للروح شفّ .. وللاماني جبروت
على صحيح الفطنه بعيد الارماس
تزعجني الفكره ولو مالها صوت
تقبّل الواقع كنايه عن اليأس !
الزهد فـ الاحلام مخزي وممقوت
اللي ماعنده حلم ماعنده احساس
ومن خاف راي الناس بيعيش ويموت
لا مرضي ٍ نفسه ولا مرضي الناس .
أنا لي مواقف واضحه ما عليها غبار
لا منك جهلت أنشد ترا الكل خابرها
أنا أملك كرامة ذات ماهي للأستئجار
تعيش الكرامة لو أهلها بمقابرها
تشيّمت عن درب المهونه والأستحقار
ونفسٍ كسرها الضعف ملعون جابرها
صبرنا وتواضعنا وهذي صفات كبار
وعديم الثقة نفسه ذبحها مكابرها
خضع راسي للأيام وأح��ام الظروف
ومن يزم النفس نفسي تراها عايفه
ما تصنعت الهزيمة ولمعت الوقوف
غير من مثلي يشوف النوايف نايفه
لا كرهني شخص بيحبني غيره ألوف
ماهي والله كبر غير اني قدري شايفه
من حسب زلاتي تطوف ولا ما تطوف
بلغوه انه بكبره علاقة طايفه
على الله احساني وحرصي واجهدي
والا البشر لوّ اجتهد .. ما ارضيتها
ناس ٍ تبي ترديك لو ما أنت ب ردي
وتقيّمك .. لو كنت ما خاويتها
هذاك متكبّر ، وهذاك اجودي
وهي عالم ٍ لاجاتك ولاجيتها .