حقيقي ولا مرة ملينا من الصبر يمكن بنزعل على ظروفنا وبنزعل إننا اتمنينا وما نولناش وكان ن��سنا في حاجات لكن ربنا ما أرادش وبنزعل أحياناً على حياة مكانتش اختيارنا وأوضاع اتفرضت علينا لكن والله ما يأسنا ولا شعور الهزيمة اتمكن مننا ومؤمنين وكلنا يقين إن ربنا هيعوضنا وشايلنا الخير كله
عارفين الواحد محتاج ايه !؟ محتاج حد كده فى حياتى .. حد لا يهون عليه زعلى ولا خصامه يطول .. حد مهما اختلفنا لا بيفوت علينا وقت كبير متخانقين ولا بنراكم زعلنا جوانا .. حد مبيهونش عليه يسيبنا لدماغنا مهما حصل..
مفيش حاجه بترجع زي الاول مينفعش نفس الاحساس يتعاد مرتين.. الالم بيخف بالوقت اول مره مش زي التانيه ولا الاخيره ..الايام لو رجعت وحتي الاشخاص وكل الحاجات بقت هي هي بتفصيل أنت مش هتبقي أنت ف أحلي حاجه حصلت ف اللي فات انه فات .
دايما الحل متلخص فكلمتين
الحمد و الصبر احمد ربنا طول الوقت واطلب منه يصبرك ويرشدك للطريق الصح.. ربنا مش بيعاقب ويبتلي غير عبااده ال بيحبهم قربله اكتررر واحمده طول الوقت وان شاءالله هتبقي كل حاجه تمام...الصبر مش سهل ده كان معجزه نبي..اكيد مش حاجه بسيطه بس كله خير...
لكن محدش قالنا إن مرحلة العشرينات هتبقا صعبة كدا وإننا هنكون مضغوطين وتايهين مابين المسؤليات وإننا أصغر من الحمل دا ومابين نعيش حياتنا أو نبنيها محدش قالنا إن العشرينات دي أكتر مرحلة هيتسرق فيها عمرنا وهتضيع فيها أحلام كتير لينا وهيصعب علينا نفسنا وهنتبهدل بالمعنى الحرفي للكلمة!
تقريباً مفيش أصعب من إنك تبقي مش عارف تساعد نفسك في الوقت اللي بتكون مضغوط فيه لان طاقتك خلصت و في نفس الوقت أنت بتعافر أصلاً لوحدك و مفيش حد جمبك بيحاول يساعدك ده غير إنك مش بتحب تبقي تقيل علي اللي حواليك فهتلاقي إنك زعلان علي نفسك و علي اللي انت فيه و ده بقي اصعب انواع الزعل.
الفتره دي اصعب فتره ف حياتي وكل حاجه فيها ملغبطه وعلاقتي بناس كتير باظت بخسر كل حاجه واي حد بسهوله ومش بمزاجي خالص ولا بإرادتي كل حاجه بتحصل وانا واقفه بتفرج يارب عديها علي خير.
بمناسبة الصورة دى كان فيه حد بيسألنى ليه بدأتي بإنك مسحتي ال chat ؟
عايزه اقول إنى لما بتقفل من حد مببقاش عايزه أشوف أى حاجة قدامى ممكن تفكرنى به لا chat ولا صور ولا voice note أنا مش بوصل للمرحلة دى من فراغ ولا بستغنى بسهولة أنا بوصلها بعد ماطاقتى تكاد تكون انتهت وخلصت ..
بقيت حاسه إن نفسي مسدودة من الناس ومن حواراتهم ومن المعافرة اللي بتبقى على الفاضي ومن الروتين اللي بعيشه بشكل يومي حاجات كتير حصلت استنفزت طاقتي على الفاضي وخلتني فعلًا ماليش نفس لأي حاجة ولا مستنيه حاجة.. فبقيت ساكته أغلب الوقت لإن اللي جوايا أكبر بكتير من اني احكيه .