Mohamed Abdullahi Farah

State Minister of Energy and Water Resources of the Federal Government of Somalia.

[Mohamed Abdullahi Farah @Moha_Abdullahi1]

Waxaan bogaadinayaa go’aannada iyo warmurtiyeedka ka soo baxay shirkii ay isugu yimaadeen Beesha Habargidir ee uu gogoshiisa dhigay Ugaas Xasan. Go’aannadaasi waxay xoojinayaan nabadda, wadajirka, dib-u-heshiisiinta iyo qabsoomida doorasho loo dhanyahay.

[Mohamed Abdullahi Farah @Moha_Abdullahi1]

Hambalyo Hogaamiyaha cusub ee loo doortay Maamul Goboleedka Koofur galbeed Soomaaliya Mudane Shiikh Aadan Maxamed Nuur (Madoobe).

[Mohamed Abdullahi Farah @Moha_Abdullahi1]

Hambalyo 15-ka May dhammaan dhalinyarada Soomaaliyeed, munaasabadda maalinta dhalinyarada Soomaaliyeed iyo aas-aaskii SYL. Waa maalin astaan u ah halgan, waddaniyad, iyo midnimo. Waxaan dhalinyarada ku dhiirrigelinayaa inay door wanaagsan ka qaataan horumarka dalka.

[Mohamed Abdullahi Farah @Moha_Abdullahi1]

Hambalyo Wasaaradda Tamarta iyo Kheyraadka Biyaha xarig-jarkii iyo furitaankii cusub ee dhowaan la qabtay. Waxaan u rajeynayaa inay noqoto xarun horseedda horumar, adeeg hufan, iyo shaqo wax ku ool ah oo shacabka Soomaaliyeed anfaca.

[Mohamed Abdullahi Farah @Moha_Abdullahi1]

Waxaan ka qeyb galay kalmad koobana ka jeediyay kulan loogu gogol xaarayay isu-gurmad iyo baraarujin bulsho, kaas oo diiradda lagu saarayay taakuleynta dadka iyo xoolaha ku waxyeelloobay abaarta ka taagan meelo ka mid ah dhulka Galmudug iyo Hiiraan.

Iyadoo aan ku jirno bisha barakaysan ee Ramadaan oo ah bil naxariis, sadaqo iyo is-gargaar waxaa inagu waajib ah in aan u istaagno gurmadka walaalaheenna, una fidinno gargaar degdeg ah inta aan awoodno.

Aan mideyno dadaalkeenna si aan u badbaadino nolosha dadkeenna iyo duunyadooda.

[Mohamed Abdullahi Farah @Moha_Abdullahi1]

Maanta waxaan si rasmi ah u daah-furay ceel-biyood cusub oo Wasaaradda Tamarta iyo Kheyraadka Biyaha ka hirgelisay deegaanka Daboyodley, oo qiyaastii 30km u jira magaalada Matabaan ee Gobolka Hiiraan. Ceelkan wuxuu wax weyn ka tari doonaa yareynta biyo-la’aantii ka jirtay deegaanka, isagoo siinaya biyo nadiif ah boqolaal qoys. Waxaan uga mahadcelinayaa UNICEF doorkii ay ka qaadatay hirgelinta mashruucan, waxaana naga go’an sii horumarinta adeegyada biyaha ee bulshada. 💧

[Mohamed Abdullahi Farah @Moha_Abdullahi1]

Waxaan si rasmi ah u xarig jaray ceel-biyood cusub oo laga hirgeliyay deegaanka Xuunshaaloow, una jira qiyaastii 40km magaalada Dhuusamareeb.

Ceelkan wuxuu wax weyn ka tari doonaa biyo-la’aantii ka jirtay deegaanka, isaga oo daboolaya baahida biyo nadiif ah ee boqolaal qoys.

Waxaan uga mahadcelinayaa hay’adaha UNICEF iyo USAID doorkii ay ka qaateen hirgelinta mashruucan.

[Mohamed Abdullahi Farah @Moha_Abdullahi1]

Adhicadeeye

[Mohamed Abdullahi Farah @Moha_Abdullahi1]

Laascaanood – Waqooyi Bari Soomaaliya

Ugu horrayn, waxaan si qoto dheer ugu mahadcelinayaa dhammaan hay’adihii amniga, guddiyadii qabanqaabada iyo guud ahaan shacabka deegaanka, kuwaas oo door muuqda ka qaatay in xafladdu ku qabsoonto jawi nabadeed, deggenaan buuxda leh iyo kala dambeyn sare. Tani waxay muujisay bisayl siyaasadeed, karti hoggaamineed iyo mas’uuliyad wadareed ku dayasho mudan.

Sidoo kale, waxaan u mahadcelinayaa Madaxda Qaranka ee Jamhuuriyadda Federaalka Soomaaliya oo uu ugu horeeyo madxweyne Xasan Shiikh Maxamuud iyo Ra'isul wasaare Xamze Cabdi Barre kuwaas oo ka soo qaybgalay xafladda, taas oo caddeyn u ah taageeradooda, hagar la’aantooda iyo ka go’naanshahooda horumarinta nidaamka federaalka iyo dowlad-dhiska dalka.

Waxaan adkeeynayaa muhiimadda ay leedahay xoojinta midnimada qaranka, ilaalinta wadajirka ummadda Soomaaliyeed iyo ka shaqeynta danaha guud ee dalka.

Xafladda caleemasaarka hogaanka Waqooyi Bari Soomaaliya waxay noqotay fursad lagu muujiyay in kala duwanaanshaha maamulada uusan wiiqayn midnimada qaranka, balse uu xoojin karo haddii si masuuliyad leh loo maareeyo.

Ugu dambayn, waxaan kula dardaarmayaa Hoggaanka cusub in ay mudnaanta siiyaan nabadda, caddaaladda, wada-tashiga iyo horumarinta adeegyada aasaasiga ah ee bulshada, isla markaana ay si dhow ula shaqeeyaan Dowladda Federaalka Soomaaliya iyo hay’adaha kale ee qaranka.

Gabagabadii, waxaan mar kale hambalyo iyo bogaadin u dirayaa Hoggaanka cusub iyo shacabka Waqooyi Bari Soomaaliya, anigoo u rajeynayaa in hoggaanka cusub uu horseedi doono nabad waarta, horumar loo dhan yahay iyo mustaqbal ifaya oo ay wadaagaan dhammaan shacabka Waqoori Bari soomaaliya iyo guud ahaan shacabka soomaaliyeed.

[Mohamed Abdullahi Farah @Moha_Abdullahi1]

La-kulanka Garaadada Waqooyi Bari State Soomaaliya — wada-tashi qoto dheer oo ku saabsan nabadda, midnimada, iyo mustaqbalka horumarineed ee bulshada Waqooyi Bari state.

[Mohamed Abdullahi Farah @Moha_Abdullahi1]

Wada-tashi iyo is-xogwareysi, lajirka Garaad Jaamac Garaad Cali.

[Mohamed Abdullahi Farah @Moha_Abdullahi1]

Laascaanood: Xafladda caleema-saarka Hoggaanka cusub — Midnimo, rajo iyo Horumar.

[Mohamed Abdullahi Farah @Moha_Abdullahi1]

Qof kasta oo Soomaaliyeed waxaa ka saaran waajib qaran difaaca midnimada, madaxbannaanida, iyo jiritaanka Jamhuuriyadda Federaalka Soomaaliya, ha ahaato mid dhuleed ama mid badeed.

Waajibkani ma aha mid ku eg dowladda oo keliya, balse waa masuuliyad wadajir ah oo saaran dhammaan shacabka Soomaaliyeed meel kasta oo ay joogaan.

Soomaaliya waa dal madax-bannaan oo leh qaranimo buuxda, kuna dhisan midnimo, sharciyad caalami ah, iyo ixtiraamka xuduudaha la aqoonsan yahay.

Dowladda Jamhuuriyadda Federaalka Soomaaliya waxay mar walba u taagan tahay ilaalinta midnimada dalka, difaaca madax-bannaanida, iyo ka hortagga tallaabo kasta oo dhaawac ku ah jiritaanka iyo wadajirka ummadda Soomaaliyeed.

Arrintani waa mowqif qaran oo mideysan, kana tarjumaya rabitaanka iyo danaha shacabka Soomaaliyeed.

[Mohamed Abdullahi Farah @Moha_Abdullahi1]

Maanta waxaan ka qeyb galay doorashada golaha deegaanka Gobolka Banaadir anigoo dhiibtay codkeyga.

Codkaaga ha dayicin, mustaqbalkaga ayuu dhisaya, Maanta cod, berri horumar.

Doorashadu ma aha daawasho ee waa ka-qaybgal, Codee maanta.

[Mohamed Abdullahi Farah @Moha_Abdullahi1]

𝗚𝗮𝗮𝗹𝗸𝗮𝗰𝘆𝗼, 𝟮𝟮 𝗡𝗼𝘃𝗲𝗺𝗯𝗲𝗿 𝟮𝟬𝟮𝟱

Waxaan si rasmi ah u daah-furay wareejinta goobta koronto-dhalinta ee shirkadda GECO ee magaalada Gaalkacyo, taas oo qayb ka ah mashruuca Dib-u-Kabashadda Korontada Soomaaliya (SESRP) ee Bangiga Adduunka maalgeliyo.

Mashruucan waa mid qaran oo ka socda guud ahaan dalka, isla markaana si isku mid ah uga hirgelaya labada daraf ee magaalada Gaalkacyo, wuxuuna sidoo kale muhiim u yahay dib-u-habeynta iyo casriyeynta adeegga korontada dalka.

Daah-furka waxaa ka qayb galay masuuliyiin ka socday maamulka degmada Gaalkacyo, gobolka Mudug, wasiiro ka socday dowlad-Goboleedka Galmudug oo uu ugu horeeyo Wasiirka Tamarta iyo Khayraadka Biyaha Galmudug, iyo masuuliyiin kale oo ka tirsan Dowladda Federaalka Soomaaliya.

Waxaan halkaas ku soo bandhignay qorshaha dhismaha saldhigga tamarta qorraxda ee Gaalkacyo, kaas oo kor u qaadi doona tayada iyo joogtaynta korontada, kordhina doona helitaankeeda, isla markaana yareyn doona qiimaha ay bulshada ku hesho.

Dowladda Federaalka Soomaaliya, iyada oo kaashaneysa Dowlad-Goboleedyada iyo Bangiga Adduunka, waxa si buuxda uga go’an in la dardargeliyo dadaallada dib-u-habeynta waaxda korontada dalka.

Ugu dambeyn, waxaan si rasmi ah ugu wareejiyay goobta koronto-dhalinta shirkadda ku guuleysatay qandaraaska, anigoo kula dardaarmay inay si hufan u gutaan waajibaadkooda, kuna dhammeeyaan shaqooyinka muddada heshiiska qandaraaska ku xusan, si shacabka Gaalkacyo ay uga faa’iideystaan mashruucan muhiimka ah.

[Mohamed Abdullahi Farah @Moha_Abdullahi1]

Waxaan hambalyo iyo bogaadin u dirayaa dhammaan saraakiisha, saraakiil-xigeennada, dableyda iyo hawl-wadeennada kala duwan ee Ciidanka Booliiska Soomaaliyeed, munaasabadda qiimaha leh ee 82-aad ee ka soo wareegtay aasaaskooda (20 Diseembar).

Ciidanka Booliisku waa tiirka amniga, sharciga iyo kala dambeynta bulshada, waxayna si naf-huris iyo geesinimo leh u gudanayaan waajibaadkooda qaran ee ah ilaalinta nolosha, hantida iyo karaamada muwaadiniinta.

Waxaan u rajeynayaa Ciidanka Booliiska Soomaaliyeed horumar, tababar joogto ah, qalabeyn casri ah iyo guulo waara.

[Mohamed Abdullahi Farah @Moha_Abdullahi1]

Anaga oo ka mid ah Golaha Wasiirrada XFS, waxaan ololaha wacyigelinta ka qeybgalka doorashooyinka golaha deegaanka ee dhawaan qabsoomi doona ka sameynay degmooyinka Warta Nabada, Howlwadaag iyo Deyniile.

Ololahan wuxuu diiradda saaray muhiimadda qaadashada kaarka codbixinta si muwaadiniintu uga qeybqaataan doorasho hufan oo daah-furan.

Muwaadin ka qeybgalkaaga waa mas’uuliyad qaran.

https://t.co/fAFy6NOFPK

[Mohamed Abdullahi Farah @Moha_Abdullahi1]

Anaga oo ka mid ah Golaha Wasiirrada XFS, waxaan ololaha wacyigelinta ka qeybgalka doorashooyinka golaha deegaanka ee dhawaan qabsoomi doona ka sameynay degmooyinka Warta Nabada, Howlwadaag iyo Deyniile.

Ololahan wuxuu diiradda saaray muhiimadda qaadashada kaarka codbixinta si muwaadiniintu uga qeybqaataan doorasho hufan oo daah-furan.

Muwaadin ka qeybgalkaaga waa mas’uuliyad qaran.

[Mohamed Abdullahi Farah @Moha_Abdullahi1]

إنا لله وإنا إليه راجعون.
Tacsi tiiraanyo leh ayaan u dirayaa ehelka iyo ummadda Soomaaliyeed geerida 𝐔𝐠𝐚𝐚𝐬 𝐂𝐚𝐛𝐝𝐮𝐥𝐥𝐚𝐚𝐡𝐢 𝐔𝐠𝐚𝐚𝐬 𝐅𝐚𝐚𝐫𝐚𝐱. Ilaahay ha u naxariisto, jannada Firdowsana ha ka waraabiyo.
Aamiin.