راشد الدوسري

مهندس تسويق ووسيط عقاري مرخص سوقت +3000 وحدة بين مشاريع الخارطة والخاصة ارسم رحلة عميل واضحه توصلك للعميل الصحيح وتزيد فرص البيع للمطورين.
هنا اشاركك تجاربي 👇

[راشد الدوسري @Rashed_mkt]

+3,000 وحدة سكنية سوقتها ما بين مشاريع بيع على الخارطة ومشاريع خاصة.

ومن تجربة شفت ان أكبر شي يطيح فيه المطور العقاري إنه يحسب كثرة تسجيل الاهتمام Leads في إعلاناته يعني إن مشروعه ناجح!

وهنا تبدأ المشكلة.. ويبدأ حرق ميزانية التسويق وتضييع وقت فريق المبيعات.

[راشد الدوسري @Rashed_mkt]

+3,000 وحدة سكنية سوقتها ما بين مشاريع بيع على الخارطة ومشاريع خاصة.

ومن تجربة شفت ان أكبر شي يطيح فيه المطور العقاري إنه يحسب كثرة تسجيل الاهتمام Leads في إعلاناته يعني إن مشروعه ناجح!

وهنا تب��أ المشكلة.. ويبدأ حرق ميزانية التسويق وتضييع وقت فريق المبيعات.

[راشد الدوسري @Rashed_mkt]

150 ألف ريال دعمك في مشروع سكني ممكن تستثمر فيه اذا كنت مستفيد سكني وتجيك عوائد 10% من عقارك تتملك وتستثمر

الحين هذا اللي يهم مستفيدين سكني …إذا كنت مؤهل لدعم سكني.

تقدر تستفيد من دعم التمويل و تتملك شقة او غرفة بهدف الاستثمار و حسب سياسة البنك الي تتعامل معه.

[راشد الدوسري @Rashed_mkt]

4 خطوات اساسية قبل تشتري اي عقار

قبل 4 سنوات مشتري دفع عربون 50000 ريال لشركة تطوير عقاري على بيت كان مناسب له.

بعدها قدم على التمويل لكن البنك رفض.. السبب كان عنده التزامات ما كان يعرف انها تأثر على تمويله مثل البطاقة الائتمانية الي هي كانت مشكلته.

والحمد لله الشركة رجعت العربون له... لكن مو كل مطور او مالك يرجع العربون ومو خطأهم اذا المشتري دفع قبل ما يتأكد من وضعه المالي.

وهنا دورك كوسيط .. مو بس تبيع عقار دورك تساعد المشتري يفهم وضعه وتنتبه للتفاصيل وتحمي المشتري اي خسارة.

خل هدفك انه المشتري يتملك العقار المناسب حسب استطاعته المالية أو يأجل الشراء إذا الوقت مو مناسب له... العربون ممكن يرجع وممكن لا حسب الاتفاق.

لكن فيه خطوات اساسية احرص عليها مع اي مشتري قبل ما يدخل في اي التزام:

1. يطلع كشف سمة @SaudiSIMAH
كذا المشتري يعرف كل التزاماته لان احيانا تكون عليه التزامات ما هي واضحة له او مايعرف انها تأثر على التمويل.

2. يصفي اي التزا�� يقدر عليه
مثل البطاقات او اي اقساط عليه حتى تابي وتمارا لان كلها تأثر على التمويل.

3. يقارن بين جهات التمويل
مو كل بنك يعطي نفس نسبة التمويل وعشان كذا مهم يعرف الأنسب له.

4. ياخذ موافقة مبدئية قبل ما يدفع العربون او يتأكد انه البنك ممكن يموله
وهذي اهم خطوة لانها ت��طيه تصور أوضح عن المبلغ اللي ممكن يموله البنك تقلل اي مشكلة تصير تخص التمويل.

كذا انت تحمي المشتري و ما تحرج نفسك اذا خليت المشتري يدفع عربون وحصلت مشكلة بالتمويل بسبب التزام او غيره.

كوسيط لا تعجل المشتري على الدفع ورتب الخطوات الي يمشي فيها من البداية.

واذا كنت تبحث عن عقار وتبغى حسبة مبدئية تناسب وضعك المالي تواصل معي على الخاص...او اكتب (حسبة) وبتواصل معك.

[راشد الدوسري @Rashed_mkt]

80% من حجوزاتك أو صفقاتك العقارية ممكن تضيع بسبب التأخر بالرد

من تجربة في مشروع اشتغلت عليه أول شي سويته اشتغلت على تحسين طريقة الرد والتواصل وسويت نظام للرد.

والنتيجة كانت ممتازة متوسط الحجوزات الأسبوعية ارتفعت من 12 احجز إلى 56 حجز بسبب ��رعة الرد والمتابعة.

3 أشياء بسيطة لك كوسيط أو حتى مطورين
• رد اسرع شي خلك اسرع من دباب هنقرستيشن ... رد خلال 30 دقيقة من تسجيل او تواصل العميل.
• جهز اسئلة بسيطة تخليك تعرف هل العميل هذا هو عميلك وخل عندك قوالب رد جاهزة راح تساعدك كثير.
• حول تواصلك مع العميل لموعد زيارة أو جولة افتراضية اهم شي تنقله للمرحلة الي بعدها عندك بالفانل.

وبس

شاركنا طريقتك بالرد والتواصل مع العملاء بالتعليقات

[راشد الدوسري @Rashed_mkt]

وش يعني سوق العقار ينهار؟

💢 4 مراحل أساسية يمر فيها السوق العقاري وكل مرحلة لها طابع!

اسئلة كثير ... هل فيه ركود؟ هل بيصير انهيار؟ متى اشتري او ابيع؟

بس السؤال الأهم
🔴 احنا الحين في اي مرحلة؟

🧵ثريد بسيط يوضح لك دورة السوق العقاري بطريقة بسيطة وسهلة.

[راشد الدوسري @Rashed_mkt]

@HindFah93100291 صحيح العميل الواعي يدور القيمة قبل السعر ودورنا كمسوقين ووسطاء نبرز له هذي القيمة برحلة واضحه من البداية عشان نسهل عليه يتخذ القرار المناسب له بالشراء

[راشد الدوسري @Rashed_mkt]

المسوق او الوسيط الي يبيع هو اللي يبني رحلة عميل توضح للمشتري القيمة قبل يدفع اي مبلغ و قبل ما يسأل بكم.

اذا وصلت القيمة للمشتري القيمة لعميلك خلال رحلة شراءه.. السعر بالنسبة ل�� يتحول من كوست الى قيمة او استثمار يعني دافع بشي هو يبغاه.

[اللولو الصقعبي @Holotelsa]

@Rashed_mkt بعض العملاء مستعد يدفع ٣-٤ مليون لكن يحصل بمقابلها على قيمه وهذا اللي لازم نوضحه للعميل يعرف ان السعر مو محطوط عشان مساحه وبس
ايش المميزات ايش الخدمات والموقع وغيرها

[راشد الدوسري @Rashed_mkt]

@jamalalfadhli الله يسعدك يا بو عبد الناصر و تم ...بس نخليها هندسة تسويق عامة 🤣

[راشد الدوسري @Rashed_mkt]

+3,000 وحدة سكنية سوقتها ما بين مشاريع بيع على الخارطة ومشاريع خاصة.

ومن تجربة شفت ان أكبر شي يطيح فيه المطور العقاري إنه يحسب كثرة تسجيل الاهتمام Leads في إعلاناته يعني إن مشروعه ناجح!

وهنا تبدأ المشكلة.. ويبدأ حرق ميزانية التسويق وتضييع وقت فريق المبيعات.

[جمال الفضلي | ت��ويق @jamalalfadhli]

عجبني مصطلح هندسة تجربة شراء العميل اخوي راشد

لاحظت اغلب المسوقين العقاريين عندهم هذه المشكلة

القمع يدخل فيه من هب ودب والنتيجة صفقات قليلة جدا مقابل اتصالات كثيرة جدا

مثل اللي يتصل علي ويقول عندي لك عرض شراء منزل في شمال الرياض وانا اساسا ما احتاج المنزل او ما عندي المبلغ او أخذت تمويل عقاري سابق او لا ارغب السكن في الرياض او شمال الرياض

وكل ماتمت التصفية اكثر في البداية كل ما كان معدل التحويل اعلى

[راشد الدوسري @Rashed_mkt]

حياك الله يا بو عبدالناصر تصدق من اول ما اشتغلت بالعقار غالبية الي اقابلهم واجتمع معهم يقولون لي مهندس راشد فصرت اقول لهم انا مهندس تسويق 🤣 ومن هنا طلعت هنندسة رحلة العميل. 🤣

​ومثالك يختصر مشكلة عند كثيير مطورين لاني اتابع حملات المنافسين بالقطاع.

فلترة العميل من البداية هي ترفع نسبة التنفيذ بنسبة كبيرة وتوفر ميزانيتك وتخلي فريق مبيعاتك يركز على العملاء الي فعلا ممكن ينفذ.

[اللولو الصقعبي @Holotelsa]

@Rashed_mkt بعض العملاء مستعد يدفع ٣-٤ مليون لكن يحصل بمقابلها على قيمه وهذا اللي لازم نوضحه للعميل يعرف ان السعر مو محطوط عشان مساحه وبس
ايش المميزات ايش الخدمات والموقع وغيرها

[راشد الدوسري @Rashed_mkt]

@Holotelsa عز الله صدقتي.. هذا الفرق بين السعر والقيمة وهذا اللي يفرق بين مسوق والثاني.

احنا ما نبيع جدران احننا نبيع قيمة مضا��ة للمشتري الموقع الخدمات و المرافق و جودة الحياة وجودة بناء قبل لا نصدمه بالسعر.

إذا رفعت قيمة المنتج في عند العميل.. السعر يصير مجرد ثانوي وتقل أهميته.

[راشد الدوسري @Rashed_mkt]

@Holotelsa صحيح اتفق معك وهذا الي يفرق التسويق العشوائي يسبب زحمة ويضيع وقتك وجهدك حتى لو كان عدد المهتمين عالي لكن ايش الن��يجة هل في تنفيذ��

اركز على 10 عملاء ممكن ابيع لهم افضل من 100 نسبة تنفيذهم ضعيفة... حتى الوسيط و المسوق الفرد يحتاج يبني رحلة عميل مو بس المطور.

[راشد الدوسري @Rashed_mkt]

التسويق العقاري تغيير ما عاد بس اعلان يجيب ارقام هو هندسة تجربة شراء للعميل.. تضمن لك أعلى عائد من الاستثمار في التسويق.

انا راشد وسيط عقاري ومهندس رحلة العميل.
إذا كنت مطور تبغى تبني منظومة مبيعات عقارية تخلص لك صفقاتك وتوقف هدر الميزانية تابع الحساب @Rashed_mkt

[راشد الدوسري @Rashed_mkt]

كمثال جاني مطور لمشروع عنده تسجيل اهتمام كثير لكن ما يبيع.

قلت له خل السعر في اعلانك بأسعار تبدأ من 2.5 مليون ... بشكل واضح في أول اعلان واستغرب لكن الهدف هو انه الاعلان يفلتر بالمحتوى.

صار يسجل اهتمام الي يقدر يدفع بس قل العدد وتحسنت الجودة... اللي ما يقدر يدفع المبلغ غالبا ما يضغط على الإعلان او ما راح يسجل كذا ما نحرق ميزانية على ضغطة او تسجيل خطأ ما نضيع وقت المبيعات في اتصالات ماتجيب نتيجة.

[راشد الدوسري @Rashed_mkt]

@AbdullahMashat الله يجزاك خير ريحتني فكرتها تأثيرات الشيب 🤣

[راشد الدوسري @Rashed_mkt]

قاعدة بسيطة.. إذا ما عندك موافقة تمويلية مبدئية؟
لا تدفع عربون و تحجز اي عقار ابد.

عربونك ممكن مايرجع اذا حصل معك اي مشكلة بالتمويل.
خذ موافقة مبدئية من البنك او تأكد من مستشار التمويل بالبنك وتراها مجانية.

ليش تخاطر بـ 5000 او 10000 ريال
وأنت تقدر تتأكد بدون ما تدفع ولا ريال؟