راضي الضوي

‏قبورنا تبنا وحنا ماتبنا

[راضي الضوي @Radi535]

من لاحشم نفسه قبل حشمة الناس
لاعاد يرجي من وراء الناس حشمه

ماهو بلاقي بين الأبطال مجلاس
حتى الجمل يعرف لياشيف وسمه

ومن قل تقديره يقلن الأوناس
ماهم خلق الله جماله وجسمه

أما تعيش العمر مرفوعٍ الراس
ولا تعيش وكل رجلٍ وقسمه

أحدٍ يموت وسمعته مالها قياس
والبعض حي وتلطم الناس خشمه

[راضي الضوي @Radi535]

وينبيك عن ذكر الحياء كل عساس
حبر القلم مابينه غير رسمه

[راضي الضوي @Radi535]

وراك مارديت يالذوق الجميل
هل هو كبر ولا غرور وغطرسه

مشاعري جتلك كما عذب السبيل
وجفاك نشف سيلها لين أيبسه

[راضي الضوي @Radi535]

قصّر هقاويك عن إصغير وشويّب
الناس تال الزمن بالحسد مسبوبه

إن جيت يضحك بوجهك وأنته الطيّب
ولارحت غير رفيقك كامل إسلوبه

لاتمدح البرق قبل الوابل الصيّب
يبرق ويرعد ويمكن مصدر عقوبه

من واقع التجربه ماقلتها أهيّب
بالود والنصح والأفكار مصحوبه

[راضي الضوي @Radi535]

عجزت لاميز الطيب من الخيّب
الكل قدمي لبس ثوبٍ ماهو ثوبه

اليوم لو طبت معهم قالو إحبيّب
وراع الجمايل يصير الطيب عذروبه

وحتى الرفيق الموالي عنك لاغيّب
لاتامن إنه يجيك الطعن من صوبه

من ساير الناس ولا عندك قريّب
طيحتك كل القلوب السود فرحوبه

[راضي الضوي @Radi535]

القبال الحلو والبسمه وحلو أخلاقك
كلها تجمعت لين إستحلت قلبي

والله إني يوم أفكر بالبعد وإفراقك
أشعر إن قلبي وهو قلبي مايبغاء قربي

[راضي الضوي @Radi535]

لفّت بقلبي عن هوى غيرها لف
من غيرها مابيه لوهو يبيني

لاشفتها مالي بكل البني شف
لو عرضن قدام وجهي وعيني

راضي سعد الضوي

[راضي الضوي @Radi535]

تكفي�� هاتي صورتك قبل لاموت
صورتك تغنيني عن ألفين صوره

ون كان حطيتي مع الصوره الصوت
حلمي وهاذا من دواعي سروره

[راضي الضوي @Radi535]

لوكل حذفه تعثرالرجل وأطشّه
شكك بعمره ولا قدم ولاوخّر

هاذا الزمن ماتعرف الكفو من غشّه
يمسي كفو ويصبح ألي شفت متبخّر

إعضام الأبطال تالي وقتها هشّه
من قوت السوس صار العضم متنخّر

لو شفت ماعفت مش ألي تبي مشّه
حتى جضيع المخده قالو يشخّر

[راضي الضوي @Radi535]

@sulimanalmanah غفر الله له واسكنه فسيح جناته وأحسن الله عزاكم وعزا أسرته

[راضي الضوي @Radi535]

مبروك يابو فلان على التقاعد
لاناف��ٍ نفسك ولا منك منفوع

لاصرت ماتدحم سباع وتساعد
ومن الصلاحيات يالعفن منزوع

عند المره خلك متكي وقاعد
ون آمرتك بشي خلك لها طوع

تفوتك الشرهات لو أنت قاعد
عنك القلم لو أنت موجود مرفوع

وترا المناصب والرتب والمقاعد
تبي لها مطنوخ ماهو ب مصروع

[راضي الضوي @Radi535]

عزالله إني من كبار الملاقيف
ولا ماني في خلق ربي مكلّف

خلاص قفلنا مجال المعاريف
أقطع يدي لو عقب هاذي نسلّف

[راضي الضوي @Radi535]

يحماك ربي عالمآ بالمقادير
الشعب يدعي لك محبه وبيعه

ودامك بخير أوطاننا كلها بخير
دايم طموحاتك ب شعبك رفيعه

بقيادتك ماحركتنا المعاصير
والشرق الأوسط في كفوفك وديعه

ومكانتك مازعزعتها الخنازير
لو اليهودي صف بحزاب شيعه

أقولها وألي كتب ربنا يصير
والعمر دونك كل شعبك تبيعه

[راضي الضوي @Radi535]

من لاوقف مع لابته لاتناخو
لايرتجي فزعاتم حزت الضيق

ولا عاش رجلٍ عنه ربعه تناحو
لايامن الدنياء على راسه تويق

��م واحدن عنه المعضلات زاحو
طاب وتهناء من عقب نشفة الريق

لوهي على موح الدّلي يوم ماحو
لذاتها ماتنسي يالمطاليق

لو طاحت الأهرام عندك ماطاحو
زمل النوايب فاتحين المغاليق