ألا يا الله طلبتك طلبة اللي ماعبد الأصنام
ولا يرضى بغير الشرع تحريمه و تحليله
ولا يرفع يديه إلا لعرشك والعباد نيام
ولا صلى لغيرك لا مضى الثلثين من ليله
شهادة لا إله إلا أنت تشهد له على الإسلام
ولا يخفاك تسبيحه و تكبيره و تهليله
يارب العالمين وعندك أرزاق العباد أقسام
يا منجي نوح مخزي من غزا مكة على فيله
ياحيٍ ما يموت ودايمٍ ماغيرك أحدٍ دام
يامحصي ما مضى من جيل واللي عاد من جيله
خلقت الكون كله بأكمله في ستت الأيام
ياذخر العاجز المحتاج لاقلت محاصيله
لحد يزعل منيرا دامني حي
أغليت مغلي منيرا من غلاها
من يرتدي في منيرا مرتدي في
ياكبر حظي يوم حظي قناها
الله يطول عمر من جابها لي
لو اتعبتنا دروبها من فداها
ترا التعب لعيونها مهوب شيء
اكبر مكاسب الدنيا لا كسبت رضاها
كأني ملكت دولة عمان و دبي
ذي منيرا تزها اسمها اللي زهاها
المحبه قبل أعرفك، شي عادي .. وأعتيادي
بس عقبك ! والله انها في نظر عيني عظيمه
ودي أحطك وسط عيني وأغمض لا إرادي
من كثر خوفي عليك من الصواديف .. الأليمه
أعشقك .. وأغليك .. وأميّزك عن كل العبادي
و مستعد أعيش أنا وياك .. في رمله و خيمه
أنت الوطن لا ضاقت الدنيا بعيني وفادي
وأنت الطمأنينه ليا صارت الليالي عتيمه
أراضيها غصب لو خاطري زعلان
وأحايلها وأقبلها وأعانقها
وإذا قالت أنا الغلطان! أنا الغلطان
أكذب كل مافيني وأصدقها
تمنيت انخلق صوتي بدون لسان
ولا قلت الكلام اللي يضايقها