🧟‍♂️

[🧟‍♂️ @ovclI]

لاباس ياراس ملته التفاكير
وعاف المنام وعاف لين الوساده
لابد من عقب المصاعب تياسير
والآدمي يصبر وصبره عباده
نتعب ونقطع بالركاده مشاوير
وسعي الطفاقه غير سعي الركاده
بكره يبين الصبح ويغرد الطير
وامشي مع العالم واوزع سعاده

[🧟‍♂️ @ovclI]

وما للرجا في بعض الأحوال قيمه
ومال العمى صبحٍ ولو بات سهران
لو للزمن .. عن نية الغدر شيمه
ما فرق أحبا��ٍ ولا بعد أوطان
كلٍ خصيم .. وذاق لوعة خصيمه
واللي خصيم الوقت يا بنت خسران

[🧟‍♂️ @ovclI]

ماني ضعيف إيمان لكني انسان
تجرحني الكلمة ويقتلني الظن

قصة مشاعر خلفها الف خذلان
عاشت وكبرت مثل مايكبر السن

انا ضحية صمت في ظلم الأزمان
صابر واقول الجاي يارب احسن

ياكثر شرهاتي علئ ماضي كان
وياكبر هقواتي علئ احلام ماجن

[🧟‍♂️ @ovclI]

اشوف واسمع واجحد السمع والعين
وحط نفسي في محل الغباوه
وان جاتني كلمه تحلل بوجهين
ارد للي قالها بالهداوه
والكلمه اخذها على وجهها الزين
خوف النقاش اللي يسبب عداوه
واصبحت مثل مسدد الدين بالدين
اثره صحيح لكل شي طراوه

[🧟‍♂️ @ovclI]

مشمرٍ ثوبه على حد الأكمام
يشيل فالليل السمرمد سراجه
رغم الحزن رغم الم��سي والآلام
ما زال يتبسم طليقٍ حجاجه
مكتوب حظه قبل يولد بالأقلام
راضٍ بالأقدار دون احتجاجه
اما تزين و ينتهي حزن الأيام
ولا نموت وتنتهي كل حاجة"

[🧟‍♂️ @ovclI]

أنا مقتنع بأن المقادير بـ المقدار
إذا زاد عزم الآدمي زادت الشدّه
تشوف المصايب فوق راس الكبير كبار
لأن الكفو حتى المصيبه على قدّه

[🧟‍♂️ @ovclI]

ظلام الجهالة لو طغى ما يغط النور
وعجاج الضلالة تغسلـه مزنةٍ غرّا
ٰلا ضاع الدليله و اقتدا بالعمي العور
ف لاني على تبع المقفين بمضرّا
ٰعلى سمعةٍ بيضاء وعلى موقفٍ مشهور
بها يامن الخايف و بها تسمن العرّا
بنينا المكارم ثم بنينا عليها سور
عشاشيقها داخل و عواذيلها برّا

[🧟‍♂️ @ovclI]

الارض ماهي ملك ابي والسما ماهي سماي
مير العوج لا اعترض لي عدلت اعواجتـه
افـرده وذوقـه لمستيـن مـن عـصـاي
وادبـه تاديـب طفـل عـلـى دراجـتـه
لين ينسى عناد راسـه ويذكـر مستـواي
ينتبـه والا يسوهـج عـلـى سوهاجـتـه
ابك انا لو اشرب البحـر مايقطـع ظمـاي
وانت مثل الضب يزحف تحـت عجاجتـه

[🧟‍♂️ @ovclI]

يالله يالمبصر وياعالم الغيب
يا من صغار الذر تسمع دبيبه
ياللي تحقق كايدات المطاليب
وفزعتك للمحتاج دايم قريبه
يالله عسى لي في حبالك مقاضيب
وملجاً ليا ضاق المجال التجي به

[🧟‍♂️ @ovclI]

تركت لِرَحْمَةِ الرَّحْمنِ نفسي
فما لي دون رحمته رجاء
انا الإنسان في ظلمي وعجزي
وأنتَ اللهُ تَفْعَلُ ماتشاء

[🧟‍♂️ @ovclI]

اكفني شرك كفى جرح القلوب
رح عسى الله يحرمك لذ المنام
صرت اشوف الغدر مابين الدروب
ياسبب نوحي و حزني و الهيام
ابتدينا و انتهينا يا لعوب
لا تحاول تقنع بحلو الكلام
الله اكبر صرت انا كلي عيوب
عقب قولك مغرم انكرت الغرام
اكتويت بحبك و لازم اتوب
لأجل عينك كم تحملت الملام

[🧟‍♂️ @ovclI]

وإذا الشدائدُ أقبلتْ بجنودِهَا
والدهرُ من بَعد المسرّةِ أوجعَكْ
لا ترجُ شيئًا من أخٍ أو صاحبٍ
أرأيت ظلّك في الظلامِ مشى معَكْ؟
وارفعْ يديكَ إلى السَّماءِ ففوقهَا:
ربٌّ إذا ناديتهُ .. ما ضيَّعَكْ

[🧟‍♂️ @ovclI]

يالله يا اعظم من الاسما واجل من الصفات
يالله يالله يا غفور ويا سميع ويا بصير

يا رب اجرني من عذاب القبر ما بعد الممات
واغفر لابي وابيه واخوانه واجرهم يا مجير

يا ربنا عبدك واشيل من الذنوب الكايدات
ما لاتشيل الارض والدنيا رحاها مستدير

[🧟‍♂️ @ovclI]

جيتك وذنبي حمل وإيماني القوت
في وحشة الدرب القصير وظلامه
عمري تحت امرك مقدر و موقوت
زدني حلاله واغنني عن حرامه
اعوذ بك من كل مرجف و طاغوت
قدري لـ غيرك لا تنزل مقامه

[🧟‍♂️ @ovclI]

يارب وانت اقرب من السمع والصوت
تبصر شعور اللي يخونه كلامه
انت الملك و المُلك لك و الملكوت
الكون كونك وانت محكم نظامه
رب البحر والموج والدر والحوت
والريح ��البر والشجر والغمامه
ما فيه علم من ورا علمك يفوت
و ما فيه أمر الا بيدك زمامه

[🧟‍♂️ @ovclI]

يا رب أنا .. كل ما شعرت الليل في عيني يطول
أطيح و أنا اللي حسبت إني على الظلمة قوي
يا رب أنا .. ما يرتكي عودي على أنصاف الحلول
يا أندفن في الأرض أو فالغيم لكن ما ألتوي

[🧟‍♂️ @ovclI]

أشوف الأحلام ماهي .. تشبه أحلامي
كل ماتخيّلت حلمي ضاق بي صدري
مدري إلى الحين ماجات أجمل أيامي
أو أجمل أيامي مرّتني .. وأنا مدري

[🧟‍♂️ @ovclI]

لا تتلف الروح لاجل الناس ترضيها
وهم ولا يوم سووها على شانك
تسعدك ارواح يمكن .. ماتدانيها
وتجيك الاحزان من ربعك وخلانك
حتى حبايبك .. لا تتعب تداريها
بكره حبايبك بيصيرون عدوانك

[🧟‍♂️ @ovclI]

لاشك ماني من غدر الزمن خايف
أعرف دخولي بعد ماأعرف مطلاعي
لكن الأيام منها خاطري عايف
لو إنها تجربة عمر وتمتاعي
يلوفني عن مقاصد خاطري لايف
وأمشي مع الدرب وعيوني لمرجاعي
لاعاد تنشد عيوني ويش أنا شايف
مافي عيوني يسولف لك عن أوضاعي

[🧟‍♂️ @ovclI]

على طاري العذر ماظن تلقى
مين اللي يقبلك من كبر ذنبك
ولو دمعي رجع للعين يرقى
قسم بالله ما ارجع لقلبك
تعال وشوف بعض اللي اشوفه
تعرف اني على مثلك حسوفه