شامان .

قد راح الي ود عيني به .

[شامان . @Q2deem]

يا قطاة اللي تزبّن كل خايف
لا مشيتي هدّي الخطوه وخفّي

عند زم الصدر وإبراز الردايف
اقبلي في لحظةٍ وحده وقفّي

تنكسر روحي وتاكلها الحسايف
لاتركتي خاطري فيها وشفّي

[شامان . @Q2deem]

يوم طبّت شيخة الغيد لعيون القصيد
صفّقت كل الكفوف لـ سواد عيونها

و أمطرت غرّ القصايد على عاتق و جيد
من تناست ليلة العيد كل طعونها

و أقبلت كنها من الخيل معسوفة عنيد
هقوة الخي��ال فيها تجي من دونها

حوّلت و أحولّت عيون سادات و عبيد
و أنثنت و أثنت على ليلها بردونها

[شامان . @Q2deem]

ليال الصبا ، ومغازلة ، كل تلعا جيد
لها لذة ، فـ بداية العمر ، مرغوبه

تخيرتها واتعبت رجلي بـ طرد الصيد
وخليتها والشوق ماغاب مندوبه

حصيلي من الحب التوجاد والتنهيد
وذكرى الجروح وعالم الفقد ودروبه

انا التايب اللي سامح من غرام الغيد
لكن معك مدري ليه ؟ مافادت التوبه

[شامان . @Q2deem]

حبٍ يجي بعد ال30 يذبحك
بتشيب ما شيّب وبتموت ما مات

يبعثر اوراقك ويخلف ملامحك
ويموتك فـ الثانية عشر مرات

[شامان . @Q2deem]

يا بنت ضميني على روس الانهاد
ضم الجبيرة في يد اللي حزمها

وان كان تبغين الرجا فيّ ينقاد
حمر الشفايف ذوقيني طعمها

[شامان . @Q2deem]

يافديت اللي يسولف ويتغلّا
لين راح الليل جعل امحق عشنّق

وجه حوریه وصدره مابه الّا
نعمةٍ ثوبه عليها ما تبنّق

طلع رمانه ليا قام يتدلّا
وده يدنّق ولا وده يدنّق

لا تخليني ومثلي ما يخلّا
يا دقيق الخصر منتوق المعنّق

[شامان . @Q2deem]

تصدق إني ليا شفت السحاب الثقيل
ما يطري إلا تبسامه .. ليا من ضحك

يا مبري العود ضايمك العدال المهيل
إذا مشيت فضحك و إذا وقفت فضحك

سبحان من حط في عودك كثير و قليل
الردف على سعه و ��لخصر على محك

[شامان . @Q2deem]

حرام ماكنّك من الطين مخلوق
مابه جمال الا وجنبك يهمّش

البارحه دمعي تحدّر من الموق
حتى صفت عينٍ نظرها معمّش

رجع علي قلبٍ من الجوف مسروق
يابو عيونٍ تذبح ، ولا ترمّش

ولّا غديت بضاعةٍ جِلْبت السوق
للمشتري.. واللي مَغير يتطمّش

[شامان . @Q2deem]

مابين ليلٍ فوق الارداف مدلوق
اشرق ضيا خدٍّ من الله منمّش

محّمر كنّه من سنا الشمس محروق
مدري على جمْر الوقايد مْحَمّش

العِنق بين سْخاف الامتان منتوق
عليه عقدٍ ذيهبانه مْقمّش

بشويش لامنّك لبسته ، وبرفوق
خطرٍ على الجيد الحرير يتخمّش

[شامان . @Q2deem]

وعنقك اللي يفوح انسام مسك وعبير
عطريني منه مادام حبُك ضمن

كن في عنقك من الضيق مجرا غدير
وكن في صدرك من الكبر عكت سمن

وخصرك يمر في ازمه و وضعه خطير
حالته حالة المعسر وهو مؤتمن !

[شامان . @Q2deem]

بنت ياللي شعرك أشقر و فستانك قصير
أرفقي لا تجرحين الطيور الجارحة

ودنا نجلس على الطاولة نشرب عصير
أنا متوتر ومتضايق من البارحة :(

[شامان . @Q2deem]

أنت ضيعني و تفداك السنين
و اسرق الايام يالظبي الجفول

ماعليك تزين ، ولّا ما تزين
في رضاك السعي اهمّ من الوصول

[شامان . @Q2deem]

تل قلبي تل طيرٍ وحيشٍ سبقوه
يوم فكو برقعه قام يزهي للخلاه

العيون السود والراس الاشقر نقضوه
وخد��ا براق وسميةٍ يوضّي سناه

ياهل المجمول بالله عليكم جودوه
لاتخلونه على الدرب يذبح من وطاه.

[شامان . @Q2deem]

سقى دار طرقا عودها مثل غصن الموز
تمايل مع انسام الهبوب الجنوبيه

ليا نقضّت شقر على ردفها المنبّوز
كما شط وضحى مع سبيع الحداريه

[شامان . @Q2deem]

شارد الذهن وافكاري تعيد المشاهد
في هذاك المكان اللي تمره وامره

جالس اجاهد الدنيا واهلها واجاهد
وصلك المنقطع وطيوفك المستمره

[شامان . @Q2deem]

لا تحرميني التفاصيل والشعر ازهليه
اشغلي بالي وأنا بشغل ألسنة الرواه

اضحكي لي ضحكةٍ كنها العذر الوجيه
وقبل لا أعطيك القصيدة أبعطيك الوصاه

دوري شيً يغطي قوامك والبس��ه
القوام اللي كذا ما تغطيه العباه

[شامان . @Q2deem]

قلبٍ تولع في منادمك ومتيم
يالفاتن اللي غير فاتن حمامه

اعطه حقوق الحب من غير تعتيم
وخذ ما تبيه ، وخل فيه الكرامه

[شامان . @Q2deem]

مشاعر الشوق يا ذاك ، الغرام القديم
شابت وهي فـ انتظار الصدفه العابره !