معترض الصراحة
انا شايف ان الانعاش انك تعمل أعمال تخلى الناس تحب تشوفها ف السينيما او ف وقت عرضها و تحب تدعمها لو على منصة
يعنى مثلا الفيل الأزرق الجزء الثالث انا واثق انه هيبدأ بداية قوية ف شباك التذاكر و لو طلع حلو هيعمل رقم قياسى
فالبداية من صناع الأعمال مش من الجمهور -رأيى-
حل واحد لوحده قادر على إنقاذ وإنعاش وازدهار صناعة السينما والتليفزيون في مصر.
قفل وحجب IPTV واجراءات حقيقية لمحاربة القرصنة في مصر.
ده لوحده بس هيضاعف بأضعاف مبيعات تذاكر السينما، وعدد المشتركين على المنصات.
طب والغلابة؟ ساعتها هتقدر المنصات - المصرية ويمكن الإقليمية كمان- تنزل سعر الاشتراك بسهولة، لحد ما يبقى في سعر ساندويتشين فول.
ويمكن بالتبعية تتفتح سينمات أكثر بأسعار تذاكر أقل في أماكن مافيهاش سينمات أصلا.
ده هيخلي أفلام أكثر تتعمل، المنتجين يكسبوا أكثر، والمنصات تنتج وتشتري أعمال أكثر، فرص عمل أكثر، الدولة تحصل ضرايب أكثر، وفرص تصدير الأفلام برا تكبر.
قرار محاربة القرصنة مش مشكلة تقنية بالمرة، حلولها موجودة ومعروف بالأسماء من القادر عليها، هي يا إما عدم اهتمام او إهمال أو سبب ثاني له أبعاد مش معلنة.
لو الفنانين والمنتجين محتاجين ينقذوا صناعتهم ويحموا أكل عيشهم أعتقد ديه أول خطوة محتاجين يتكاتفوا وراها، في رأيي ديه أولوية أولى وفي أهمية حق الأداء العلني وحق المنتج في تقليل التكاليف.
هل من مستجيب؟
خلونا بعيداً عن كل شئ ماننكرش ان هاني ابو ريدة هو أصيع (أخبث) شخص اشتغل في المجال الرياضي في مصر يمكن على مدار التاريخ!
الراجل نفذ اللي بيخططله من اول يوم رجع فيه الاتحاد واستغل نقط ضعف الطرفين ومشى حسام حسن من غير اسمه مايتذكر ولبسها كلها على بعضها كدا لصلاح وخلى القضية كلها عايمة في الخناقة المشهورة بتاعت "مع او ضد صلاح"
ومش بس كدا، لا دا بمنتهى الخباثة اللي في الدنيا راح جاب اكتر جهاز فني في مصر مالوش اي ظهير جماهيري يذكر عشان يكون مشيانه بعد كدا أسهل من انك تشد شع��اية من حتة عجين!
وخلونا برضو نفتكر نقطة بسيطة كدا مش بعيدة قوي عن السياق،
وهي ان جود مدير فني مصري لمنتخب مصر الأول بيضيع على الاتحاد اكبر سبوبة ك��نت بتتعمل زمان مع المدرب الأجنبي ونصباية العقود والدولارات اياها.
الكلام على هاني ابو ريدة وشلته محتاج مجلدات والله، ازاي الراجل دا بمنتهى الصمت وعدم تصدر المشهد ظاهرياً كل السنين دي قدر يوصل للسيطرة والنفوذ دول!
مع تحقيقه الكم دا من الفشل طول تاريخه، شئ عجيب والله ويدعو للتأمل!
@Nsoo7y لو صلاح نزل شكر لكابتن حسام حسن زي ما باقى اللاعيبة عملت ، هتفق معاك بنسبة كبيرة
لكن امبارح منزل صورة مطلع لسانه و منزلش شكر لحسام حسن حتى الآن ، فمعلش هصدق عقلى و نسبة الشك عندى هتبقى عالية و هيبقى عندى حق و مبرر 🤷
أنا عارف إن الكلام ده ممكن يزعل ناس كتير جداً مني لكن أنا بتكلم عن مبدأ عشته واتربيت عليه ومش هغير قناعتي علشان أرضي حد.
كنت أتمنى من محمد صلاح كابتن منتخب مصر أن ينشر بوست تقدير واحترام للأسطورة والكابتن التاريخي حسام حسن.
وأنا هنا مش بتكلم عن مجاملة أو واجب اجتماعي أنا بتكلم عن مبدأ اتعلمته وعشت بيه طوال مشواري الكروي.
على مدار تاريخي كلاعب اتعلمت إنك تحترم كابتنك وتحترم اللي سبقوك وتحترم رموز اللعبة وتاريخها مهما اختلفت معاهم ومهما كانت وجهة نظرك فيهم.
وكان ليا موقف مع الكابتن محمود الجوهري رحمة الله عليه بعد ترحيلي من مالي من قائمة منتخب مصر في كأس الأمم الأفريقية بسبب تاخير عن الميعاد التواجد في الغرفه !
ورغم الموقف الصعب ده ورغم أي اختلاف حصل بيننا عمري في حياتي ما اتكلمت عنه بشكل يقلل منه أو من تاريخه.
لأنه في النهاية أسطورة في عالم التدريب وواحد من أهم الأسماء اللي صنعت ت��ريخ الكرة المصرية وكان من أصحاب الفضل علي بعد ربنا وساندني في أصعب أزماتي.
وده درس عمره ما هيتنسي.
دي مش مسألة اتفاق أو اختلاف ولا مين أكبر من مين ولا مين نجم عالمي ومين أسطورة محلية او افريقيه
دي مسألة أصول ومبادئ وتربية واحترام لتاريخ بلدك ورموزها.
محمد صلاح نجم كبير ونجاحه فخر لمصر لكن كنت أتمنى منه تحديداً بصفته كابتن منتخب مصر أن تكون عنده لفتة تقدير واحترام تجاه حسام حسن.
النجومية مش بس أرقام وألقاب واحتراف عالمي النجومية كمان مواقف وأخلاق وتقدير للناس اللي صنعت تاريخ قبلك.
أنا اتعلمت إنك ممكن تختلف مع أي حد وممكن تختلف معاه في أصعب المواقف لكن عمرك م�� تنسى قيمته ولا تاريخه
أنا مش بقول الكلام ده علشان أكسب إعجاب حد ولا خايف أخسر إعجاب حد دي قناعتي وده المبدأ اللي عشت بيه واللي مش هغيره لا علشان شهرة ولا نجومية ولا حسابات.
بالتوفيق لمنتخب مصر الفتره القادمه 🫶🏽🇪🇬
صحيح ان اقالة حسام حسن دي حاجة فعلاً ما يلومش عليها غير نفسه بعد ما كان بطل شعبي من ٣ شهور.. بس ده مستحيل يغير التاريخ الكروي اللي حققه وهو الأهم بكثير واللي كل الناس مش هتنساه:-
في ٣ سنين وصل نصف نهائي امم أفريقيا + ماتشين البرازيل واسبانيا والوديين + صعود تاريخي لدور ال١٦ في كاس العالم والخروج من الباب الكبير في ملحمة الأرجنتين الأسطورية.
ده الإرث الكروي اللي لازم اشكره عليه وحتى وان كنت من اشد المنتقدين للأداء في كاس الامم وفي كاس ال��الم (لحد ماتش استراليا).. بس فعلاً حسام حسن فرحني كمدرب زي ما فرحني كلاعب ف ٩٨ و٢٠٠٦ 🤍
بس للاسف وكالعادة.. إنجازات كروية خارقة يتم تعكيرها بكلام وخناقات، دايماً بيكون في غنى عنها اصلاً