يالله لطفك لابدت لحظه الياس ..
قدام يقفى اسمي عسى الله يبيحه
وضاقت بي ادوربي مثل ضيق الانفاس
ولا لقيت من النصايحه نصحيه…
انت الملاذ اليا بدى الفكر يحتاس ..
قربك رشادن للدروب ..الفليحه
اسج عن ذكرك وانا خاطري حاس
ورجع وصدري كل دعوة تريحه
اليا كسبت ارضاك مادوّر الناس..
لو تكثر الارقام وسط الشريحه
العرف بيّن والمبادي على ساس
وعزومنا ماهي عزومٍ الطريحه
منهو يقول ان الكرم ضاع لاباس
مامد عينه فـ الاراض الفسيحه ...
لـ النّار شبابه ولـ البن محماس ..
ولـ الطيب دور لـ الخضر الهيل ريحه
واللي من اللي قلت عرضه للفلاس ..
ماتضهره نخوه وطلبه وصيحه
النعم مايخضع على كف دساس
دونه تخطاف الصقور الجريحه
عاد الصقور اشكال والوان واجناس
اللي يهاب الدم واللي يسحه ..
القاف ريسني على المنبر وراس
قام يتناول كل عذرًا "مليحه .. "
تلبس من اللول المعتق والاماس
ومرفعه عن النفوس الشحيحه ..
مقول انا اسابق خيال ابو نواس ..
انا الفصيح اللي حروفه فصيحه
فاللازم اللي قبله تدق "الاجراس .. "
هذا اختبار الفاينل للقريحه "
في لازمك ياصاحبي طيب الراس
مال الهواين فيه مبدى وليحه
ابو منير اللي عروقه على ساس
وجهه فلح بين الوجيه الفليحه
يثني من الترحيب طاله ونوماس ..
ويرمي الذبيحه في مرقة الذبيحه
ذخاير اللي تلبس الدرع والطاس
ومن شلفهم من طاح قبره مطيحه
تجرّي الهايب على قب الافراس
يوم الليالي بين قومه وطيحه
حدانكم ما عسها كل عساااس
في وسطها ذيدانكم مستريحه
وان صار لثياب المنيات لباس
تكسابه اجساد الرجال الصحيحه
قومن لكم يا يام عزة ونبراس
اهل السلوم البينات الصريحه
من دون حد الدار لامس مساس
ايورّد الضامي على عين سيحه
هذا الوعيلي مجد يرفع به الراس
لو مايقال الا وعيلي ( مدييحه )
#عبدالصمد_بادي #مهدي_ال_رشيد
على قلبي مراسيل الليالي تشحن الافكار
عساني ما تهاون من رساله جابها غالي
يا فكراً يستثير فكل شي يلفت الانظار
يبي يقني من الشي الثمين المر والحالي
اعرف ان الليالي موحشه وان ليلها غدار
اغبط الي يعيش ايام عمر الداله السالي
وانا من يوم شفت الي نطحني فاول المشوار
زرع في قلبي اشجاراً تمثنت ربعه الخالي
اشوف ان عينك الي سالبه فكري تكن اسرار
تبي تبدي لي احوالك وانا ببديلك احوالي
ياضحكه تروي اعصابي لو ان قلبي مولع نار
وياقوه مالها اول فالشعور ولا لها تالي
#عبدالصمد_بادي
نسيم الليل عيّا لايسر الخاطر المكسور
يزف الشوق للي مالها بين البشر عِينه
انا وشلون ابا آسلا وتجاوز في ثلاث شهور .
ولي قلبٍ على درب الهوى ترجح موازينه
خذاك البعد لكن من حبيبك مالحق قصور
عداك اللوم يـ آخر قصته وآول عناوينه
احنك من بيوتي كل ماغنا بها الجمهور
مثل ماحن وجهي من مقام الشين يـ الزينه !