Nasser AlHamash

مصيرك ذكرى، جمّلها

[Nasser AlHamash @Nasserm009]

بعد الفراق اللي مثل واهج النار
ماعاد لي في باقي الحب عازه

فقدت من يدرى على القلب و يغار
و حبه ورا حدب الضلوع ارتكازه

الحب من فرقاه خليته يسار
و سلمت تسليمة صلاة الجنازة

[Nasser AlHamash @Nasserm009]

من المستحيل انساك وانت الأمل بالذّات
خطيتك تدمح والغلط منك مرجوعي

اشاهدك سبع سنين عندي سبع ساعات
وسبع الدقايق عقبكم عندي اسبوعي

أحبك ولا اسمع فيك عاذل ولا شمّات
واقدرك واعزك ولو انك دلوعي

منامي هني لين اتذكر زمان فات
يبين الشفق وانا عن النوم ممنوعي

[Nasser AlHamash @Nasserm009]

لاخافت النفس من ظلم البشر والسنين
بتعيش في خوفها وتموت في خوفها

ولا صار حلمك كبير وصار عقلك فطين
احسب حساب الليال السود وظروفها

وسوالف الحاقدين وضحكة الشامتين
بتمرها مع مرور الوقت .. وتطوفها

[Nasser AlHamash @Nasserm009]

باختصار انا اختصرت المسافة و انصرفت
تاركً لرضاك عرض البلد و طولها

بكره او بعده تعرف اني اطيب من عرفت
عاد ذاك الوقت مالك لسان تقولها

[Nasser AlHamash @Nasserm009]

من شح باللقمة و انا ميتٍ جوع
لا زان حالي لا يجي بالذبيحة

[Nasser AlHamash @Nasserm009]

حتى لو اني كنت ضمن المصلين
اخاف ما أشوفك في يوم القيامه

[Nasser AlHamash @Nasserm009]

الوصل والشعر فيها والملاقى والرساله
كيف بسلاها وانا امر المكان اللي تمرّه

يوم جتني ماتبي قلبي ولا تنوي وصاله
قلت انا من قبل اعرفك ما عرفت الحب مره

الزمن من دون وصلك ماهي بتمضي لياله
والجفى شرعه محرم والوصل للّه دره

#فيصل_سعود_الدويش

[Nasser AlHamash @Nasserm009]

لاغبت عني دمعة العين تبكيك
وأن جيت يمي خافق القلب حياك

موج البحور ونسمة الليل تغليك
وشلون ما يغليك شخص تمناك

مهما تهب الريح والغيم يخفيك
لابد يوم تشرق الشمس والقاك

[Nasser AlHamash @Nasserm009]

اما عزيمة صبر تضرب بها الأمثال
ولا خلك لدروس الليالي ضحية

[Nasser AlHamash @Nasserm009]

ماشافت عيوني مثل سجة اللي
لا جا يبي يغسل يدينه.. توضّا

[Nasser AlHamash @Nasserm009]

تكفيني المدحة من الوافين و قروم الرجال
ولي الشرف كان المهبّل و الرخوم تذمني

[Nasser AlHamash @Nasserm009]

ان سرك الوقت ياجعله على القوه
وان ضرك الوقت دورني وتلقاني

[Nasser AlHamash @Nasserm009]

يموت الغلا من قلة الوصل و التقدير
مثل موتت المعروف لا صار به منّه

[Nasser AlHamash @Nasserm009]

تقهوى الحديث اللي خذا من القصيد قناد
علامك تكرم وانت توك تقهويته

لو ان الغلا في صبته كان فاض وزاد
مثل يوم قلبي امتلى بك وصكيته

[Nasser AlHamash @Nasserm009]

عزّ ممشاك عن أرض ما تحوفك
ومن يشتري خاطرك أشتريه بعمرك

والجمايل لا عجزت تردها قدّرها
واللي ما يثمر فيه خيرك ذوقه مرك

[Nasser AlHamash @Nasserm009]

أنا ما أرضى المذلة لو أعيش بلا ناس
ومن هان قدري ما عرفني أبد مره

[Nasser AlHamash @Nasserm009]

ان هويت لا تهوى إلا الصعب الثمين
ولا يروي ضماك بير كل عابر ارتوى منّه

[Nasser AlHamash @Nasserm009]

ماني على تقدير الانذال مجبور
العلم واضح و المبادي صريحه

[Nasser AlHamash @Nasserm009]

انا لاسمحت اقفيت واللي وراي اجفاه
اخليه في فاله وانا اروح في فالي

ماكنّي عرفت اسمه ولا عشت انا وياه
و هذا طبعي الأول و��ا طبعي التالي

ومن صد عنه القلب ياسرع ما ننساه
وياسرع ما يصبح خاطري دالهٍ سالي

لقينا عوضنا وانت فينا العوض تلقاه
عسى الله يهنيني مع اللي على بالي

[Nasser AlHamash @Nasserm009]

مادام لي حيلة صبرت و تحملت
و ان قلت الحيلات حيل الله أقوى