والله ان الحٌب بدري و المفارق بدري
حاجة يبطي وجعها في صدر راعيّها

[🧚🏻‍♂️ᴬ @Miss86A]

الطيب جمّع ناس ،، لا عرق فيها
والحقد فرق ناس من صلب جدان

عمر الردايا ،،، ما تمثل ذويها
وال��يّبين اخوان لو ماهم اخوان

[🧚🏻‍♂️ᴬ @Miss86A]

وحتى الليل بعد اني عرفت ان السواد يسيل
تماكنت وحبسته / عن جميع الناس في صدري

[🧚🏻‍♂️ᴬ @Miss86A]

خطاك السوء / يا قلب الشقيّ مدري خطاك الليل
امانتك النهار اللي بقى لي منك في صدري

عليّ ليلين /.. ليل ٍ يرتعد من شعلة القنديل
و ليل ٍ لو تصب الشمس فوقه ما نوى يسري

هنيّ الناس ب الليل القصير / اليا جفاه سهيل
أشيل من الليالي ثلثها / .. و��لناس ما تدري

[🧚🏻‍♂️ᴬ @Miss86A]

معاميلي نست جمري / وفوح الماء / وريح الهيل
مع اني في حشاي أركيت خفاقي على جمري

عزايه للوجار اللي من اول فيه حط وشيل
انا / ماني على خبر الوجار / ولا على خبري

يساومني على طبعي يحسب اني غديت بخيل
انا اللي قد دفعت لعين محبوبي / ذهب عمري

[🧚🏻‍♂️ᴬ @Miss86A]

أنا المخطي وأنا المذنب وأنا الأسف وأنا الغلطان
وأنا النادم على فعلي وعلى نفسي أنا الجاني

وأنا التايه وأنا الضايع وأنا في دنيتي خسران
تعبت وشانت أخلاقي وصرت إنسان وحداني

[🧚🏻‍♂️ᴬ @Miss86A]

تلاشى .. ما دام إن التلاشي هو آخر حلّ
وجودك ما عاد يفيد . . وغيابك إلزامي

فقدتك . . بما فيه الكفاية حبيب وخلّ
وأخذت أغلب آمالي معك وآغلب احلامي

[🧚🏻‍♂️ᴬ @Miss86A]

أكرام للماضي وتكفير للجاي
زرني ولو من ضمَن الأحلام مره

راحت حياتي في مواعيد رجواي
العمر يمضي والجوارح تشره

ماغير احسّب في غيابك خطاياي
وأسدل عليك ستار عذري واجرّه

وين انت يا رجوى حياتي ومشهاي
عساك في عيشٍ يسير و مسّره

[🧚🏻‍♂️ᴬ @Miss86A]

خلك على وضعك ومعا الايام بتشوف
انك خسرت من ��اع حياته من شانك

هقيت انك من فراقي على حالي بتروف
لكنك قاسي شعور وخذاك عنادك

يا ناكر العشره ويا خاين المعروف
ربك حسيبك وعند ربي حسابك .

[🧚🏻‍♂️ᴬ @Miss86A]

وواجد اللي ينكرون وواجد اللي طاحوا
ولانشدنا ناكر المعروف وش لون انكر

نتجمل فـ العرب ونصد لامن راحوا
صدة المتشدد اللي شايفٍ له منكر

[🧚🏻‍♂️ᴬ @Miss86A]

يا رب تاهت خطوتي يا رب عشت بإغتراب
مستوحشٍ وسط الوطن بين الجماعة والأهل

يا رب لو قفل بوجهي باب بعد ألفين باب
عن قومةٍ تشفي غليل العز والله ما أمتهل

يا ربي لبرق الأماني دايم أحث الركاب
مستأمل إني لا نحرته من غديره بنتهل

[🧚🏻‍♂️ᴬ @Miss86A]

تعبت اركض ورى ظلي اخبي وجهي المقهور
تميل ال��مس عن متني… ولا لي بميلها فيَّة..!

[🧚🏻‍♂️ᴬ @Miss86A]

ليت القدر لاجمع النّاس بالناس
جمع قلوب الناس كلً .. وطبعه

مايستوي الألماس في جنبه .. نحاس
ولا يروي الصافي سوى عذب .. نبعه

[🧚🏻‍♂️ᴬ @Miss86A]

أعتقد إني وصلت لنهايه الطريق
من/
«تعال اليوم ، والأعذار كلها مقبوله
خطاك مسموح كنه زلَّة أخواني»

و وصلت لخطوه أقول فيها /
«كل ما بغيت أسامحك ينتخي بي
جرحٍ يلوذ في وجه الكرامه و أعيّي»