RedaGhanem

محرر في موقع الأهلي دوت كوم في قناة الأهلي برنامج خط أحمر

[RedaGhanem @RedaGhanem]

#تريكه_اسطوره_عربيه مين يكرهك مين ؟

[RedaGhanem @RedaGhanem]

قناة الزمالك هاجمت الدولة بالتصريح تارة والتلقيح تارة أخرى خلال برنامج زملكاوي
وده اللي خلى المسؤلين عن القناة يحذفوا جزء كبير من البرنامج على يوتيوب وميتمش اعادة البرنامج في توقيتاته الطبيعية

ده عيب بقى ان أي كلام بيتقال ومحدش كان بيقف عليه على سبيل انا محدش يقدر يكلمنى "فضفضة ورحرحة" مش ناس بتخاطب الرأي العام وتشكل توجهه

الحاجات دي عند الزمالك سهلة محدش بيقف عندها كتير ، ده اتقال اكتر من كده كتير وعشان اترفع فيديوهين تلاتة قالك الحقوق يا منى الحقوق يا عالم

نده بأعلى الصوت حقووووووقي ادوهم بلوكات ازاي الناس تنشر حاجة احنا مش عاوزين حد يشوفها

ازاي حد يقول مباراة مشبوهة واللي فيها ** اتقال شتيمة صريحة في حكم بس ازاي تنشروا ده

يالا ما علينا

[RedaGhanem @RedaGhanem]

اذاعة الزمالك: عارفين ان فيه لجان بتخترق البث المباشر للإذاعة وبتلعب في المشاهدات واللجان بتحاول حجب العدد الحقيقي

هههههه ما ابدعك ما اروعك قولوا كمان

[RedaGhanem @RedaGhanem]

مهيب عبد الهادي: رأيك إن الأهلي جاب مدرب مغربي؟

حسن شحاته أسطورة كرة القدم المصرية: المدرب المغربي مدرب أجنبي، وأنا بعترض على كل المدربين الأجانب، مفيش حد بياخد بطولة إلا المدربين المدربين المصريين، أنا معترض تماماً على حتة المدرب المغربي أو الأجنبي، ده يعتبر أجنبي ما تقوليش عربي ، ده مدرب أجنبي

مهيب عبد الهادي: ده بياخد 225 ألف يورو هو وجهازه جايب أربعة معاه في الجهاز

أحمد سليمان: جاي بالرقم ده؟ ده معتمد نعمة وبركة ونعمله تمثال عندنا

مهيب عبد الهادي: وحياتك معتمد ماتشين وهتمشو��

حسن شحاته: هو انتم عاوزين تجددوله؟ أنتم لغاية لغاية النهارده ما جددتوش لمعتمد

أحمد سليمان: الناس مش واخدة بالها

حسن شحاته: مش واخدة بالها ايه يا أحمد

أحمد سليمان: الدوري خالص بقاله أسبوع

حسن شحاته: الدوري بقاله أكتر من أسبوع ن أنتم مش عاوزين حتى تقولوا ان احنا هنجدد

أحمد سليمان: إن شاء الله يبقى موجود يا كابتن،

مهيب عبد الهادي: ما هو مش بمزاجكم غصباً عنكم عشان الفلوس، لو معاكم فلوس كنتوا جبتوا مدير فني أجنبي

[RedaGhanem @RedaGhanem]

هاني حتحوت: واضح ان تصريحاتك الأيام اللي فاتت سواء بودكاست او برامج أغضب�� البعض فيه ناس زعلت إيه رأيك في زعل البعض من كلامك؟

زكي عبد الفتاح: شفت فيديو لأحمد حسن، أنا مش هرد ولا مبنزلش للكلام ده أحمد حسن تاريخ وتاريخ كبير وكده، بس أنا قلت إيه؟ إن بوب برادلي السبب إن هو إداله إنه يبقى عميد العالم، بدليل أول ماتش البرازيل، وقلت إنه هرب؛ إنه لقى نفسه برة ماتش موزمبيق عمل إن هو عنده الخلفية وهرب، ولما عرف إن 23 لعيبة هيقعدوا على دكة البدلاء مسك كابتن سمير عدلي قعد يشم فيه بالأب والأم والكلام ده، كابتن سمير عدلي عيط

هاني حتحوت: ده كابتن أحمد حسن اللي عمل ده كله

زكي عبد الفتاح: آه وكابتن سمير عدلي حي يرزق موجود والراجل أحمد حسن في كلامه ده يعني ما احترمش جمهور مصر، ما احترمش المشجع الرياضي واخدهم ذكي بيقول ده لعب 14 ماتش أنا لعبت سبعة بس ولا اتكلم على موضوع الهروب

هاني حتحوت: ما يمكن هو يقصد إنه بما إنه أثبت عدم دقة معلومة يبقى الباقي مش دقيق

زكي عبد الفتاح: مين اللي إداله العمادة بتاعتها؟ ماتش البرازيل، أنا قلت إحنا عملنا 14 معسكر لعب ، سبع ماتشات أو تمانية مش متذكر، الكلام ده من 2011 أو 2012، فانا إداله الراجل إداله، الراجل كان عايز يديله ماتشات على قد ما يقدر على أساس ما حدش يقدر يضرب رقمه، عشان يبقى اسم مصر أما جه خرج بقى ده وخرج بس

هاني حتحوت: هو لعب هو يستحق، ما لعبش مجاملة. ولا مجاملة؟"

زكي عبد الفتاح: لا مش مجاملة، كان بتكريم الراجل كان بيعملها بيعملها لمصر عايز. فهو الراجل كان عايز يخدم مصر من خلال أحمد حسن إنه يبقى ماشي إنما يقول له 14 أنا أ أنا ماليش الماتشات أنا رأيي إن هو ده حد رقم..."

هاني حتحوت: تقصد الفكرة

زكي عبد الفتاح: لا أنت هربت الماتشات زي الحضري، ما أنا قلت قبل الحضري هرب والحضري مش هرب من المنتخب، الحضري هربان من كل حتة راح فيها، كل نادي الحضري لعب له هرب

هاني حتحوت: أنا بقول لك أنت مزعل الناس عشان بتهدي بتكرر التصريحات

[RedaGhanem @RedaGhanem]

فتوح بعد كأس العالم يوصل سعره 5 مليون دولار

[RedaGhanem @RedaGhanem]

هاني حتحوت: الحد الأدنى لبيع خوان بيزيرا؟

محمد كمونة: زيزو بـ 100 مليون وهو لا يقل عن ��يزو ، بيزيرا يخش له في 60 مليون دولار

هاني حتحوت: 60 مليون ايه؟ ليه هو مبابي؟ دولار؟

[RedaGhanem @RedaGhanem]

عمرو أديب:

لأني أنتمي إلى النادي الغلبان، النادي المكافح، النادي الذي يحارب بإمكانيات قليلة جداً، النادي الذي نجح في ال��صول على الدوري رغم كل مشاكله المادية والنفسية

هذا النادي يحاول البحث عن أفكار مبتكرة للحصول على مداخيل تتيح له رفع الإيقاف، تتيح له الاتفاق مع لاعبين جدد، تتيح له إنه يقدر يتنفس زي بقية النوادي

في الوقت اللي النادي ده بيحاول يرفع الإيقافبنتكلم على 20-18-19 النادي الأهلي بسم الله ما شاء الله، بسم الله ما شاء الله بيفاضل بين 10 12 لعيب

والنادي الأهلي بسم الله ما شاء الله ممشي المدرب بتاعه ومديله ملايين الدولارات، ورقة واحدة، كام فلوسك؟ كام؟ إحنا عايزين نجيب مدرب كويس

فانظر إلى العفريت الأحمر وقدرته على الحركة، وانظر على المسكين الأبيض ومحاولاته لجمع الأموال لكي يستطيع أن يستمر

هذا أمر مهم جداً ويجب أن ننظر له بنظرة أخرى؛ إن هذا نادي من نوادي الدولة، تعثر نادي الزمالك ليس شأناً داخلياً، إحنا يتصرفوا أو بقى لو عندهم مشكلة يقفلوا، لا؛ الزمالك نادي مملوك للدولة المصرية فنحن نحاول المساعدة بقدر الإمكان

[RedaGhanem @RedaGhanem]

تامر عبد الحميد:
هفاجئك.. مستوى طبعًا البرازيل ضد منتخب مصر، في البداية كده يعني.. خوان بيزيرا مش أحسن من لاعبين كتير في المنتخب البرازيلي وخاصةً طبعًا اللعيبة اللي نزلت الشوط التاني؟
​أنا وجهة نظري كده، خوان بيزيرا يروح منتخب البرازيل بالمستوى الفني للعيبة البرازيل النهاردة.. أنا سامعك طبعًا ياللي في بالي

[RedaGhanem @RedaGhanem]

محمد الليثي: يوريتيتش رحل عن بيراميدز واتذكر ان السي في اتحط على ترابيزة الأهلي، ينفع؟ هو واخد دوري أبطال أفريقيا

محسن صالح: ماذا يمنع؟

محمد الليثي: هو يصلح أصلا؟ فنيا

محسن صالح: نتائجه كمدرب ومقوماته تقول انه مدرب جيد الراجل خد دوري مع فريق معندوش جمهور

محمد الليثي: خد دوري أبطال أفريقيا مخدش دوري

محسن صالح: خد بطولة كبيرة وكأس مصر وتصدر الدوري وفرط فيه النقطة الوحيدة اللي تؤخذ عليه التفريط في الأسابيع الأخيرة لو حد يفكر فيه لابد من إجابات

محمد الليثي: هو يصلح فنيا؟

محسن صالح: هو بيعد الفريق بشكل جيد واللاعيبة بتسمع كلامه وعلاقته مع الإدارة ولكن لماذا لم يفز بالدوري هي دي النقطة اللي لازم يبحثوا فيها

[RedaGhanem @RedaGhanem]

محمد الليثي: ايه رأيك ان فيه اسم عربي انطرح في الإعلام لتدريب الأهلي وليد الركراكي

محسن صالح: عندي تحفظ ان يتولي مدرب "عربي أفريقي" النادي الأهلي

محمد الليثي: ده واخد رابع العالم

محسن صالح: ��قدره واحترمه لكن الأهلي يا واحد مميز من أبنائه يا مدرب أجنبي

محمد الليثي: بقولك وليد الركراكي مش عاجبك؟

محسن صالح: الراجل محترم وحقق بطولات

محمد الليثي: مجرد اني بداعبك بس

[RedaGhanem @RedaGhanem]

زكي عبد الفتاح:
أحمد مجاهد د�� كفيله أبو ريدة، مش خافية على حد

أحمد أسامة:
إيه؟

زكي عبد الفتاح:
الكفيل بتاعه أبو ريدة

أحمد أسامة:
لا خلينا

زكي عبد الفتاح:
ما هو أحمد مجاهد هاني أبو ريدة بيقعد، أنا علاقتي كويسة بالكابتن هاني، أنا بقول الحقيقة، أنا بقول حاجة للبلد، عشان الناس تعرف الكورة ماشية إزاي

أحمد أسامة:
"أيوه، بس المهندس أبو ريدة مش خليجي عشان العلاقة بينهم قويةتقدر تقول كده

زكي عبد الفتاح:
"هاني أبو ريدة ذكي، أنتوا بتسموه ذكي، أنا أسميه خبيث

أحمد أسامة:
يا كابتن ده تجيح

زكي عبد الفتاح:
والله ما بجرح فيه لو أنت في أمريكا أقول عليه (Sneaky)... انت تعبان ده رأيي

زكي عبد الفتاح:
الحاجات اللي عاوز يعملها أبوريده بيصدر مجاهد والعطار هو بيبقى بعيد، أنا ماليش دعوة، هم اللي عملوا، خطاب نهائي أفريقيا

[RedaGhanem @RedaGhanem]

احمد الجمل لاعب الإسماعيلي السابق:

تريكه حاجة جميلة جداً، وهو اللي موقف معايا لما اتعورت وسافرت ألمانيا هو اللي حجزلي هناك ألمانيا، اتكلمت وهو كان هناك في ألمانيا، وكان الدكتور إيهاب معاه قالي ربع ساعة وأخلي الدكتور إيهاب يكلمك. الدكتور إيهاب كلمني وحجزلي

تريكه شخصية جميلة في حتة تانية هو لعيب كرة جامد جدا وإنسانيا حاجة محترمة اوي اوي

[RedaGhanem @RedaGhanem]

المذيع هوبا عبر نجوم اف ام: رسالة للبرنام�� لو جالك اي منصب في أي نادي توافق أو ترفض؟

محمد ابراهيم: اي نادي غير الأهلي هوافق طبعا

هوبا: لو في الأهلي

محمد إبراهيم: لأ طبعا جالي مرتين وأنا بالعب ، مرة وانا في البراعم عندي 8 سنين ومرة وأنا في منتخب الشباب ومرة وأنا في الفريق الأول ورفضت ومرة وأنا في الإتحاد السكندري ورفضت

هوبا: رفضت 3 مرات؟

محمد إبراهيم: وأقولك حاجة مكنش ينفع تتقال ، جالي مرة وأنا مدرب في الزمالك اشتغل مدرب في الأهلي ورفضت، انا مدرب بالعب كرة بشخصية الزمالك والأهلي كسبني وجالي بعد الماتش المدرب التشيكي ووقفت مع شريف عبد الفضيل وقالي اتمنى تكون معايا انا مشوفتش المنتاليتي دي في مصر

[RedaGhanem @RedaGhanem]

أحمد جلال رئيس المنظومة الإعلامية في سيراميكا لكريم رمزي عبر ميجا اف ام:

ما كنتُ أنتظر من مجلس إدارة نادي الزمالك أن يتصرف بهذا الشكل، الذي أعتقد أنهم الآن يشعرون بالخجل مما صنعوه، دون أدنى معايير للمسؤولية

هذا أمر مخجل. فوجئت ببيان الزمالك ، في الوقت اللي أنا بعت فيه لشركة "تذكرتي" خطابًا رسميًا وممهورًا ومختومًا

اضطروني إن أنا أعمل كده، لأن المنطق أصبح إن إما أنا كذاب أو هو كذاب، فأنا آسف، أنا مش كذاب ماليش دعوة بأي حد تاني، أنا مش كذاب. أنا عملت الكلام اللي عملته بمنطق واضح وصريح

تم ارسال خطاب وايميل لرابطة الأندية ��ا المطلوب من سيراميكا كليوباترا أكثر من ذلك؟

الشفافية دي ما كانتش تعمل إن أنت تطلب من الطرف الآخر إيضاحًا قبل أن تكتب بيانًا رسميًا؟

البيان ده أحرج مجلس إدارة نادي الزمالك والبيان ده أوضح إن مجلس إدارة نادي الزمالك لا يتعامل باحترافية

هل يتراجع سيراميكا؟ مجلس إدارة الزمالك لم يتعامل باحترافية وبالشفافية اللي هو أطلقها على نفسه، وهو لم يتعامل بهذا الأمر فنحن نتعامل بقيمة الكبار أيضًا، ونتعامل بمنتهى الاحترافية والاحترام لجماهير نادي الزمالك، التي نقدرها ونقدر كل زملكاوي على أرض هذا الوطن.

تقديرنا واحترامنا لجماهيرية نادي الزمالك وإنها تحضر الماتش ده، مش معناه إن أنا هنزل الماتش سايب المباراة، لاعيبة سيراميكا كليوباترا لا يفكرون إلا في الفوز في مباراة الزمالك.

[RedaGhanem @RedaGhanem]

ابراهيم عبد الجواد عبر اون سبورت:

فيه حاجات اتفهم ممكن تتقال أو تناقش على لعيب لسه طالع، أو على لعيب معروف عنه إنه بيخرج عن النص، أو لعيب معروف عنه إنه مشاغب. لكن لما ألاقي كتير من وسائل الإعلام المقروءة أو المسموعة أو المرئية بتنهش في لحم عبد الله السعيد استنادًا لفيديوهات مالهاش أي علاقة، ولا أدنى علاقة، بأن إنت تقدر تكون متحقق إيه اللي جواها

يعني واحد مصور لك فيديو على بعد 600 كيلو، جايب لك عبد الله السعيد متنرفز ومتعصب:
“الحق عبد الله السعيد بيشتم عواد” “الحق عبد الله السعيد كسر الأوضة”

وهو مش شايف أي حاجة ده فيديو واحد مسجله وهو قاعد في الكلية الحربية، قاعد عند عمار بن ياسر في مصر الجديدة، وجايب عبد الله ��لسعيد وهو عند أوضة اللبس في استاد القاهرة، شايف عبد الله السعيد متضايق وبيعمل كده، فيروح مقوله كلامه وحاطط استرابة على الفيديو:
“عبد الله السعيد يوجه القذائف"
وهو مافيش أي حاجة في الصوت. هو عامل بس الاسترابة دي، العنوان ده على الفيديو، عشان الناس تخش ولايكات وشير واتفرج والحق واعمل أي حاجة، بروبا��ندا، فالعداد يعد والفلوس تيجي

لكن تخش جوه تسمع؟ مافيش أي حاجة في أي حاجة.

ده يعيب اللي منزله، لكن العيب أكتر وأكتر إنك تلاقي قنوات وبرامج وجرايد ومجلات ومواقع كبيرة واخدة الكلام ده، وبتقوله وبتردده على إنه حقيقة واقعة، على إنه أمر مسلم بيه، وهو أصلًا مافيش أي دليل عليه. إنت مش سامع أي حاجة في الفيديو، مافيش أي حاجة

أزيدك من الشعر بيت، لما الكلام ده يكون عن واحد من اللعيبة اللي هو يتعمل له تمثال. قلت قبل كده، وبعيد وبأكد، عبد الله السعيد ده يتعمل له تمثال

عمرك ما سمعتله مشكلة، لا جوه الملعب ولا بره الملعب. عنده ضبط نفس، تعرض لأقصى مراحل الضغط العصبي والنفسي والجماهيري من كل الأشكال والأنواع، عمرك ما شفت له رد فعل سلبي

محروق ودمه محروق ومتعصب؟ ده هو لو ما عملش كده ميبقاش عبد الله السعيد. ده هو لو ما عملش كده ما يبقاش لعيب كبير. لأنه لو لعيب كبير، وفي وسط 120 ألف محروق دمهم وماشيين زعلانين وبيعيطوا ومحروق دمهم عشان ماكسبوش البطولة على أرضهم، وهو يبقى طالع بيضحك ولا بيتحزم ويرقص، يبقى العيب ماعندوش دم عبد الله السعيد ما يبقاش أسطورة.

اللي خلى عبد الله السعيد في الحالة اللي هو فيها، وعنده 41 سنة وبيجري أكتر من لعيبة أصغر منه بـ10 سنين، عشان الحمية والغل الكروي الحميد اللي عنده، إنه عايز يكسب، وإنه عايز يغلب، وإنه عايز ياخد بطولة، وإن أنا ما ينفعش أخسر

لو ما عملش كده، ما يبقاش لعيب كورة جامد

إنت تحاسبه إمتى أو تغلطه إمتى؟ لو عصبيته وضيقه وحرصه ده وغله الكروي الحميد ده تطور إلى تجاوز أو تطاول.

حد شاف بعينه حاجة عملها عبد الله السعيد؟ تعدى على زميل ليه؟ ولا شتم حد؟ ولا ضرب حد بالقلم؟ ولا ادى حد بونية؟ ولا عمل أي حاجة من الحاجات دي؟ ولا عمره عملها، لا في الزمالك ولا في غير الزمالك.

فأتفهم إن ممكن حد معندوش ضمير، معندوش أخلاق، سميها أي حاجة يا عم، ما عندوش خبرة عشان ما نبقاش بنحسن الظن بالناس، يحط فيديو متفبرك. لكن إن حد ياخده ويقعد يتكلم به وينقله وياخده على إنه حقيقة مسلمة، وواحد من أهم أساطير مصر في الكورة، مش بس أساطير الزمالك في الوقت الحالي، هو عبد الله السعيد، ده شيء لا يمت حتى للإنصاف ب��لة

[RedaGhanem @RedaGhanem]

ابراهيم عبد الجواد عبر اون سبورت:
هناك محادثات بين مسئولي سيراميكا والزمالك بمنح جمهور الزمالك تذاكر مباراة سيراميكا ودي بادرة كويسة من إدارة نادي سيراميكا

[RedaGhanem @RedaGhanem]

🎙️🎙️ أحمد سالم قبل لقاء نهائي الكونفدرالية:

🗣️🗣️ أعتقد مفيش أحلى من كده بداية، رغم إن الواحد على أعصابه، لكن هدف مبكر للزمالك مكناش بنحلم بسيناريو أحلى من كده! الماتشات اللي زي دي لو عقّدت منك وعقّدت ممكن تهرب تماماً، لكن عدي الدباغ بيفرحنا بضربة جزاء في أول دقيقة.. دقيقتين من المباراة، وبإذن الله النصر والفوز للزمالك

🗣️🗣️ الماتش ده علامة فارقة في تاريخ نادي الزمالك، محطة صعبة أوي تروح منك لأنك هترجع للخلف خطوات كتير أوي، واسألوني أنا راجل زملكاوي بقالي 40 سنة وعارف؛ الزمالك عنده ميزة وعيب، لما بيتحط تحت ضغط وبتمشي معاه بيولع الدنيا ويكسر الدنيا، لما بيقع أو بيحبط فجأة بيكر زي الدومينو ما بعد ذلك

🗣️🗣️ الزمالك النهارده محتاج البطولة دي بشكل غير عادي، محتاجها عشان يدخل الدوري يحصد الدوري بنفس القوة، وده أمنيات مشجع يعني أكيد طبعاً كل الاحترام لباقي الفرق. لكن الماتش ده غير الـ 4 مليون دولار هيحلوا كم مشاكل لازم تتحل خلال أسبوعين غير عادية؛ إحنا عندنا وقف قيد 16.. 17 وقف قيد! كل يوم نصحى على وقف قيد جديد، ده رقم قياسي، للأسف رقم قياسي مش حلو ولكن ده الواقع.

🗣️🗣️ لو أخدنا الـ 4 مليون دولار الزمالك هيرجع بقوة شديدة جداً، يرجع دوري الأبطال، يرجع يمثل مصر أو يبقى خلاص بقى يعني قفل باب عدد كبير من المشاكل. لكن لسه بدري.. لسه 85 دقيقة، الفريق الجزائري فريق كبير والماتش مش مضمون خالص، الماتش مش بتاع 1-0 وتنام عليهم، لأن لسه لازم ت��يب الثاني؛ الـ 1-0 توديك بلنتيات، لو جبت الثاني برضه خطر لأن الثاني لو خطف جون في أي لحظة يضيعك لأن الجون بتاعه باثنين، إذاً الماتش ده يا 3-0 يا إما بقى أي سيناريوهات أخرى.

🗣️🗣️ الزمالك هيلعب بأعصابنا كعادته، زي ما بقول لك 40 سنة خبرة في التلاعب بالأعصاب، الزمالك معندوش حاجة سهلة، ما ينزلش يخلصك كده والماتش ويبقى خلاص بعد كده، لأ.. لازم السسبنس بتاعه، قد يكون هو ده الحاجة اللي بتخلينا نحبه ونشجعه. كل الدعاء بكل الآمال وكل الأمنيات بفوز الزمالك النهارده ببطولة الكونفدرالية اللي هو محتاجها جداً

🎙️🎙️ أحمد سالم بعد خسارة الزمالك الكونفدرالية:

🗣️🗣️ عندي رسالة للزملكاوية؛ كلنا في حالة حزن غير عادي، الواحد حاسس بمرارة مكنش متخيل إنها هتبقى صعبة أوي كده، لأن الحلم كان كبير؛ سواء مادياً 4 مليون دولار، سواء تحقيق بطولة في ظل ظروف صعبة، ولكن سيبقى الزمالك بطل.

🗣️🗣️ جينات البطولة موجودة في الزمالك، زعلنا؟ آه، ولكنطبيعي جداً كل الفرق الكبيرة بيحصلها زي ده، والزمالك في ظل ظروف مستحيلة (مش بقول صعبة هي مستحيلة) قدر يوصل ل��هائي بطولة زي دي، ويجيب 7 ضربات جزاء، وواحدة تضيع من محمد شحاتة وقدامكم بطولة الدوري تصالحوا بيه جماهيركم

🗣️🗣️ على فكرة، اللي وقع الزمالك امبارح هي اللياقة البدنية، واللي وقع اللياقة البدنية للزمالك إنه بقاله 4 - 5 شهور بيلعب بـ 14 - 15

🗣️🗣️ مش التماس أعذار، بالعكس هو قدر، وكلنا في ضهر الزمالك كزملكاوية، وكمصريين فيما يخص أفريقيا، وبإذن الله القادم أفضل. ودايماً الانتكاسات اللي زي دي بتثبت بعد كده إن الفرق الكبيرة ما بتقعش والزمالك لن يسقط أبدا

[RedaGhanem @RedaGhanem]

بشير التابعي: مجلس الزمالك الله لا يبارك لهم، الله لا يبارك لهم، علني أهو أهو الناس دي يا جماعة. أقسم بالله جمهور نادي الزمالك لازم يروح يعتصم، يخرج الناس دي، يمشيهم، يقول لهم: إنتوا وصمة عار في تاريخ النادي.

يا راجل، ده ما ساعدوش حتى الجماهير إنها تخش بتذاكر. الناس طلع عينها عشان تجيب تذكرة، الناس طلع عينيها، وإنت بتلعب النهائي في أرضك عاوز تاخد البطولة؟

شوف الأندية التانية لما يكون عندها نهائي بطولة بتعمل إيه للجماهير، بتسهل. ما بقولكش اشتري تذاكر

إنما الناس رايحة تتصور، الناس فرحانة رايحة تتصور، بس في المقصورة، رايحة تنط على إنجاز الجمهور. الإنجاز ده لو كان حصل يبقى بتاع الجمهور

الزمالك لو خد الدوري العام، يبقى بتاع جمهور الزمالك ولعيبة الزمالك

محمد شبانة: ودوري ممدوح عباس

محمد عبد الجليل: وجون ادوارد

بشير التابعي: انما مجلس الإدارة لأ لأ لأ ، النادي الأهلي لو ما اتحسبلوش "أوت أ" في بطولة أف��يقيا بيقلب الدنيا. إنت اتحسب عليك جون، وإنت جايب جون واتلغالك، واتحسب عليك جون في الدقيقة 98، قول لي بعد الماتش المجلس عمل إيه؟ لعت حتى ورقة؟

بس امبارح التحكيم كان كويس جدًا.

المذيع الآخر: مش بتكلم في دي، أنا بتكلم في الماتش اللي هناك ، حتى أشجب، أعمل أي حاجة "هيت" الإتحاد

محمد عبد الجليل: اشجب ايه؟ ما الكرة بلن يا ابني هي خناقة ما تلعب انت واكسب، تقولي هيته وما نهتوش

[RedaGhanem @RedaGhanem]

كابتن وليد أبوسريع يعتذر لجماهير الأهلي

[RedaGhanem @RedaGhanem]

وليد أبوسريع معلق اون سبورت في نهاية المباراة وفوز الأهلي على الإتحاد السكندري:

🏀 أنس أسامة.. بير جاكسون خد (الأسكرين) ومطّلع ولازم يصوب، بيصوب بيصوب.. أوه ما بتجيش ما بتجيش

إذاً ينتهي اللقاء أعزاءنا المشاهدات والمشاهدين بـ 77-76.. يا لها من مباراة وفوز الأهلي بدوري السوبر هذا الموسم

🔥 إذاً نحط في رصيد هذه المباراة 77-76.. بص جنون جماهير الأهلي، إذاً الأهلي بطل الدوري هذا الموسم، وأنس أسامة يسجد شكراً. هذه اللعبة الأخيرة، إذاً الأهلي بيتوج بالبطولة رقم تسعة ليه في رصيده ويحافظ على اللقب

🚨 أنا بقول لك آخر دقيقة فيه اتنين، كرتين ضايعين للاتحاد السكندري فرقوا معاه جداً جداً، لكن الأهلي يستحق لأنه أيضاً لعب بكفاح طول المباراة ولم يستسلم

أنس أسامة زعلان بعد (جيم) رائع عمله وهو بيبص لـ (السكور).. أكيد سكورُه يعني بيقول لك: (أنا عملت)! لو الشاشة تيجي لنا نقول لك السكور بقى بتاع كل واحد دلوقتي إيه

🏆 إذاً فرحة للاعبي الأهلي اللي هم أنهوا اللقاء وأنهوا بطولة دوري السوبر هذا الموسم. ألف مبروك للاهلي

ولكن دعونا لا نغفل ما فعله الاتحاد السكندري ليس في هذا الجيم فقط، ولكن ��وال (السيزون) الحقيقة.. عامل سيزون رائع، كان عنده النهاردة إصابات وغيابات، يوسف شوشة ودولا أكيد مؤثرين جدا جدا بيلعب بالمتاح بالمتاح وتغيير الكوتش أنا ما بلتمسش الأعذار بقولك الحكاية والرواية من أولها

🔥أدي الكرة ضاعت ازاي من بير جاكسون ، وفيه واحدة تانية والأهلي خد الكرة ، دي ميدو طه مجتش ما بلومش فيها ميدو طه الأعصاب متوتر