لا ينفعون طبلة.. ولا ينفعون طار 🥁
أتقبل الجغير اللي يطلع من بعض العقليات الفاضية مع كل مباراة للمنتخب، لأن هذولا عايشين على الصياح، وهذا شيء تعودنا عليه
لكن البلا الحقيقي يوم تشوف أغلب إعلامنا الرياضي يصير شغال بنظام «الميول أولًا والمنتخب إذا فضيت»
يا طبول الإعلام وشرذمته..
سالم مستواه نازل وهذا شيء معروف والكل متفق عليه
وشارة القيادة أكبر من أنه يحملها،
بعد هذي حقيقة ما يختلف عليها اثنين
لكن ليه ما عندكم نفس الشجاعة وتنتقدون المدرب اللي خلاه يلعب أساسي؟
ليه ما تنتقدون المدرب اللي عمل 3 تبديلات في الدقيقة 93 ؟
ليه ما ��نتقدون غيره من اللاعبين المتخاذلين؟
ولا هذي الأسئلة ممنوعة لأنها ما تخدم اللي يعبون جيوبكم يا مكاين البيبسي؟
أنتم ما يهمكم المنتخب…
يهمكم تستغلون المنتخب عشان تنثرون سمومكم العفنة في الشارع الرياضي
قبل المباراة نشوف وصلة وطنية وتشدق بالمثالية ومسرحيات ملحمية،
لكن مجرد ما تنتهي المباراة ترجع الميول تحكمكم بكل تغريدة تكتبونها
استبشرنا خير يوم شفناكم لاهين باحتفالاتكم
وقلنا بعدكم عن المنتخب راح يوفر بيئة صحية للاعبين
لكن حسبي الله على قروب ليه ما عزمتوني اللي وقف احتفالاتكم 👎🏼
إذا بتنتقد، انتقد بعدل واحترم مهنيتك يا طبل
وإذا بتطالب بالمحاسبة، ابدأ بالمدرب قبل اللاعب
أما تستغل شعار المنتخب عشان تشبع ميولك..
فهذي قلة مهنية، وقلة احترام للشارع الرياضي
صدق من قال:
بعض إعلامنا ما يلبس ثوب الوطنية إلا وقت الفوز.. وإذا انتهت المباراة رجع يلبس شعار ناديه ويصفي حسابته على حساب المنتخب
وأنت يا الكتكوت الأصفر..🐥
ترانا فاهمين لعبتك زين 😉
انتقادك لسالم ما هو حبًا في علي، ولا حرصًا على المنتخب
هو كرهًا في معاوية، ولو انعكست الأدوار، كان شفتك أول واحد يطبل له يا الصياحة ☺️
احتفلوا يا جماهير الشمس 🌞
اخرجوا براميل الموية واقرعوا الطبول 🥁
استنزفوا محصول القمح واشتروا الكيك 🎂🌾
ارفعوا من سعر الحديد وفصلوا كأس الدوري 🏆
تفننوا باحتفالية «سيييييي»
لا تتوقفوا عن الإحتفال خلونا نقهر هذوليك 😉
#الدارك_ويب_النصراوي