الحب مش إنك تحبني لما أكون عارف أبهرك ، الحب إنك تفضل تحبني لما أكون باهت وخايف ومتلخبط ، لما أكون محبط ومهزوم ومش مصدق في نفسي ، دا الحب غير كدة شكليات.
تصالحت مع فكرة إني مش هقدر أكون الشخص الوحيد في حياة اللي أعرفهم ومش عيب إني أكون صديق عادي هيبقي فيه أحلي مني وأجدع مني وأفضل م��ي وأهم مني بس كفاية إني أكون شخص سوي مش بيأذي ولا بيضغط علشان الأثر هو اللي بيفضل في القلب وأنا هسعي إني أكون شخص خفيف لما يفتكروه يحسوا بكل شيء جميل
إنتوا في حياتي فترة وهتخلص أيا كانت مدتها هييجي يوم وهتخلص والدنيا هتاخدنا من بعض بس هييجي يوم وأفتكركوا .. ساعتها هفتكر ناس وعيني تدمع وأقول الله يمسيهم بالخير ويوفقهم في حياتهم وهفتكر ناس وهتضايق اني إفتكرتهم.
لما اللي قدامك يتغاضى بلاش تتمادى و ماتسوقش فيها الهبل وتستهين باللي بيعدي المواقف و اللي بيسكت عن الغلط مرة و اتنين و تلاتة و عشرة اللي بيعمل نفسه مش واخد باله بمزاجه لكن وقت اللزوم وقت ما الامور تزيد عن حدها مش هيعمل لحد حساب
لا لغالي ولا رخيص وهيكون على حق .
عارفين الجو بتاع القعدة علي السرير ومسكة الموبايل و الخوف والقلق من المستقبل ومبتكلمش حد وعمال تتنقل من app للتاني وعمال تتفرج علي نفس الحاجات و ولا عارف تنام ولا طايق تقعد اهو ده أنا الفترة دي
في حاجات لما بتتغير مبترجعش زي ان مشاعرك تتغير اتجاه حد ڪانت روحك فيه وڪسر قلبك او زي صاحب عمرك اللي كان زي اخوك واڪتر وفجأة بقا عدوك ولا شڪلك اللي اتغير بسبب حالتك النفسية اللي بقالها فترة ڪبيرة مش مظبوطة في حاجات ڪتير للاسف لما بتتغير بييقا استحالة ترجع تاني زي الاول ..🖤